Erdialdeko ibilbidea - Turismoa Vitoria-Gasteizen

Ibilbidea

Turismoa - Ibilbideak - Erdialdea

Ikusi Google Maps-en(Beste leiho batean irekiko da)

Abiapuntua: Eusko Legebiltzarra

  1. Eusko Legebiltzarra
    Santa Klara komentua izandakoaren orubean dago, eta, 130 urtez, hiriko Erdi Mailako Irakaskuntza Institutua izan zen. XIX. mendean eraiki zuten, komentu zaharraren materialak erabilita.
  2. Maria Sortzez Garbiaren Katedrala
    Estilo neogotikoa du, eta eraikitzeko lehen proiektua 1907an egin zen. Erlijio Artearen Museo Diozesiarra dauka barruan.
  3. Probintzia jauregia
    Arabako Foru Aldundiaren egoitza da. Hasiera batean, behe-solairua baino ez zeukan. 1858an, karlistaldiaren ondoren, goiko atala gaineratu zitzaion.
  4. Andre Maria Zuriaren plaza
    Erdi Aroko merkatuaren plaza izan zen, eta hiriko gune nagusia da. Gasteizko guduaren monumentua topa dezakegu bertan, zeinak 1813ko uztailaren 21ean Napoleonen tropak garaitu izan oroitzen duen. Halaber, Gasteizko landare-eskultura dago, "hiri berdearen" ikurra.
  5. Espaina Plaza edo Plaza Berria
    Arkupedun plaza hau Justo Antonio Olagibel arkitekto gasteiztarraren zuzendaritzaren pean eraiki zen 1781aren eta 1790aren artean, harresietatik kanpo azokak eta jaialdiak egiteko esparrua falta baitzen. Hementxe daude udaletxea eta Turismo Bulegoa.
  6. Foru plaza
    1982an inauguratu zuten, eta Peña Gantxegi arkitektoak Txillida eskultorearekin batera Foruei buruzko 1876ko Legearen mendeurrena oroitzeko xedez egindako proiektua da.
  7. Artium - Arte Garaikidearen Euskal Zentro - Museoa
    Euskal Herriko eta Espainiako arteen bilduma handia dauka, 3.000 artelanetik gorakoa, baita erakusketa programa garrantzitsua eduki ere.
https://www.flickr.com/photos/vgturismo/sets/72157701192621101(Beste leiho batean irekiko da)

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren postontziaren bidez.