Gautxori - Eskaripeko zerbitzua

Gautxori, Eskaripeko geraldiak

Gaueko autobus-zerbitzu honen xedea emakumeen eta 18 urtetik beherakoen joan-etorrietan segurtasuna hobetzea da. Gautxoriko lineetan eskaintzen da zerbitzua, ibilbideko geltoki ofizialen artean igotzea edo jaistea eskatzea ahalbidetzen duena.

Horrez gain, beste hobekuntza bat eskainiko dio Gautxorik erabiltzaile orori: zenbait lekutan eskaripean jaisteko aukera.

Eskaripean autobusera igo eta jaisteko zerbitzua, emakume eta adingabeentzat

Bi aukera daude:

  • Zerbitzu pilotu honek Gautxoriko gaueko linea guztietako geraldi more gisara zehaztutako lekuetan autobusera igo zein jaisteko aukera ematen du, «Gautxori Morea» izeneko aplikazio mugikorraren bidez.
  • Eskaripeko igoera kapp-aren bidez bakarrik egiten dira. App-a bi bide hauetako batetik jaitsi daiteke: Apple Store(Beste leiho batean irekiko da) edo Google Play(Beste leiho batean irekiko da)
  • App-a instalatu ondoren, erregistratu egin behar zara, zure datu pertsonalak eta garraio-txartelaren (BAT, Barik edo Mugi) zenbakia emanez.
  • Erregistro-prozesua amaitzeko, egiaztapen-kode bat jasoko da, eta, sartu ondoren, app-a erabili ahal izango da Gautxori erreserbatzeko.
  • App-an non igo eta non jaitsi nahi duzun aukeratu ahalko duzu.

Finantzatzen du:

Informazio gehiago bideo honetan:

  • Zerbitzu honek autobusetik jaisteko aukera ematen du, soilik jaisteko.
  • «Gautxori Morea» app mugikorra erabili beharrik gabe geraldi more baten bidez autobusetik jaisteko balio du.
  • Berariaz eskatu behar zaio geratzeko gidariari, geratu nahi den lekutik gutxienez geltoki bat lehenago. Gero, autobusaren aurrealdera joan beharko du eskatzaileak, eta bertatik irten, aurrealdetik.
  • * Gogora ezazu: autobusera berariaz eskatuta igo nahi baduzu, nahitaez «Gautxori Morea» aplikazioaren bidez egin beharko duzu eskaria.

Kontsulta ezazu mapan sistema berriaren xehetasunak. Geraldi moreak kolore moreko puntuen bidez adierazten dira:

Gainera, eskaripeko geraldiak, erabiltzaile ororen eskura

  • Edonork eskatu dezake eskaripeko geraldia, baina gidariari eskatu behar zaio aurretiaz.
  • Gaueko G2 eta G3 lineetan dago erabilgarri.
  • Jaisteko geraldiak izango dira, soilik jaisteko. Ez da autobusera igotzerik onartuko.
  • Linea hauetan balia daiteke zerbitzua:
    • G2 linean eskaripeko geraldiak egiteko hiru leku daude.
    • G3 linean eskaripeko geraldiak egiteko leku bat dago.
    • Mapan (pdf) jaisteko lekuak kontsultatu ditzakezu, lauki batekin adierazita daude ( lauki urdina G2 | lauki larosa G3).

Segurtasun-baldintzak

Erabiltzaileak arriskurik ez izateko moduan jaitsi beharko da:

  • Horrenbestez, espaloia duten lekuak izan beharko dira.
  • Ibilgailuak ezingo dira gelditu izkina, bidegurutze nahiz bidebanatze batetik 5 metro baino gutxiagora, ezta irlatxo, erdibitzaile, trenbide-pasagune, bizikleta-pasabide, oinezkoen pasabide eta espaloi beheraguneetan ere.
  • Zubi eta pasabide jasoetan nahiz horien azpian ere ezingo dira gelditu.
  • Autobusek ezingo dituzte ibilgailuak eraikinetara sartzeko pasabideak oztopatu, horiek behar bezala seinaleztatuta badaude, ezta pertsonak eraikinetara sartu nahiz horietatik ateratzeko erabilera normala ere.
  • Saihestuko egingo dira zirkulatzen ari diren gainerakoen ikusgarritasuna oztopatzen duten lekuak.

Gautxoriri buruzko informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.