Gautxoriko eskaripeko geraldien zerbitzuari buruzko ohiko galderak

1.  Zertan datza zerbitzu hori?
Eskaripeko geraldien zerbitzu pilotua TUVISAren Gautxori linea guztietan, zeinaren bitartez ibilbideko geltoki ofizialen artean geratzea eskatu daitekeen, linearen zenbait zatitan. Zerbitzua 2019ko abuztuaren 4an hasiko da.
2.  Nork eska dezake eskaripeko geraldia?
Emakumeek eta 18 urtetik beherakoek eskatu dezakete, berariaz gidariari. Geraldi horietan jaisterik izango da, baina ez da inolaz ere ez inor hartuko.
3.  Nola eskatzen da eskaripeko geraldia?
Erabiltzaileak gidariari jakinarazi behar dio non jaitsi nahi duen, leku horren aurretiko geltokian gutxienez. Eskaripeko geraldia eskatzen duen bidaiaria autobusaren aurrealdean ipini behar da, eta aurreko atetik jaitsi.
4.  Ibilbideko zein zatitan eskatu daiteke?
Gautxori linea bakoitzean erabakitako zenbait zati jakinetan eskatu daiteke geraldia. Xehetasunetarako, kontsultatu linea bakoitzari dagokion informazioa eskaripeko geraldien zerbitzuan.
5.  Zer baldintza bete behar ditu leku jakin batek bertan eskaripeko geraldia egin ahal izateko?
Izaera Urbanoko Bideetako Erabilera, Trafikoa, Zirkulazioa eta Segurtasuna arautzen dituen Udal Ordenantzan xedatutakoa bete beharko dute. Hauek dira kontuan hartu beharreko alderdi nabarmenenak:
  • Autobusa ezin izango da izkina, bidegurutze nahiz bidebanatze batetik 5 metro baino gutxiagora geratu.
  • Autobusa ezin izango da babesleku, erdibitzaile, trenbide-pasagune, txirrindulari-pasabide, oinezkoen pasabide eta espaloi beheraguneetan gainean geratu.
  • Autobusa ezin izango da zubi eta pasabide jasoetan nahiz horien azpian geratu
  • Autobusak ezin izango du oztopatu, ez ibilgailuak eraikinetara sartzeko pasabide behar bezala seinaleztatuak, ez eta pertsonak eraikinetara sartu nahiz horietatik ateratzeko erabilera normala.
  • Autobusa ezin izango da erabiltzaileei seinaleak ikustea galaraziko liekeen nahiz maniobrak egitera behartuko lituzkeen lekuetan geratu.
  • Autobusa ezin izango da hala seinaleztatuta nahiz arauz debekatuta dagoen lekuetan geratu.
Alabaina, zalantzazko egoeretan, gidariaren irizpideak izango du lehentasuna.
6.  Nola eska dezake eskaripeko geraldia gurpil-aulkian doan bidaiariak?
Gurpil-aulkian doan bidaiariak gidariari jakinaraziko dio non jaitsi nahi duen, eta hark jakinaraziko dio leku horrek betetzen al dituen arrapala jaisteko baldintzak; hala ez bada, baldintzak betetzen dituen leku alternatibo bat proposatuko dio.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: