Bizikletaren inguruko gizarte- eta ingurumen-proiektuak
Bizikleta garraiobide bat baino zerbait gehiago da: iraunkorra, ekologikoa, osasungarria, dibertigarria, ikuspegi sozial batetik integratzailea... Gure hirian bizikleta ardatz duten hainbat proiektu garatu dira.
Biziz, adinik ez proiektua
”Biziz, adinik ez” boluntario-proiektu bat da, eta, bertan, laguntzaileek paseoan eramaten dituzte etxebizitza komunitarioetan bizi diren pertsonak edo udal-arretako eguneko zentroen erabiltzaileak.
BIrGURPIL proiektua erabiltzen ez diren bizikleten gurpilak biltzean eta birziklatzean datza, duten materiala berreskuratzeko, eta horrekin produktu berriak fabrikatzean. 12 hilabetez garatu zen, 2019ko azarotik 2020ko azarora.
2020tik, San Martingo Bulego Teknikoetan lan egiten duten langileek alternatiba jasangarri bat dute, laneko joan-etorrietarako udal-ibilgailuen flotaren erabilera sahiesteko: 6 bizikleta elektriko mailegatzeaz kudeatzen duen gune automatizatu bat, itzuli eta kargatzeko aukera ematen duena.
2018 eta 2021 artean, hainbat ekintza egin ziren merkantzien hiri-banaketarako eta, oro har, beste edozein jarduera ekonomiko edo sozialetan mugikortasunaren ordezko gisa erabiltzeko eskala handiko zama-bizikleten onurak ezagutarazteko.
Uda garaian, bizipoliziek parkeak, lorategiak, oinezkoentzako guneak, kirol-guneak eta bidegorriak zeharkatzen dituzte, espazio publikoak behar bezala erabiltzen trebatzeko eta hezteko, bai eta txirrindularien eta ibilgailu motordunen gidarien eta oinezkoen arteko harremanetan errespetua sustatzeko ere.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak
Herritarren Postontziaren
bidez.
