Gizarte etxeetako jarduerak. Segurtasun gomendio eta neurriak

Osasun-krisiaren ondorioz, prebentzio-neurri batzuk kontuan hartu behar dira jarduerak egiteko orduan. Neurri horiek, hala nola distantziei eusteak, maskara eramateak eta egin beharreko garbiketak eta desinfekzioak harreman modu berriak izatera behartzen gaituzte, errealitateari aurre egingo badiogu.

Programazioari dagokionez, egoera honek jarduera-eskaintza txikiagoa egitera dakar; izan ere, espazioak ondo kudeatu behar dira, desinfekzioak egiteko eta saihesteko sarreretan eta irteeretan pertsonak gurutzatzea.

Era berean, programazio-jarraibide berriak sortzen ditu; hartara, birusa berragertuz gero, jarraibideok ahalbideratu behar dute neurriak azkar hartzea, esaterako, jarduerak etetea. Halaber, hainbat jardueretan, aurrez aurre egiterik ez badago formatu birtualean egiteko aukera hartu da kontuan, baita material didaktikoa eta bideo lagungarriak erabiltzekoa ere.

Gomendio orokorrak, udal-jardueren erabiltzaile ororentzat

Eguneratze-data: 2020/10/15

  • Sintoma hauetakoren bat baduzu, gera zaitez etxean eta jar zaitez harremanetan zure osasunzentroarekin, agian SARS-CoV2 birusak kutsatu baitzaitu: sukarra, hotzikara, eztula, aire ezaren sentsazioa, usaimen eta dastamenaren murrizpena, eztarriko mina, giharretako mina, buruko mina, ahulezia sentsazio orokorra, beherakoa edo gonbitoak.
  • Arrisku-talderen bateko kide bazara, areagotu itzazu babes-neurriak.
  • COVID-19arenak izan daitezkeen sintomak dituen, PCR proba egiteko duen, edo SARS-CoV2an positibo eman duen norbaiten harreman estuko pertsona bazara, gera zaitez etxean eta deitu ezazu zure osasun-zentrora.
  • Garbitu itzazu eskuak gel hidroalkoholikoarekin udal-instalazioen sarrera-irteeretan, eta beharrezkoa den guztietan.
  • Maskara erabili behar da nahitaez, non ez zauden –indarreko araudiaren arabera– hura erabiltzetik salbuetsita.
  • Egin itzazu modu ordenatuan instalaziora sartzeko eta irtetekoak, betiere 1,5 metroko segurtasuntartea zaintzen eta jende-pilaketak saihesten dituzula. Hala ezarri diren kasuetan, errespeta itzazu sartzeko eta irteteko bide eta isuriak.
  • Ez itzazu korridoreak edo leku estuak oztopatu, ez zaitez ibili jarduera egingo den lekutik aparteko eraikin, pisu edo aretotan, non ez den guztiz ezinbestekoa.
  • Aukeran, lehenetsi itzazu eskailerak igogailua baino, baina ez ezazu eskudela ukitu. Ez ezazu igogailua erabili, non ez den guztiz beharrezkoa.
  • Ez ezazu azalera konpartiturik (eskudelak, eskutokiak, etengailuak,...) ukitu. Alabaina, halakorik ukitzen baduzu, garbitu eskuak berehala ura eta xaboiarekin (edo gel hidroalkoholikoarekin), gutxienez 20-40 bat segundoz.
  • Udal-instalazioetan, errespeta itzazu beti ezarri diren gehieneko pertsona-kopuruak.
  • Ez ezazu gainerako pertsonekin elikagai, edari, edalontzi, plater edo mahai-tresnarik konpartitu, ezta mugikorra ere.
  • Jarduera bakoitzean eramazu adierazitako material egokia. Materiala konpartitu behar izatera, areagotu ezazu garbiketa eta desinfekzioa erabilera ororen aurretik eta ondoren.
  • Komunak erabili ditzakezu, baldin eta pertsonen arteko segurtasun-tartea gordetzerik baduzu. Ez ezazu komunik erabili, tarte hori bermatzerik ez dagoenean.
  • Jarduerari buruzko foiletoak irakurri ditzakezu horretarako propio egokitutako lekuren batean, baldin eta zuk zeuk jaso badituzu, eta beste inorekin konpartitu ez.
  • Gel hidroalkoholikoa, xaboia, desinfektatzailea edo papera amaitzen badira, emaiezu horren berri zentroko langileei.

ETA GOGORA EZAZU: bete itzazu beti jardueraren arduradunaren jarraibideak, bai eta udalseinaleztapena ere, eta egon zaitez udal-instalazioetan soil-soilik jarduera egiteko beharrezko denbora-tartean, ez gehiago.

Jarduera artistikorako hastapen ikastaroak: prebentzio neurriak

  • Ikastaroak ematen diren aretoek-eta edukiera mugatua dute pertsonen arteko segurtasun distantziak gorde ahal izateko, eta une oro errespetatu beharko dira. Aretoetako kartelek edukierak eta distantziak adieraziko dituzte, une bakoitzean indarrean dagoen araudiaren arabera. Ikasturte bakoitzeko gehieneko plazak edukiera berrietara egokitu dira.
  • Instalazioek gel hidroalkoholikoa izango dute, eskuak behar bezala garbitzeko. Eskuak garbitu beharko dira sartzean eta irtetean, eta ez dira ukitu behar ohiko ukipen-guneak (eskudelak, etab.). Igogailua, aldagelak eta dutxakerabiltzea saihestu behar da, beharrezkoa ez bada.
  • Monitoreek eta ikasleek (6 urtetik aurrera) maskara eraman beharko dute uneoro gizarte etxean, baita eskolak ematen diren bitartean ere, pertsonen arteko distantzia edozein dela ere. Gizarte etxeak ez du maskararik emango.
  • Gelek, aretoek eta lantegiek desinfektatzeko produktuak izango dituzte, laneko espazioak eta tresnak behar bezala garbitzeko. Agortzen badira, zentroko langileei jakinarazi beharko zaie, birjar ditzaten.
  • Tresna edo ekipamendu komunak erabiltzen badira, erabilera bakoitzaren ondoren desinfektatu beharko dira. Arduraduna: erabiltzen dituen pertsona, beste norbaitek erabiltzeko moduan uzteko.
  • Monitoreek eta ikasleek denbora bat eman beharko dute saioa amaitzean lan-eremua desinfektatzeko (altzariak, ekipamendua, erabilitako tresnak). Taldeak ezarriko ditu moduak: guztien artean edo txandaka. Horretarako aukera badago, leihoa irekita utziko da saioa amaitzean.
  • 15 minutuko tartea ezarri da, gutxienez, jarduera baten eta hurrengoaren artean, espazio berean, aurreko puntuan aipatutako zereginak amaitu, sarrera eta irteeretan gurutzaketak saihestu eta espazioa behar bezala aireztatu ahal izateko.
  • Gelan modu ordenatuan sartzeko ahalegina egingo da, korridoreetan itxaroten egon gabe. Irten ere modu ordenatuan irtengo da, eta gizarte etxea berehala utzi, beste jarduera edo gestiorik egin behar ez bada.
  • Banaka erabiltzeko mantalak, erremintak eta material pertsonalak ezingo dira aretoan utzi saioa amaitu ondoren. Halaber, ezingo dira partekatu ur-botilatxoak, eskuoihalak eta abar.
  • Kirol guneetan egiten diren ikastaroetan, beharrezkoa da oinetakoak aldatzea sartzean eta kaleko oinetakoak poltsa batean sartzea. Ordezko oinetakoak kirolekoak edo takoirik gabekoak izan daitezke.
  • Inork sintomak baditu edo kutsatutako pertsonekin kontaktuan egon bada, ez du inola ere zentrora joan behar. Medikuaren aginduz beharrezkoa izanez gero, zentroari telefonoz jakinarazi beharko dio, neurri bereziak hartu beharko balira ere.
  • Ikastaroren bat bertan behera utzi behar izanez gero, ahal den neurrian beste aukera bat proposatuko da (eskolak formatu birtualean, laguntza-bideoak, etab.).

Udal kirol-jardueren erabiltzaileentzako informazioa

  • Sintomak izanez gero edo kutsatutako pertsonekin kontaktuan egon bazara, udal-instalaziora ez joan.
  • Eskuak hidrogelarekin garbitu instalazioan sartu eta irtetean, eta ez ukitu ohiko ukipen-eremuak: eskudelak, etab.
  • Maskara, behar bezala jarrita, uneoro erabili instalazioan zauden bitartean, baita jarduera ematen den bitartean ere.
  • Beharrezkoa ez bada, igogailuaren erabilera saihestu.
  • Eztul egitean, ukondoarekin edo paperezko zapiarekin estali.
  • Segurtasun-distantzia errespetatu (gutxienez 1,5 m).
  • Nahitaezkoa da toalla pertsonala erabiltzea eta oinetakoak kirol-eremura sartu aurretik aldatzea (kirola egiteko oinetako bereziak erabili).
  • Nahi baduzu, zure ur-botilatxoa ekarri.
  • Kirol-jardueran zehar zentroko materiala erabili bada, material hori desinfektatu egin beharko da horretarako dauden produktuekin..
  • Aldagelak erabiltzea saihestu, beharrezkoa ez baduzu.
  • Kirol eremuan modu ordenatuan sartu eta jarduera amaitu bezain laster instalaziotik irten.
  • Hidrogela, xaboia, desinfektatzailea edo papera agortu dela ikusten duzunean, zentroko langileei abisua eman.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: