BIZAN jarduerak – Nola ordaindu
Aurrez aurre
- BIZANen. Txartelaz ordaindu ahalko da leku horietan.
- Gizarte-etxeetan. Txartelaz ordaindu ahalko da leku horietan.
- Banku-bulego batean ere ordaindu ahal izango da, inskripzioa egitean lortzen den ordainagiriarekin.
Online
Jardueretako izen-emateak udalaren webgunearen bidez ordain daitezke, hiru aplikazio desberdinen bidez:
- Ordainagiriarekin ordainketa.
- Izen ematea (jardueretan) eta ordainketa.
- Zozketa kontzultatzea eta plaza formalizatzea.
Deskontuak
Prezioan murrizketa lortzeko eskubidea duten pertsonek betebeharrak betetzen dituztela egiaztatu behar dute
ordaintzerakoan.
- Udalaren kirol instalazioetako abonatuek % 40ko deskontua izango dute lantegi eta ikastaroen prezioan.
- Bat Berezi txartela duten 65 urtekoek, eta hortik gorakoek, % 50eko deskontua izango dute ikastaro eta lantegien prezioan. Aurrez aurre ordaindu behar da BIZAN, gizarte-etxe edo kirol instalazioren batean, Bat Berezi txartela aurkeztuta. Txartela Herritarrei Laguntzeko Bulegoan eska daiteke, baldintzak betez gero.
- Langabeek % 15eko deskontua izango dute. Aurrez aurre ordaindu behar da BIZAN, gizarte-etxe edo kirol instalazioren batean, eta bertan LANBIDEren egiaztagiria aurkeztu. Honek ordainketa eguna baino 7 egun lehenago egina izan behar du, gehienez.
Ohar interesgarriak
- Ikastarora edo lantegira joaterik ez bada eta hura hasi baino lehenago ohartarazten bada, ordaindu den kuotaren % 85 itzuliko da. Lantegia eta ikastaroa hasi ondoren ez da dirua itzuliko.
- Ikastaroa edo lantegia bertan behera geratuz gero, diru guztia itzuliko da.
- Prezioak Gasteizko Udalak onartzen ditu. Liburuxkan okerrik bada, udal araudian onartutako prezioak hartuko dira kontuan.
Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.