Sortu zure komunitate energetikoa - Jardunaldiak

Gasteizko Udala trantsizio energetikoa lantzen ari da, eredu-aldaketa segurua, bidezkoa eta inklusiboa lortzeko. Horregatik, gure udalerrian Energia Komunitateak martxan jartzeko apustua egiten dugu. Testuinguru horretan, jardunaldiak antolatu ditugu, honako hauek azaltzeko: zer diren energia-komunitateak, zergatik abiatu honelako proiektu bat, zer proiektu mota jar daitezkeen martxan, nola gauzatu eta zer ingurumen-, gizarte- eta ekonomia-onura dakarzkion komunitateari.

Jardunaldi hauek hiri osoari zuzenduta daude (pertsona fisikoak, enpresa txiki eta ertainak eta dendak, pertsona autonomoak, auzo-elkarteak, garapenerako erakundeak...) eta hiru fasetan egituratuta daude. Edozein fasetan parte har dezakezu, baina gomendagarria da fase bakoitzeko jardunaldi batera joatea.

1. fasea: Ezagutu (amaituta)

Lehenengo fasean, Komunitate energetikoei buruzko hastapen-jardunaldia egin da Europa Biltzar Jauregian, Elkarguneen agendaren barruan. Ikusgai dago bideoa:

https://www.youtube.com/watch?v=ZV1bnROOVLI(Beste leiho batean irekiko da)

Youtuben ikusi(Beste leiho batean irekiko da)

Jardunaldiaren aurkezpena: komunitate energetikoak

2. fasea: Erabaki (amaituta)

Bigarren fasean, hogei jardunaldi baino gehiago egin dira udalerriko auzoetan, auzoguneen agendaren barruan. Topaketetan, zehatzago azaldu da nola jarri martxan horrelako proiektuak, zer oztopo aurki ditzakezun prozesuan zehar eta nola gainditu.

2. fasearen aurkezpena (Gaztelaniazko bertsioa. Euskarazko aurkezpena laster egongo da eskuragarri)

3. fasea: Ekin (2022ko udazkena)

Fase honetan, prestakuntza-jardunaldi batera joan ahal izango zara, goizez zein arratsaldez (10:00etatik 13:00era, edo 18:00etatik 21:00etara). Saioan, zure auzoan energia-komunitate bat abian jartzeko prozesua hasteko aukera emango dizuten alderdi tekniko, juridiko eta legaletan sakontzeko aukera izango duzu.

Zertan datza komunitate energetiko bat?

Energia-komunitateak zer diren hobeto ezagutu nahi baduzu, eskura duzu Herritarren Energia Kooperatiben Europako Federazioak (RESCOOP) egindako azalpen-bideo hau. Bideoa konfiguratzeko menutik (azkoinaren ikurra), euskarazko eta gaztelaniazko azpitituluak jarri ditzakezu.

https://www.youtube.com/watch?v=ZTmeNmWEupg(Beste leiho batean irekiko da)
Beste bideo batzuk
  • Arabako Lasierra herriko tokiko energia-komunitateari(Beste leiho batean irekiko da) buruzko bideoa Youtube. Arabako Lasierra herrian, bertako administrazio-batzarrak, biztanleek, Mendi Haraneko ur-partzuergoak, Azala kultura-sorkuntzako guneak eta turismo zerbitzuak komunitate bat sortu dute, EMASP kooperatibaren aholkularitzapean. Proiektuan, iturri berriztagarrietatik sortutako energiaren erabilera sustatzeari buruzko Europako Zuzentarauak ezartzen dituen ezaugarriei jarraitu diete.

Baliabideak

Komunitate Energetikoetan sakondu dezakezu ondorengo baliabideekin:

Martxan dauden esperientziak

Torreblanca ilumina(Beste leiho batean irekiko da) (Sevilla)

Europako proiektuak

Compile(Beste leiho batean irekiko da)

Decide(Beste leiho batean irekiko da)

Powerpoor(Beste leiho batean irekiko da)

Powerty(Beste leiho batean irekiko da)

Herritarrentzako zerbitzu gehiago

Gure energia-eredua jasangarriagoa izan dadin lagundu nahi baduzu, Gasteien abian dauden trantsizio energetikorako proiektuak eta zerbitzuak interesatu ahal zaizkizu. Adibidez, argiaren fakturan aurrezteko edo zeure energia sortzeko zerbitzuak.

Harremanetarako

Jasangarritasuna, Klima eta Energia zerbitzua

transicionenergetica@vitoria-gasteiz.org

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.