Enpresak - Lan mentoring: belaunaldi-erreleboan laguntzeko zerbitzua

Lan mentoring laguntza-zerbitzu espezializatu eta doakoa da, Lanbidek sustatua Innobasque Berrikuntzaren Euskal Agentziarekin lankidetzan

Zerbitzua enpresa txiki eta ertainei zuzenduta dago, beren plantilletan edo, zehazkiago, beren negozioarentzat kritikoak diren lanpostu jakin batzuetan belaunaldi-erreleboa arrakastaz nola egin behar duten arduratzen direnak, ezagutza modu egokian transferitu eta konpainian jarrai dezaten.

Helburua

Beren plantilletan belaunaldi-erreleboari ekiteko ardura duten enpresei aholkua ematea, talentua galtzea saihestuz, negozioaren funtsezko postuak betetzen jarraitzea bermatuz eta plantillan sartzen diren lanpostu berriak kudeatuz.

Metodología

50 orduko aholkularitza pertsonalizatua, kosturik gabe.

Zure neurrira diseinatutako prozesu bat, hiru fasetan:

  1. Diagnostiko azkar bat, zure negozioko prozesu kritikoak eta horietan parte hartzen duten pertsonak zein diren zehazteko.
  2. Aholkularitza pertsonalizatua zure beharrizanak Lanbideren kontratazioko, prestakuntzako eta enpleguko tresna publikoekin lotzeko.
  3. Laguntza zuzena zure taldean aukeratzen dituzun kideentzat, beraiek dauzkaten eta galdu ezin dituzun ezagutza eta esperientzia enpresan gera daitezen.

Emaitzak zure negoziorako:

  • Gehienez ere 6 hilabeteko epean amaituko da prozesua, zerbitzuan zehar planteatutako ekintzetako gutxienez bat eraginkortasunez ezarrita. Zuk erabaki zein edo zeintzuk.
  • Zure taldeko pertsonak prestatu edo prozedurak sistematizatu ahal izango dituzu, aurrerantzean modu autonomoan garatu ahal izateko antzeko prozesuak.

Informazioa eta eskaerak

Zerbitzua eskatzea

Informazio gehiago: infoempresas@vitoria-gasteiz.org

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.