Umbra Light Jaialdia

https://www.youtube.com/watch?v=rqL_n2g3mCI(Beste leiho batean irekiko da)

Gasteizko Umbra Light Jaialdia argi jaialdi bat da, Gasteizen urtero argirik gutxieneko egunetan antolatzen dena. Jaialdia sortu zen bisitariak zein herritarrak hiriko argi artearen mundura sartzeko asmoz, ikusleek esparru horretako azken adierazpen artistiko eta teknologikoekin esperimentatu eta elkarreragiteko aukera izan zezaten. Jaialdiak arte bisual digitaleko adierazpen artistikoak, hiri espazioko esku hartzeak eta teknologia berriak biltzen ditu.

Jaialdiak formatu handiko argi eskulturak eta mundu osoko artistek diseinatutako proiekzioak eskaintzen ditu, hirian zehar ibilbide artistiko bat eginez. Argia da obretako protagonista nagusia, baina badira mugimenduz, musikaz eta abarrez hornitutako konposizioak ere.

Umbra Light Jaialdia jaialdia hiriko erdigune historikoan (Almendra) egiten da, bertako beste gune garrantzitsu batzuetan bezala, eta hainbat ibilbideren bidez egituratzen da. Ibilbide horiek aldatu egiten dira, edizioaren leloaren eta une horretan hiriak ekin nahi dien interes sozialen arabera.

2021eko edizioa

Azaroaren 12tik 14ra bitarte ospatuko da, besteak beste, honako leku hauetan: Artium, Santa Maria katedrala, Andre Maria Zuriaren plaza, Florida parkea, Peñaflorida Kondearen plaza, Probintzia plaza, Zulueta Jauregia eta Arte Ederren Museoa.

Bigarren edizio honetarako aukeratu duten leloak, "Zeuk distira egin dezazun nahi dugu", gogoan izango ditu COVID pandemia eta haren ondorioak direla eta milaka pertsona eta familiak igarotzen ari diren une zailak. Izan ere, erronka horri aurre egiteko eta gainditzeko ahalegin indibidual eta kolektiboa aitortu nahi du Umbra Light Festival jaialdiak.

Europa eta Amerikako hamar bat herrialdetako (Espainia, Frantzia, Suedia, Belgika, Italia, Argentina, Uruguai eta abar) artistek parte hartzen dute jaialdi honetan, eta haien lanek Nazio Batuen 2030erako Garapen Iraunkorrerako Helburuak izango dituzte lotura.

Umbra Light Jaialdiaren bannerra

Informazio gehiago eta programa

Umbra Light Jaialdiaren webgunea(Beste leiho batean irekiko da)

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.