Ekipamendu bereziak

Montehermoso

Montehermoso Kulturunea

XVI. mendeko jauregi errenazentista batean dago Montehermoso(Beste leiho batean irekiko da) Kulturunea, eta arte eta pentsamendu garaikideko lanak ekoizteko, erakusteko eta hedatzeko erabiltzen da.

Zenbait bilera-areto txiki ditu, eta bi eremu oso berezi: klaustroa, eta, bigarren sotoan, hiriaren antzinako ur-biltegia. Erdi Aroko almendra-formako hirigunean dago leku berezi hori, eta 2.800 m2-tik gorako erakusketa-azalera du. Badu, halaber, jatetxe bat, zeinak lorategia, terraza eta baratze ekologiko txiki bat dauzkan. Barazkiez gain, landare aromatikoak ere ematen ditu baratzeak.

Principal Antzokia

Madrilgo Zarzuelaren antzoki-ereduari jarraikiz egin zuten Principal Antzokia. Italiar estilokoa da, eta 1918an inauguratu zuten. Berrituz geroztik (1992), han egiten dira hiriko musika sinfoniko, antzerki eta dantza emanaldiak. Ekitaldi batzuetarako ere erabili ohi da, aldian behin.

Jesus Guridi Musika Kontserbatorioa

Europa Jauregitik oso gertu dago eraikin garaikide hori. Udalarena da, eta 650 lagunentzako auditoriuma eta erabilera anitzeko zenbait areto ditu.

Jesus Guridi

Zalditegiak

XIX. mendeko eraikin-konplexua da Zalditegiak, eta jatorrizko egiturari eutsiz zaharberritu da. VIP bilera-areto bat du, bai eta ikastaroak eta aurkezpenak egiteko berariaz prestatutako beste bat ere, 120 lagunentzat. Kanpoko galeria estaliak, berriz, 120 lagunentzako tokia du, eta aparteko noblezia-kutsua eta landa-giroko xarma ematen die han egiten diren ekitaldiei. "Zamaltzain" du izena galeriak, eta aparkalekua du, aire zabalean.

Fernando Buesa Arena pabiloia

Erabilera anitzeko pabiloia da: zenbait kiroletarako erabiltzen da, baina, batez ere, saskibaloi-lehiaketetarako. Erakusketa handiak, kontzertuak, formatu handiko ekitaldiak eta jaialdiak egiteko ere erabili ohi da, jende askorentzat baitu lekua: 15.504 lagunentzat, zehazki. Aparkalekua du, aire zabalean.

Buesa Arena

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: