Taldeko kideak naturan paseatzea, faunari behatzea, argazki-kameraren bidez landareen edertasuna harrapatzea, aurpegian haizea sentitzea, paisaia osatzen duten soinuak entzutea eta ingurumenarekin erabateko konexioan egotea gustuko duten pertsonak dira.
Taldea ingurumen-hezkuntzan eta ondare naturalaren interpretazioan adituak diren pertsonek osatzen dute. Oso gogotsu daude haien ezagutza praktikara eramateko, gizartea ahaldundu eta ekintzetara igaro dadin. Taldeak irmo sinesten du kontzientziazioa eta erantzukidetasuna aldaketak sortzeko eta jasangarritasunaren bidean aurrera egiteko modua ematen duten tresnak direla. Jasangarritasun hori erronka honekiko arduratsuak, heziak eta konprometituak diren herritarrekin eskuz esku eraiki behar da.
Herritarren partaidetzan sakontzeko asmoa dugu, hala Salburuak eskaintzen dituen balio eta zerbitzu ekosistemikoak jakitera emateko. Horrez gain, bisitaldietarako material eta argitalpen interesgarriak (zentroari buruzko informazio berria, ibilbideen autogidak, web-albistegiak) garatzeko asmoa ere badugu, eta hezkuntza-programa bat sortu nahi dugu ikerketa-lanak ezagutarazteko. Gainera, kongresu-jarduera gehiago eta prestakuntza berritzaileko jarduera gehiago bideratu nahi ditugu; hain zuzen, gai aldetik berritzaileak eta erreferentziazkoak diren jarduerak, topaketa sozialerako.
Atariak, gainera, enplegu berdea sortzeko iturri izan behar du, eta garapen jasangarria ardatz duen ereduan egin behar dugu lan, lurraldearen baliabide endogenoetan oinarrituta (ondare naturala, paisaia-ondarea, ondare kulturala...).
Hemen aurkezten dizugu gure urteko jardueren laburpena (gazteleraz). Aurreko urtetakoak ikusi nahi badituzu, eskatu lasai:
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
