Irakurketa klubak. 2024-2025 denboraldia
Liburuen eta testuen inguruan elkartuko gara, horixe dugulako grina: liburuak eta elkarrekin eginiko irakurketak. Liburutegi Sareko liburuak erabiliko dira.
Jarduera urria eta ekaina bitartean izango bada ere (Irakurketa familian kluba kenduta urritik martxora arte), matrikula-prezioa hiruhilekoa da eta berritu beharko da hurrengo hiruhilekoan jarraitzeko.
Klubak 2024-2025
Irakurketa familian (euskaraz)
8 eta 9 urteko haurrei zuzendua, aita, ama edo tutorearekin batera. Irakurtzea ezinbesteko jarduera da nortasuna garatzeko, gauza berriak ikasteko, eta bizi garen mundua hobeto ezagutzeko eta ulertzeko ere. Irakurle klubak irakurketaren inguruan esperientziak eta bizipenak partekatzea du helburu, liburuek gordetzen duten magia hori elkarrekin deskubritzea, eta, halaber, haur literaturako idazleak eta obrak ezagutaraztea eta sormena lantzea. Haurrek eman behar dute izena, baina heldu batek lagunduta joan behar dute saioetara.
- Egunak: astearteak, bi astean behin.
- Lekua: Zabalganako Gizarte Etxea.
- Dinamizatzailea: Xabier Olaso.
8 eta 9 urte.
Izena ematea online: Irakurketa familian
Irakurketa Erraza
Irakurketa talde honetan irakurketa errazeko materialak erabiliko ditugu, hobeto irakurtzeko eta ulertzeko bereziki sortuak diren testuak. Saioetan egingo ditugun dinamikek eta partekatuko ditugun iritziek helburu bakarra dute: irakurtzearen plazeraz gozatzea. Jende berria ezagutzeko gogoa izatea eta beste mota bateko irakurketa klubaz gozatzeko prest egotea dira parte hartzeko baldintza bakarrak.
- Egunak: ostegunero
- Lekua: Pilar Gizarte Etxea.
- Dinamizatzailea: Natalia Jiménez.
+16 urte.
Izena eman online: Irakurketa Erraza
Eleberri beltza eta polizia-eleberria
Polizia-trama, thrillerra, misterioa, gertakizunak, ironia, gizarte-erretratua kritika. Azken mendean eleberri beltzak bere lekua hartu du mundu osoko liburutegietan. Aspaldiko B serie entzutetsutik egungo best-seller aldez aurretik diseinatura, genero honek irakurle-talde esanguratsua lortu du eta zale amorratuak ditu atzetik. Beheko maila batean kokatu ohi den genero honen lan batzuk aldarrikatuko ditugu, munduko txoko guztietakoak, eta Euskadin idatzitakoa ere irakurriko dugu, asko eta ona baita. Herri guztiek alde iluna dutelako. Gurekin etorri nahi?
- Egunak: Hileko bigarren astelehenetan.
- Lekua: Iparralde Gizarte Etxea.
- Dinamizatzailea: Jesús María (Txusmi) Sáez.
+16 urte.
Izena eman online: Eleberri beltza eta polizia-eleberria
Komikia eta eleberri grafikoa
Hilean behin elkartuko gara, azken urteetako komiki ezagun eta ezezagunei buruz hitz egiteko. Ibilbide horretan eleberri grafikoak, manga, album europarrak eta amerikarrak aztertuko ditugu, istorio autobiografikoak, thriller beltza, erotismoa, umorea edo zientzia-fikzioa lantzen dituztenak, ohiko zein abangoardiazko teknikak erabilita, betiere egilearen marka agerian uzten dutenak.
- Egunak: Hileko hirugarren astearteetan.
- Lekua: Salburuko Gizarte Etxea
- Dinamizatzailea: Azucena Monge.
+16 urte.
Izena eman online: Komikia eta eleberri grafikoa
Irakurri, pentsatu eta partekatu
Jakin-mina duten pertsonentzako kluba da hau, literatura onaren zaleak diren pertsonentzat. Pentsatzeko eta egungo mundua ulertzeko irakurketak egingo ditugu, gozatzen dugun heinean ikasiz. Kalitatezko literatura izango dugu eskuen artean, best sellerrak albo batera utzita, kezkatzen gaituzten gaien inguruan elkarrekin aritzeko: besteak beste, gai sozialak izango ditugu hizpide, baita egungoak eta atenporalak ere, betiere literaturaren ikuspegitik. Eleberri historikoa, eleberri beltza, bidaien literatura, zientzia-fikzioa, literatura genero guztiak baliagarriak izango zaizkigu.
- Egunak: Hileko hirugarren asteazkenetan.
- Lekua: Judimendiko Gizarte Etxea
- Dinamizatzailea: Juan Ibarrondo.
+16 urte.
Izena eman online: Irakurri, pentsatu eta partekatu
Literatura latinoamerikarra
Latinoamerikako literaturari eskainitako zikloa, hain gertukoa dugun munduaren zati horren pentsamenduan, artean, historian eta letretan sakontzeko balioko diguna. Eleberriak aztertuko ditugu, bai klasikoak baita garaikideak ere.
- Egunak: Hileko hirugarren asteazkenetan.
- Lekua: Hegoalde Gizarte Etxea.
- Dinamizatzailea: Catalina Garcés.
+16 urte.
Izena eman online: Literatura latinoamerikarra
Literatura unibertsala
Nori ez litzaioke gustatuko azken bi mendeetako idazle onenetako batzuk irakurtzea eta partekatzea? Leiho bat zabalik pentsamendua aberasteko, lagunartean irakurtzeko. Hilean behin herrialde desberdineko liburu bati helduko diogu. Irakurketa-kluba, irakurketak aspergarria edo bakartia izan beharrik ez duela uste dutenentzat.
- Egunak: Hileko bigarren astelehenetan, goizez.
- Lekua: Lakuako Gizarte Etxea.
- Dinamizatzailea: Marisol Ortiz de Zárate.
+16 urte.
Izena eman online: Literatura unibertsala
Izena ematea
Zozketan izena emateko, plaza libreetan izena emateko edo izen-ematea berritzeko epeak gizarte-etxeeeko informazio orokorrean dago eskuragarri.
Zein da Irakurketa Kluben xedea?
- Irakurtzeko ohitura sortzea eta sustatzea.
- Norberaren gaitasunak garatzea elkarrekin eginiko irakurketaren bidez.
- Liburutegietako zerbitzuen erabilpena sustatzea.
- Aisialdi aktiboa eta osasungarria sustatzea.
Gainera...
Beste klub batzuetan ere laguntzen dugu gure funtsekin: adinekoentzako BIZAN zentroetan, esate baterako, edo berariazko beharrizanak dituzten eta Irakurketa Erraza lantzen duten klubetan: APDEMA, Argibide-ASAFES, Osakidetzako Osasun Mentaleko Sarean eta Emakumeen Jabetze Feministarako klubetan.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.