Patinete elektrikoak - Mugikortasun Pertsonaleko Ibilgailuak (MPI)

Eguneratze data: 2024/05/07

2024ko maiatzaren 3an sartu da indarrean "Izaera urbanoko bide publikoetako erabilera, trafikoa, zirkulazioa eta segurtasunaarautzen dituen udal ordenantza"-ren gaurkotzea. Bere helburua da patinete elektrikoei, edo mugikortasun pertsonaleko ibilgailuei (MPI), buruzko araudia hobetzea.

Ordenantzak abiadura- eta erabilera-mugak ezartzen ditu, debekatu egiten du espaloietan eta oinezkoentzako guneetan ibiltzea, eta arau-hausteen zenbatekoa ezartzen ditu:

» Ordenantza kontsultatu

Puntu nagusiak

1. Zirkulazio-espazioak

  • Baimena izango dute txirrindularientzako bide esklusiboetan edo partekatutako bizikleta-bideetan zirkulatzeko.
  • Debekatuta izango dute edozein ordutegi-tartetan espaloietan, oinezkoentzako espazio guztietan eta oinezkoentzako erabilerarekin partekatutako bizikleta-bideetan zirkulatzea.
  • Gainera, debekatuta izango dute hiri barrutik igarotzen diren zeharbide, hiri barruko tunel, herriz kanpoko bide, autobide eta autobiatan zirkulatzea.

2. Erabilera baldintzak

  • Patinete elektrikoekin espazio publikoan zirkulatzeko gutxieneko adina 15 urtekoa izango da.
  • Nahitaez erabili behar da kaskoa.
  • Nahitaez erabili behar dira argiak eguzkia sartzen denetik irteten den arte, bai eta ikusmen urriko baldintzetan ere.
  • Argiak, txirrina eta islatzaileak homologatuta egon behar dira.
  • Debeku da gidatu bitartean telefono mugikorra edo soinua hartzeko edo erreproduzitzeko aparatuei konektatutako entzungailuak erabiltzea.
  • Debeku da erregelamendu bidez ezarritako alkohol-tasak gaindituta, edo organismoan drogak izanda, mugikortasun pertsonaleko ibilgailua (MPI) gidatzea.

3. Arau-hausteak

  • Argirik, txirrinik eta elementu islatzaile homologaturik gabe gidatzea: Arina: 45,08 euro
  • Zirkulatu bitartean, soinu-hargailuei edo -erreproduzigailuei lotutako entzungailuak edo aurikularrak jarrita izatea: Larria: 200 euro
  • Ordenantzak xedatutako gutxieneko adina izan gabe zirkulatzea : Larria: 200 euro
  • MPI bat horretarako egokitutako espazioetatik kanpo amarratzea edo aparkatzea: Arina: 45,08 euro
  • Derrigorrezko kaskoa jantzi gabe gidatzea: Larria: 200 euro
  • Gauez eta eguraldi txarra dagoenean, argiak zein arau bidez xedatutako gainerako gailuak piztu gabe gidatzea: Arina: 45,08 euro
  • Gidatu bitartean telefono mugikorra edo beste edozein komunikazio-sistema eskuz baliatzea: Larria: 200 euro
  • Espaloietatik eta oinezkoentzako gainerako guneetatik zirkulatzea: Larria: 200 euro

4. Zer da “Mugikortasun Pertsonaleko Ibilgailua”?

  • Gurpil bateko edo gehiagoko pertsona bakarrarentzako ibilgailua, bakarrik motor elektrikoek higiarazia, zeinek 6 eta 25 km/h gehieneko abiadura eman baitezakete diseinuaren arabera.
  • Mugikortasun pertsonaleko ibilgailuek eserlekua edo zela izan dezakete autoorekatze-sistemaren bat badute.
  • Ibilgailu-mota hauek geratzen dira definizio horretatik kanpo: autoorekatze sistemarik gabeko ibilgailu eserlekudunak, lehiaketarakoak, mugikortasun urriko pertsonentzako ibilgailuak eta korronte jarraituko 100 V-tik edo korronte alternoko 240 V-tik gorako laneko tentsioa dutenak.

5. Informazio gehiago

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.