Semaforo berriak Gasteizko sarbidean, A-2124 errepidetik, Goikolarran

2023ko maiatzaren 23an argitaratua

Semaforo horiek gorriz jarriko dira automatikoki, 50 kilometro orduko abiaduratik gorako abiaduran dabiltzan ibilgailuak detektatzen badituzte.

Gasteizko Udalak semaforo berriak jarri ditu gaur martxan A-2124 errepidetik hirira sarbidean, Goikolarra auzoan. Semaforo horiek radar bat dute, eta, horri esker, automatikoki gorriz jar daitezke, 50 kilometro orduko abiaduran dabiltzan ibilgailuak detektatzen badituzte. A-2124 errepidearen eta Okariz kalearen arteko bidegurutzearen aurretik jarri dira.

Bide-segurtasuneko neurri horri azken asteetan eremu horretan egindako beste batzuk gehitu behar zaizkio. Ildo horretan, semaforoak laranjan jarri dituzte metro batzuk lehenago, ibilgailuek abiadura jaitsi dezaten, eta hirira sartzeko seinalea ere mugitu dute metro batzuetan, helburu berarekin.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.