Udaltzaingoa - Nortzuk gara?

Gure egitekoa

Gasteizko Udaltzaingoa herritarrei laguntzeko zerbitzu publikoa da, haiei egunaren 24 orduetanlaguntza, babesa eta informazioa emanez, betiere 092 zenbakiko eskariei erantzunez.

Gure helburua herritarrek beren eskubide eta askatasunak balia ditzaten bermatzea da -dela aurretiaz neurriak hartuta, dela geroko laguntzaren bitartez-, bai eta gizartearen funtzionamenduari, eta herritarren ongizate eta bizi-kalitateari laguntzea ere.

Zure esanetara gauzkazu larrialdietarako 092 telefonoan, informaziorako 945 16 14 05 telefonoan eta Agirrelanda kalearen 8an eta Jose Erbina kaleko instalazioetan.

Gure zereginak

Euskal Herriko Poliziari buruzko legearen 27. artikuluan xedatzen denaren arabera, Udaltzaingoek honako eginkizunak bete behar dituzte:

  1. Udalerrietako agintariak babestea eta haien eraikuntza eta instalakuntzak jagon edo zaintzea.
  2. Hiriguneko zirkulazioa antolatu, seinalizatu eta zuzentzea, zirkulazio-arauetan ezarritakoaren arabera.
  3. Hirigunean gertatzen diren zirkulazio-instripuen ondoko argiketak izapidatzea.
  4. Ordenantza, Bando eta gainerako udal xedapen eta ekintzei buruzko Administrazio-Polizia lanak, eta baita ingurugiroari eta bazter-txokoei kasu egiteko indarrean dagoen legedia bete dadin ardura hartzea ere, gai horiekikoan toki-erakundeek dituzten aginpideen eremuan.
  5. Auzi-Poliziaren zereginetan parte hartzea, Auzi-Poliziako Unitateei lagunduz.
  6. Istripuak, hondamendiak edo ezbehar publikoak gertatzen direnean laguntza ematea, legeetan ohartematen den moduan herribabeseko planak burutzerakoan esku hartuz.
  7. Aurrea hartzeko eginbideak eta lege-hauste diren egintzak eragoztera zuzendutako iharduketa oro burutzea.
  8. Leku publikoak zaintzea eta manifestazioak babesten, hala nola jende-bilera handietako ordena mantentzen laguntzea, hori egiteko eskatzen zaienean.
  9. Gatazka pribatuei irtenbidea bilatzen laguntzea, hori egiteko eskatzen zaienenean.

Gure konpromisoa

092 zenbakia bitarte, Udaltzaingoak udalerri osoan dihardu; bere xedea gerta daitezkeen dei guztiei gehienez ere 10 minutuko denbora-tartean erantzutea da. Patruila molde ezberdinak egoteak (motordunak, auzoko polizia, Berehala erantzuteko patruilak, bizikleta gaineko poliziak, eta abarrek) azkar eta arin erantzuteko ahalmena bermatzen du.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.