VG Hobetuz - Aurkez ezazu zure proposamena

Vitoria-Gasteiz Hobetuz. 10 años

Vitoria-Gasteiz Hobetuz ekimenaren bitartez, esaguzu Udalak zer egitea nahiko zenukeen hiria hobetzeko eta guztion artean erabakiko dugu zein proposamen burutuko diren, bozka bidez.

Proposamenak aurkezteko epea: 2025eko urriaren 15etik azaroaren 16ra arte.

¿Non eta nola aurkeztu behar dira proposamenak?

Bete online formularioa zure ideia deskribatuz. Dokumentuak, argazkiak edo bideoak erantsi ahal izango dituzu. Fitxategiek ezin dute 5 MB baino gehiago izan.

Online formularioa

Bete PDF formularioa zure ideia deskribatuz. Aurrez aurre entregatu ahal izango duzu, gizarte-etxeetan eta Ariznabarrako kiroldegian dauden Herritarrak Laguntzeko Bulegoetan, San Martingo bulego teknikoetan eta San Antonio kalekoan.

Pdf formularioa

Horretarako, aurretiko hitzordua eska dezakezu.

Zure proposamena egiteko informazioa

Ziurrenik behin baino gehiagotan bururatu zaizu Udalak hobetu dezakeen zerbait. Orain da zure ideia proposatzeko unea!

Nork aurkeztu ahal ditu proposamenak?

Gasteiz hobetzeko proposamen bat duten pertsona guztiek, banaka edo taldean.

Laguntzarik jaso dezaket?

Zure proposamena prestatzeko, informazioa eta aholkularitza eska dezakezu helbide elektroniko honetan: gasteizhobetuz@vitoria-gasteiz.org.

Zenbat proposamen egin daitezke?

Norbanakoak, elkarte zein talde bakoitzak proposamen bakarra aurkeztu ahalko du.

Pertsona kopuru jakin batek proposamen bera egin nahi badu, formulario komun baten bidez egin ahal izango dute, eta, nahi izanez gero, proposamena babesten duen pertsona kopurua adierazi.

Zer irizpide bete behar dituzte proposamenek?

Konpetentzia: Proposamenek udal-eskumenekoak izan behar dute. Euskal Autonomia Erkidegoko beste administrazio publiko baten (Arabako Foru Aldundia, Eusko Jaurlaritza edo beste udal batzuk) eskumeneko proposamenak jasotzen badira, Udalak administrazio horietara bideratu beharko ditu, eta hala jakinaraziko die ekimena aurkeztu duten pertsonei.
Interesa: Aurkeztutako proposamenek interes orokorrekoak izan behar dute, ez interes pribatukoak.
Lurralde-eremua: Gasteizko udal-mugartera mugatzen diren proposamenak aurkeztu ahal izango dira, udalerrian dauden 63 toki-erakunde txikiak barne (mapa). Auzo bakoitzeko, zein landa eremuko, espazio publikoari lotutako bi proiektu gauzatuko dira gehienez.
Zeri buruz: Inbertsioei (aurrekontuko 6. kapitulua) nahiz programei (aurrekontuko 2. kapitulua) buruzko proposamenak egin daitezke. Inbertsioak bide publikoko obrak izan daitezke, berriak nahiz lehendik zeudenak mantentzekoak, edo herritar guztientzako sarrera librea duten udal-eraikin edo -instalazioetako jarduketak, horiek erabiltzeko eta horietara sartzeko ordainketarik egin behar ez denean. Programak, jarduerak, zerbitzuak, kanpainak eta abar udaleko edozein zerbitzuri dagozkionak izan daizteke.

Bide publikoko jarduketei ez dagozkien programa eta inbertsioetarako, aurrekontuaren %30 erreserbatuko da.

Nola jakingo da proposamenek irizpide horiek betetzen dituzten?

Proposamenak jaso ondoren, bideragarritasuna baloratuko da, hau da, aipatutako irizpideak betetzen dituzten ala ez. Aurkeztutako proposamen bakoitzari buruzko txosten bat egingo da, eta bideragarritasun teknikoa duen ala ez zehaztuko da bertan. Txosten hori web orrian ikusi ahal izango da, eta proposamena aurkeztu zuten pertsonei ere bidaliko zaie.

Proposamen guztiek balio berdina izango dute?

Ez, bozketa-fasean, haztapen-irizpide batzuk ezarriko dira ekintza positiboko neurri gisa:

Belaunaldien arteko bizikidetza.
Genero-berdintasuna.
Aniztasun kulturala eta/edo funtzionala.
Bazterturiko gizataldeak gizarteratzea.
Jasangarritasuna eta ingurumena babestea.
Eten digitalaren murrizketa.
Hiri-eremuko proposamenak: eremu jakin batean planteatzen ez direnak eta hiriaren ikuspegi zabalari erantzuten diotenak.
Proposamen berritzaileak.

Haztapena bakarra izango da (0,10 puntu), ekimenak sustatzen duen printzipio kopurua edozein dela eta.

Bozketa-fasean, proposamen haztatuak boto kopuruaz biderkatuko dira (boto 1=1,1 puntu), puntuazio osoa kalkulatzeko.