Merkataritza eta ostalaritza - Merkataritza eta Ostalaritza Mahaia

Merkataritza eta Ostalaritzako 2023-2026 aldirako Plan Estrategiko berriak, bere lehen Ildo Estrategikoan, merkataritza-sektorearen koordinazioan eta lankidetzan eraginkortasuna hobetzeko lehen neurri bat ezartzen du. Horretarako, sektoreko partaidetza-prozesuaren artikulazioari buruzko hausnarketa bateratua egitera bideratutako jarduera bat jarri du abian.

Elkarrekin egindako azterketa-prozesu horretatik abiatuta, Merkataritza eta Ostalaritzako Mahaiaren etapa berri bati ongietorria eman zaio: foro bat non Merkataritza eta Ostalaritzako Plan Estrategikoaren hedapenari lotutako lankidetza, koordinazio eta parte-hartze publiko-pribatua sustatuko den.

Merkataritza eta Ostalaritza Mahaiaren ezaugarri nagusia elkarrekin parte hartzeko gune bat izatea da, Gasteizko merkataritzaren eta ostalaritzaren garapenean parte hartzen duten eragile sektorial nagusiak biltzen dituena: sektorearen ordezkaritza eta merkataritza eta ostalaritza dinamizatzeko eta hobetzeko proiektuen garapenean ibilbide egiaztatua duten erakundeak, sektorearekin lotutako lurralde-mailako instituzioak eta sektorearekin zuzenean lotutako eskumenak dituzten udal-sailak.

Merkataritza Mahaiaren zeregina Plan Estrategikoak ezartzen dituen helburuak lortzeko bere bilakaeraren eta garapenaren jarraipen egokia egitea da, hausnarketarako eta gai ezberdinetan sakontzeko guneak sortze, Planaren garapenean sor daitezkeen oztopoak gainditzeko alternatibak identifikatu ahal izateko, eta parte hartzen duten eragileen arteko koordinazioa erraztea

Mahaia sei hilean behin deituko da “Osoko Bilkura” organo gisa, eta lan-batzordeekin osa daiteke. Batzorde horietan, hausnarketa sakonagoa behar duten gaiak landu ahal izango dira.

Lan-batzorde horien osaera, aldizkakotasuna eta iraupena batzorde horietan landu beharreko gaiaren konplexutasunaren araberakoa izango da. Gaiak jatorri ezberdinetakoak izan daitezke: Ekonomia Sustapena, Enplegu, Merkataritza eta Turismo Sailetik planteatutakoak, Osoko Bilkuretatik ondorioztatutakoak, beste lan-batzordeetan planteatutakoak edo beste edozein parte hartzeko bideetatik eragile sekotorialekin izandako harremana oinarri hartutakoak.

Parte-hartzea

Merkataritza eta Ostalaritza Mahaiaren parte izan nahi baduzu Merkataritza Zerbitzuarekin harremanetan jar zaitezke helbide honen bitartez: comercio@vitoria-gasteiz.org.

Saioak

Osoko bilkura

• 2025/05/08: Ondorioak .
• 2024/11/25: Ondorioak .
• 2024/03/11: Ondorioak .

Batzordeak

• 2025ko urria: "Informazioa eta ezagutza IAren eta teknologiaren aroan" batzordea .
• 2025ko martxoa: Adinaren kudeaketa eta belaunaldi-erreleboa batzordea .
• 2024ko uztaila: Lokal erabilgarrien batzordea .

2016-2023ko saioak

2016-2023ko Merkataritza Mahaiaren bilkuretako gai-zerrendak eta aktak.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.