"Kirol bidean" kanpaina
"Kirol bidean" gazteen artean kiroletako praktika zabaltzeko kanpaina da.
12 eta 30 urte bitartekoa bazara aukera paregabea daukazu kirol anitza praktikatzeko eta ezagutzeko, hastapen-maila batean. Bakarka edo zure lagunekin praktikatu dezakezu.
Udazken-negua inskripzioak
Udazkena-negu denboraldiko izen-emateak 2024ko azaroaren 11n hasiko dira, 08:30ean.
Jarduerak honako hauek dira: snowboard, elur-erraketak, neguko mendiko teknika, eski nordikoa, espeleologia, pickleball, izotz gaineko kirolak, kirol-eskalada eta orientazioa.
Izena eman dezakezu online, edo aurrez aurre (gizarte etxeetan y OMIJ-en).
Baldintzak
- Urtean 2 kanpaina egiten dira: Udaberri-Uda eta Udazken-Negua. Era berean, jardunaldiak 2 adin-taldeen arabera banatzen dira: 12 eta 17 urte bitarteko talde bat eta 18 eta 30 urte bitartekoa bestea.
- Jarduerak larunbat eta igandeetan egiten dira aire zabalean, abendutik martxora.
- Batzuek autobus bidezko garraioa barne hartzen dute, baina beste batzuek ez.
- Jarduerak egiteko materiala barne dago.
- Asteburuko jardueretarako izen-ematea aurreko asteartean itxiko da. Egun horren ostean ez da izen-emate berririk edo data aldatzerik onartuko. Salbuespen gisa, izena emateko epea ostegunera arte luzatu daiteke, gutxieneko partaide kopurua lortzeko asmotan.
- Kirol-erakundeetako edo enpresa espezializatuetako begirale kualifikatuek ematen dituzte jarduera guztiak.
- UPV/EHUko Graduko ECTS kredituak aitortzeko baliozko jarduerak.
- Idatz ezazu zure e-maila izena emateko momentuan, jardueraren gaineko informazioa eta gerta daitezkeen gorabeheren berri jasotzeko.
- Udal instalazioen bazkide bazara kuota murriztua izango duzu.
- Langabezian daudenek % 15eko murrizketa izango dute prezio publikoaren zenbatekoan.
- Dirua itzultzea:
- Jardueraren aurreko asteartea baino lehen eskatuz gero, ordaindutakoaren % 85 itzuliko da. Gainerako % 15a kudeaketa-gastuengatik atxikiko da.
- Bat-batean gaixotasun edo lesio larri bat suertatuz gero, ordaindutakoaren % 85 itzuliko da, medikuaren egiaztagiria aurkeztu ondoren.
- Jarduera bertan behera uzten bada, % 100 itzuliko da.
Jarduerak denontzat irekiak izatea nahi dugu.
Desgaitasunagatik, erlijioagatik, sexu-orientazioagatik, arrazagatik edo etniagatik, bertan parte hartzeko zailtasunen bat izan baduzu, jar zaitez Kirol Zerbitzuarekin harremanetan.
Baliteke, jardueraren izaeragatik, zure parte-hartzea ezin bermatzea, baina ahal dugun guztia egingo dugu, eta horrek lagundu egingo digu hurrengo kanpainetarako hobekuntzak egiten.
Programatutako jarduera guztiak elebidunak izango dira, eta euskararen erabilera sustatuko da.
Jarduera bakoitzean aztertuko da euskararen erabilera zein izango den, parte-hartzaileen euskara-mailaren arabera.
Salbuespenez, baliteke jardueraren batean monitore espezialistak euskara-gaitasun nahikorik ez izatea, eta jarduera nagusiki gaztelaniaz egitea.
Informazio gehiago
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.