Ezagutu ezazu Zurrumurruen Aurkako Estrategia!
- Udaleko hezkuntza jarduerak - 2021-2022 ikasturtea -

Bizikidetza eta aniztasuna

Izen-emate epea

Irailaren 14tik 20ra, izen emate epe orokorra. Lehentasunezko epea, irailaren 9tik 13ra.

Izen-ematea online

Deskribapena

Saio honetan Zurrumurruen Aurkako Estrategiaren ideia gakoak hurbildu nahi dizkiegu gazteei, euren artean partaidetzarako jakin-mina pizteko, eta kulturen arteko bizikidetzako giroa eraikitzeko beharrezkoa den erantzukizun pertsonal eta kolektiboa sustatzeko.

Partaidetzan oinarritutako metodologia bitarte, zenbait kontzeptu jorratuko dira (esaterako identitatea, pentsamendu kategorikoa, estereotipoa, aurreiritzia eta bazterkeria), eta gatazkak prebenitzeko zenbait praktika ezagutaraziko zaizkie, ikuspegi baketsu eta aniztasun irizpideetan oinarrituta.

Balioak

Bakearen kultura, ekitatea, inklusioa.

Helburuak

  • Aniztasunaren kulturan oinarritutako zenbait gaitasun bitarte, komunitate-elkarbizitza sustatzea.
  • Zurrumurruen Aurkako Estrategia ezagutaraztea, bi helburu hauek lortzeko bidean tresna den aldetik: batetik, pentsamendu kritikoa sustatzea; bestetik, estereotipo, aurreiritzi eta zurrumurru faltsuen eragin negatiboen gainean sentsibilizatzea, eta aniztasunari buruzko kontakizun negatiboak kolokan jartzea.

Hartzaileak

DLHko 3. zikloa eta DBH

Antolamendua

  • Lekua: ikastetxea.
  • Egutegia eta ordutegiak: behin eskabidea onartzen delarik, egutegia eta ordutegia ikastetxearekin adostuko dira.
  • Iraupena: eskola-ordutegira egokitutako saio bat, 50/60 minutu ingurukoa.
  • Hizkuntza: euskaraz, gazteleraz, ele bietan.

Parte hartzeko betebeharrak

  • Izen-ematea: Izena eman behar da nahitaez.
  • Prezioa: doan.
  • Irakasleen inplikazioa: programa hasi aurretik, ikastaldearen inguruan jakin beharrezkotzat jotzen dituenak adierazteko eskatuko zaio haren ardura duen irakasleari. Eta programa amaitzerakoan, berriz, nolabaiteko feedbacka eskatuko zaio, alegia, jasotako alderdi funtsezkoen berri ematea.
  • Oharrak: saio-kopuru baino talde eskatzaile gehiago egotera, Bizikidetza eta Aniztasun Zerbitzuak ezarriko ditu lehentasunak, zentroen beharrak aintzat hartuta.
  • Parte hartuko duten ikastetxe eta taldeek Vitoria-Gasteiz Hiri Hezitzailea proiektua berariaz aipatu beharko dute, jardueraren inguruko informazioa hedatu edo komunikatzean.

Informazioa

  • Antolatzailea: Alkatetzaren eta Erakunde Harremanen Saila; Bizikidetza eta Aniztasun Zerbitzua.
  • Harremanetarako: Estela Salazar. 945 16 16 16, luzp.: 6522. esalazar@vitoria-gasteiz.org.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.