Liburuxka eta plano turistikoak - Turismoa Vitoria-Gasteizen
Hiriko gida
Vitoria-Gasteizko baliabide turistikoen eskaintza, haren historia, ondare eta natura aberastasunei buruzko eta jasangarritasunaren alde egindako apustuari buruzko informazio zabalarekin.
- Argitalpen data: 2024.
- Hizkuntzak: gaztelera, euskara, ingelesa eta frantsesa.
- Hiriko gida
Mapa turistikoak
Hiriko baliabide turistiko garrantzitsuenak.
Mapa-orri turistikoa
Edizioak honako hauek biltzen ditu: Eraztun Berdeko parkeak, irisgarritasunari buruzko informazioa, Senda ibilbidea, Donejakue Bidearen ibilbidea eta hirigintza-arloko beste eguneratze batzuk.
- Argitalpen data: 2023.
- Hizkuntzak: gaztelera, euskara, ingelesa eta frantsesa.
- Hiri osoko mapa
- Alde zaharreko mapa eta interes guneak
Horma-irudien ibilbidearen mapa
Alde Zaharreko eta hiriko auzo batzuetako fatxadetan dauden artelanen galeria bat ezagutzea proposatzen dizugu. Gozatu hiriko artistek eta bizilagunek elkarlanean egindako arte-adierazpen horiez. Ezagutu muralen esanahia, eta izan ezazu horiek sortzeko elkarlaneko prozesuaren berri.
- Argitalpen data: 2023.
- Hizkuntzak: gaztelera, euskara, ingelesa eta frantsesa.
- Horma-irudien ibilbidearen mapa
Ibilbide berdeen mapa
Oinez edo bizikletaz egiteko ibilbideak Vitoria-Gasteizko Eraztun Berdean dauden 3 parkeetatik: Armentia, Salburua eta Olarizu.
- Argitalpen data: 2018.
- Hizkuntzak: gaztelera, euskara
Gastronomia
Azokak, plater tipikoak, gure produktu tradizionalenei lotutako txokoak, eta pintxorik edota menurik onenak dastatzeko giden erreferentziak.
- Argitalpen data: 2020.
- Hizkuntzak: gaztelera, euskara, ingelesa eta frantsesa.
- 'Gastronomia triptikoa'
Hiriburu berdea
Gasteizen xarma naturala argitalpen batean laburbildua, honako baliabide hauek ezagutzeko, besteak beste: Florida Parkea, Eraztun Berdea edota Vasco-Navarro antzinako trenbidearen bide berdea eta Santa Catalina lorategi botanikoa.
- Argitalpen data: 2020.
- Hizkuntzak: gaztelera, euskara, ingelesa eta frantsesa.
- 'Hiriburu Berdea' triptikoa
Turismo aktiboa
Proposamenak running-erako, bizikletaz ibiltzeko, zaldiz paseoak emateko edo nordic walking-a egiteko. Planak kirola nortasun-bereizgarritzat duen hiri batean.
- Argitalpen data: 2020.
- Hizkuntzak: gaztelera, euskara, ingelesa eta frantsesa.
- 'Turismo aktiboa' triptikoa
Familia giroan
Goza ezazu familia giroan, kontrastez betetako ingurune berezi batean historia deskubritzeko eta natura bizitzeko helmuga jasangarria.
- Argitalpen data: 2020.
- Hizkuntzak: gaztelera, euskara, ingelesa eta frantsesa.
- ''Familia giroan'' triptikoa
Gasteiz 1, 2 edo 3 egunetan
Denbora justuarekin bisitatzen bagaituzu, hau da zuretzako liburuxka: zure egonaldia ‘zukutu’ ahal izateko proposamenak hartzen ditu barne, Euskadiko hiriburuan historia, natura eta enogastronomia konbinatuz.
- Argitalpen data: 2020.
- Hizkuntzak: gaztelera, euskara, ingelesa eta frantsesa.
- 'Gasteiz 1, 2 edo 3 egunetan' triptikoa
Erdi Aroko hiria
Ibilbide bat Erdi Aroko 'almendran' zehar. Hiriaren historia biziarazten duen zonaldea da, ‘obretan eta irekita’ dagoen katedral bati esker, harresien hondarrak ikusteko aukeragatik edota jauregi errenazentistei esker.
- Argitalpen data: 2020.
- Hizkuntzak: gaztelera, euskara, ingelesa eta frantsesa.
- ''Erdi Aroko hiria'' triptikoa
Vitoria-Gasteiz gravel land
Gravel-a gustuko dutenei bideratutako argitalpena, zirkulazio gutxiko bide, pista eta errepideetan egiteko zikloturismoa gustuko dutenei bideratua, hain zuzen.
- Argitalpen data: 2021.
- Hizkuntzak: gaztelera, euskara.
- 'Vitoria-Gasteiz gravel land' liburuxka
- Ibilbideak wikiloc-en
Vitoria-Gasteiz walking and running
Paseatzeko edo korrika egiteko ibilbideak, erraz heltzeko lekuetatik. Ibilbideetan interes turistiko eta historikoa duten txokoak ezagutzeko aukera ere badago.
- Argitalpen data: 2021.
- Hizkuntzak: gaztelera, euskara eta ingelesa.
- 'Vitoria-Gasteiz walking and running' liburuxka
- Informazio gehiago: walkingandrunning.es
Turista Arduratsuaren Gida
Garapen Jasangarrirako 2030 Agendan ezarritako 17 helburuetan, Turismorako Munduko Kode Etikoan (Turismoaren Mundu Erakundea) eta Turismo Jasangarriaren Mundu Gutunean (ST+20) oinarritzen diren aholkuak.
- Hizkuntzak: gaztelera, euskara, ingelesa eta frantsesa.
- 'Turista Arduratsuaren Gida' liburuxka
Gasteiz txakurrarekin: txakur hiritarrak
Gasteiz oso hiri erosoa da paseoan ibiltzeko. Baina hiri berdea eta auzoak ez ezik, hirigune aparta du Gasteizek, benetan merezi du bisita! Txakurrak bide eta leku publikoetan nahiz berdeguneetan (lorategi eta parke publikoetan) libre ibiltzeko udal-arauak ezarrita dauzkan atal nagusiak ezagutu behar dira, hirian erosoago egon zaitezten txakurra eta zu.
- Argitalpen data: 2019.
- Hizkuntzak: gaztelera, euskara.
- "Txakur hiritarra" liburuxka
Euskadi txakurrarekin
Euskadin txakurrarekin bidaiatzeko planak eta informazio praktikoa..
- Argitalpen data: 2019.
- Hizkuntzak: gaztelera, euskara, ingelesa, frantsesa.
- Argitaratzailea: Basquetour Turismoaren Euskal Agentzia.
- "Euskadi txakurrarekin" liburuxka
Hartu arnasa Araban
Natura arnastu, historia, kultura... Arabako Foru Aldundiaren eta Vitoria-Gasteizko Udalaren liburuxka honek paisaia paregabeak ezagutzera gonbidatzen zaitu, aire garbiaz inguratu eta arnasa hartzeko.
- Argitalpen data: 2020.
- Hizkuntzak: gaztelera, euskara.
- Argitaratzailea: Arabako Foru Aldundia.
- 'Hartu arnasa Araban' liburuxka
Izar Gida
Gasteiz On Merkatarien Elkarteak argitaratutako gida, Vitoria-Gasteizko Udalaren eta Arabako Foru Aldundiaren Laguntzarekin. Vitoria-Gasteizko pintxoak, kafeak, edariak, menuak eta delicatessen produktuak dastatzera gonbidatzen gaitu.
- Hizkuntzak: gaztelera, euskara, ingelesa, frantsesa, errusiera, turkiera, italiera eta alemana.
- Izar Gida liburuxka 2022
Irisgarritasun Gida
Hirian mugitzeko, monumentuak, museoak eta hotel eta ostatuak bisitatzeko irisgarritasun baldintzei buruzko informazioa.
- Argitalpen data: 2019.
- Hizkuntzak: gaztelera, euskara, ingelesa eta frantsesa.
- Irisgarritasun Gida
Vitoria-Gasteiz ikusten duzuna eta askoz ere gehiago
Vitoria-Gasteizko promozio-txostena turismorako eta kongresuetarako helburu moduan.
- Argitalpen data: 2018.
- Hizkuntzak: gaztelera eta ingelesa.
- "Vitoria-Gasteiz ikusten duzuna eta askoz ere gehiago" liburuxka
Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.
Web orria: Liburuxka eta plano turistikoak - Turismoa Vitoria-Gasteizen
Azken iruzkina ikusi (Noiz egina: 2024/11/29 14:13:18) | Ikus edukia
Udaleko webgunean (https://www.vitoria-gasteiz.org/wb021/was/contenidoAction.do?idioma=eu&uid=u_3a023708_1262ba7718d__7fdf) euskaraz nabigatu arren, mapa-orri turistikoak gazteleraz soilik daude eskuragarri:
-Hiri osoko mapa pdf (gaztelera hutsean)
-Alde zaharreko mapa eta interes guneak pdf (gaztelera hutsean)
-Horma-irudien ibilbidearen mapa pdf (legendaz gain, mapa bera gazteleraz)
Ibilbide berdeen mapa pdf (legendaz gain, mapa bera gazteleraz)
-...
Aurrerantzean, webgunerako edukiak eta mapak euskaraz sortuak izan daitezela eskatzen dut, eta webgunean euskaraz sorturiko mapak eskuragarri izatea. Ez gazteleraz egindako mapak eta legenda euskaraturikoak.
Mikel
2024/11/28 09:50:09
Eskerrik asko zure mezuagatik. Bidalitako web orria berrikusi dugu eta turismo liburuxkak euskaraz eskuragarri daudela baieztatu dugu. Baliteke webeko hizkuntzaren konfigurazioan ustekabeko aldaketa baten ondorioz sortu izana arazoa. Aukera hau goiko aldean egiaztatzea iradokitzen dizugu, hizkuntza hautatzeko atalean.
Halaber, mesedez, kontuan izan lehenengo liburuxka gaztelaniaz irekitzen baduzu eta gero euskarazkoa deskargatzeko klikatzen baduzu, nabigatzaileak fitxategia ordezkatu nahi duen galdetu ahal izango duela, biek izen bera baitute. "Ez ordezkatu" aukeratu eta aurreko fitxategia irekitzen baduzu, gaztelaniazkoa izaten jarraituko du. Deskarga onartzea gomendatzen dizugu, euskarazko bertsioa duzula ziurtatzeko.
Espero dugu argibide hauekin material turistikoa euskaraz eskuratu ahal izatea. Beste edozein galdera baduzu, ez izan zalantzarik galdetzeko.
Ongi izan,
Kaixo,
Irakurri dut erantzuna eta zuek esandako pausoak jarraitu ostean arazo berarekin jarraitzen dut:
Nabigazio aukeran euskara lehenetsi eta "Hiri osoko mapa pdf" deskargatzerakoan, esaterako, mapan gazteleraz azaltzen dira kale izenak: Casco Medieval, Pza del Machete, Pza de los Fueros, Zona Avenida, Universidad...
Dokumentuaren eskuinaldeko legendan 1.gazteleraz / 2.euskaraz / 3.ingelesez / 4.frantesez (hurrenkera horretan!) azaltzen da; baina mapako elementu ASKO gaztelera hutsean daude.
Ez du gaztelerazko / euskarazko / ingelesezko / frantesezko mapa deskargatzeko aukera eskaintzen eta zuzenean gaztelera oinarri duena eskaintzen du, soilik.
Beste hainbeste honako hauetan ere:
-Alde zaharreko mapa eta interes guneak pdf
-Ibilbide berdeen mapa pdf (bigarren orriko mapa)
-Irisgarritasun Gida pdf (bosgarren orriko mapa)
-"Vitoria-Gasteiz ikusten duzuna eta askoz ere gehiago" liburuxka pdf (gaztelera hutsean)
-Izar Gida liburuxka 2022 pdf (lehen orriko mapa)
Arazoa konponduko duzuelakoan, zuen erantzunaren zain geratzen naiz.
Mikel
Ikus erantsitako artxiboa
Mikel
2024/11/29 14:13:18