Txirrindularientzako bide-segurtasuneko aholkuak
Vitoria-Gasteiz hiri bikaina da bizikletaz ibiltzeko. Laua da, distantziak motzak dira eta klima egokia da.
Bizikleta guztiok eduki ahal dugun garraiobidea da, merkea, azkarra, eraginkorra eta askatasun handia ematen duena. Gainera, oso onuragarria da hiri-ingurunerako: mugikortasunaren inpaktuak murriztu eta hiriko bizi-kalitatea hobetzen laguntzen du.
Txirrindularientzako bide-segurtasuneko aholku hauek txirrindularien eta bestelako garraiobideen arteko bizikidetza solidarioaren aldeko jarrera positiboetan dute eragina. Halaber, bizikletaz egin ditugun joan-etorri batzuetan segurtasunari lotutako oinarrizko alderdiak gogorarazten dituzte.
Gogoratu! Garrantzitsuena errespetuz mugitzea eta segurtasunez gidatzea da.
Zentzuz mugitzen naiz
- Argiak eta islatzaileak: Ikuspenik ezak istripu-arriskua handitzen du.
Gau edo ikuspen txarreko baldintzetan, bizikletaz ibiltzerakoan aurrean argi zuria eta atzeko argia eta islatzaile gorriak eramatera behartzen du araudiak.
Pedal eta gurpiletan katadrioptikoek ikusgaiago egiten naute gauez. - Txirrina: besteei hor nagoela jakinarazten laguntzen diet.
Zirkulazio-arauek txirrina erabiltzearen derrigortasuna ezartzen dute. - Kaskoa: Bizikleta-istripu larri gehienek buruko lesioak eragiten dituzte.
Hirian kaskoa erabiltzea derrigorrezkoa da 16 urtetik beherakoentzat.
Nire bizikleta martxarako prest
- Bizikletak errodajeko baldintza egokietan egon behar du:
Balaztak aztertuko ditut. Kablea egoera onean dagoela ziurtatuko dut. Lasaiegi badago, tentsorea biratuko dut atzamarrekin edo giltza erabiliz. Zapatak oso higatuta badaude, ordezkatu egin behar ditut. - Pneumatikoak egoera onean daudela, hau da, azalak marrazkia eta ganberak nahikoa presio dutela zainduko dut.
- Eskulekua eta zela ondo finkatuta eta posizio egokian daudela ziurtatuko dut.
Nik zugatik, bidegorrian
- Hainbat bidegorritako noranzko bakarreko bidegorriak errespetatuko ditut.
- Norazko biko bidegorrietan eskuinaldetik gidatu eta ezkerretik aurreratuko dut.
- Adeitsua izango naiz eta, beharrezkoa izatekotan, txirrinarekin ohartaraziko diot oinezkoari.
- Arreta bereziz ibiliko naiz ikastetxe, parke eta haurrak egon ohi diren lekuetatik gertu.
- OSO GARRANTZITSUA. Txirrindulariek lehentasuna duten bidegurutzeetan abiadura moteldu eta autoek pasatzeko nire lehentasuna dutela ziurtatuko dut.
- Trafiko-seinaleak errespetatuko ditut, eta bereziki, gorri dauden semaforoak, stopak edota utzi pasatzen bezalako seinaleak.
Nik zugatik, oinezkoen eremuetan
- Espaloitik joanez gero, bizikletatik jaitsiko naiz, oinezkoen eremua baita.
- Oinezkoen eremuetan, oinez doazen pertsonek lehentasuna dute. Bizikletatik jaitsiko naiz, horrelako eremuetan oinezko asko dagoenean.
- Ez naiz oinezkoaren ondotik igaroko eta ez diot txirrina joko ohartarazteko. Beharrezkoa bada, aurreratzeko, bizikletatik jaitsiko naiz.
- Galtzada oinezkoen pasabidetik batetik gurutzatuz gero, oinez egingo dut.
- OSO GARRANTZITSUA. Abiadura moteldu eta oinezkoak beldurtzea saihestuko dut.
- OSO GARRANTZITSUA. Atari edo garajeetako irteeretatik urrun joango naiz.
Nik zugatik, galtzadan
- Erreiaren erditik joango naiz eta sigi-saga ibiltzea ekidingo dut.
- Jeneralean, eskuinaldeko erreitik joango naiz. Aurreratu edo ezkerretara biratu behar badut, ezkerraldeko erreia erabiliko dut.
- Dauden seinaleak errespetatuko ditut (oinezkoen pasabideak, semaforoak, etab.)
- Nahikoa tarte utziko dut (gutxienez 1,50) aurreratzen ditudan aparkatutako ibilgailuetatik.
- OSO GARRANTZITSUA. Uneoro ikusarazi eta entzunaraziko dut neure burua. Inguruan ditudan ibilgailuen ispiluetako angelu hilak saihestuko ditut.
- Tranbiaren bidera edo biribilguneetara hurbiltzean, abiadura motelduko dut eta, beharrezkoa izatekotan, gelditu egingo naiz.
- OSO GARRANTZITSUA. Argi eta garbi seinaleztatuko ditut egin behar ditudan maniobrak, besoak erabiliz.
- Ez naiz inoiz autobusaren erreitik joango.
Nire bizikleta lapurtzea galaraziko dut
- Bizikleta Udalaren borondatezko bizikleta-erregistroan erregistratuko dut.
- Bizikletari behar bezalako giltzarrapoa jarriko diot.
- Giltzarrapo seguruak erabiliko ditut (U alderantzikatua edo bestelako giltzarrapo seguruak).
- Gurpilak eta koadroa lotuko ditut bizikleta-aparkalekura.
- Bizikletak zuhaitzetara lotzea ekidingo dut.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.