Vitoria-Gasteizko Udalaren web-orria - Hiriko parkeak

Eraztun Berdeko parkeek (Salburu, Zadorra, Zabalgana, Olarizu eta Errekaleor) hiria inguratzen dute eta, hauetaz gain, Gasteizen berdegune eta hiri-parke ugari dago. Hiri-parkeak zuhaitzez eta lorategiz hornitutako erabilera publikoko guneak dira. Gune hauetan urmaelak, jolaserako bitartekoak, paseatzeko zonak, iturriak, monumentuak eta abar egon ohi dira

Florida Parkea

Florida parkea hiriko lorategirik enblematikoena da eta Vitoria-Gasteiz hiriaren erdi-erdian dago.

Lorategi botaniko erromantiko handi baten antzera proiektatu zen Florida Parkea, XIX. mendeko frantziar lorategien estiloari jarriki. Bertan, 95 espezie ezberdinetako ehun urtetik gorako zuhaitzak daude.

Prado parkea

Prado parkea gasteiztarrek asko erabiltzen duten parkea da, eta bereziki, running zaleek. Parke hauen historia XII. mendea baino lehen hasi zen, etxe-abereen bazkaleku zaharra zenean. 21 zuhaitz-espezie daude bertan, guztiak ere, hostogalkorrak. Ikusi ahal dituzun espezierik adierazgarrietan indigaztainondoak, lizarrak, ezkiak eta astigarrak dira.

Arriaga parkea

Arriaga parkea -zin egiteko ermita baten inguruan eratutakoa-, batez ere, akazia, makal, arrosadi eta usain-belar anitzez betetako 190.000 metro koadroek bereizten dute. Gainera, hegazti-espezie ezberdinen egonleku den lakua ere badu.

Europa Biltzar Jauregiko lorategi bertikala eta terraza

Europa Biltzar Jauregia arkitektura jasangarriaren ikur bihurtu da. Espainian Passivhaus XXL ziurtagiria lortu zuen lehenengo biltzar-eraikina izan zen, eta landare-fatxada ikusgarria nahiz hiriaren barrualdeko Eraztun Berdera begira dagoen teilatu laua dauzka.

Judimendi parkea

XV. mendean, Errege Katolikoek kanporatzeko agindu eman zutenean entregatu zen hiriko judutarren hilerri zaharrean kokatuta dago Judimendi parkea. Parke barruan, bere historia gogorarazten duen monolitoa ikus dezakezu. Egun, bertako zurzuriengatik nabarmentzen da eremu eder hau.

San Martin parkea

85.000 metro koadro inguruko San Martin parke honetan, koniferoen 11 espezie ezberdin, hostotsuen 66 espezie eta 10.000 arrosa-landare baino gehiago aurkituko ditu.

Parke eta lorategi gehiago

Parke horiez gain, bisitatu beharrekoak dira Ramón Fernández de Piérola Apezpikuaren lorategiak ere, izan ere, hainbat espezie botaniko daude: gurbitzak, magnoliak eta ezpel-zuhaixkak eta baita eskultura hauek ere: ’Krokodiloa’ eta ‘Errinozerontea’, Koko Ricorenak. Nabarmentzekoa da Senda pasealekua ere, ehunka urteko albo ikaragarrien arteko ibilbidea, Zulueta Jauregiko lorategietarako sarbidea eskaintzen duena. Eta Fray Francisco de Vitoria ibilbidean, berriz, Indi gaztainondoak aldamenetan direla, Augustin-Zulueta jauregiko (Arte Ederren museoa) lorategiak bisita daitezke.

Ohiko ibilbide turistikoetatik kanpo, Molinuevoko parkeak (Iparraldeko Parkean) hostotsu eta koniferoen espezie ugari barne hartzen ditu. Erreparatu izei urdin, ginkgo eta palmondo bikainei. Eta Aranbizkarreko parkean, urki, pago eta haritzen artean ibil zaitezke paseoan.

Lotutako informazioa