Ensanche 21 Zabalgunea - Jarduera eremua

Ensanche 21 Zabalgunea birgaitze eta udal lurzoruaren kudeaketarako sozietate bat da, Vitoria-Gasteizko Udalak eratua. Bere helburu nagusia Udalarekin lankidetzan aritzea da, hiriaren birgaitzean, berroneratzean eta berritzean, bai eta bertako hedapen eta berroneratze eremuen plangintza gauzatzean ere, udalerriko hirigintza eta ingurumen antolamenduarekin bat etorriz.

Giza taldea

Eskumenak

Ensanche 21 Zabalguneak, bere eskumenen barruan, honako ardura hauek ditu:

  • Udal-politika garatzea eta egikaritzea eraikinak eta etxebizitzak birgaitzearen eta hiri-berroneratzearen eta -birgaitzearen arloan.
  • Gasteizko Udalaren etxebizitza-politika kudeatzea, udal-etxebizitza publikoen parkearen zati bat barne, jabetza-erregimenean nahiz alokairuan.
  • Era guztietako azterlanak egitea eta era guztietako egintzak prestatzea eta onestea, udal-ekimeneko hirigintza-antolamendu-, plangintza-, garapen- eta kudeaketako tresnekin zerikusia duten obra-, zerbitzu- eta hornidura-kontratuak egikaritzeko.
  • Udal-organoek onartutako plangintza garatzea eta egikaritzea, dagozkien hirigintzako kudeaketa- eta egikaritze-tresnen bidez eta, behar izanez gero, desjabetzearen onuraduna izango dela onartuz, behar diren azpiegitura-eta urbanizazio-lanak eta zerbitzu-zuzkidurako lanak eginez.
  • Urbanizatzearen, hiri-berroneratze edo -berritzearen edo plangintzak aurreikusten dituen eraikinak eta etxebizitzak haietan eraikitzea kontratatzearen ondoriozko udal-orubeak besterentzea eta urbanizazioa osatzen duten zerbitzuak kudeatzea eta ustiatzea, baldin eta horretarako kontzesioa lortuko balu.
  • Lurzoruaren Udal Ondarea kudeatzea hiria hedatzeko eta berroneratzeko eremuetan, titulartasuna bere gain hartuz.
  • Gasteizko Udaleko sail eta zerbitzuekin lankidetzan aritzea, bai eta beste administrazio batzuekin ere, horien hirigintza-jarduketetan, hiribirgaitze, -berroneratze eta -berritze jarduketetan edo lurralde-antolamendukoetan, eta Udalari edo beste administrazio batzuei, hala eskatzen badiote, dagozkien jardueren berri ematea

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.