Gasteizko Udalerriko III. Osasun Plana (2022-2027) - Vitoria-Gasteiz, European Healthy City

Argazkia: Jaizki Fontandeda

Osasuna gaixotasunik eza baino askoz gehiago da.

AIzan ere, osasun-egoera bio-psiko-sozialaz gain, badira osasunari nabarmen eragiten dioten beste alderdi batzuk ere, hala nola sare sozial eta komunitarioak, hezkuntza, etxebizitza, ingurumena, osasun-arreta, kultura, uraren kalitatea, segurtasuna, laneko giroa, maila sozioekonomikoa eta beste.

Gasteizko Udalak urte asko daramatza osasuna ikuspegi horretatik lantzen, bai I. Osasun Planean bai II. Osasun Planean, eta osasunaren alorrean zeuden desberdintasunei buruzko ikerlan bat ere egin zuen.

2021ean, berriz, Gasteizko III. Osasun Plana auzoz auzo lantzen ari da Osasun Publikoaren Zerbitzua, Euskal Herriko Unibertsitateko OPIK-Osasunaren Gizarte Baldintzatzaile eta Aldaketa Demografikoari buruzko Ikerketa Taldearekin batera.

Osasunean eragina duten faktore guztien estatistika baliatuz diagnostiko kuantitatiboa egin da, honako helburu hauekin: Gasteizko biztanleen osasun-egoera deskribatzea eta Gasteizko biztanleen osasunaren eta gizarte-desberdintasunen gizarte aldagaiak aztertzea.

Gasteizko osasuna zenbakitan pdf delako dokumentuan ikerketaren laburpena dago eskuragarri, jarraian aipatu faktoreak aztergai: testuinguru soziodemografikoa, osasun egoera, bizimoduak, faktore psikosozialak, bizitza baldintzak eta ingurune fisikoa.

Era berean, diagnostiko kualitatiboa lantzeari ekin diogu, herritarrek parte hartzeko dinamiken bidez.

Diagnostiko horrek Gasteizko III. Osasun Plana aberastu eta elikatuko du, Gasteizko udalerriko herritarrek osasunaren arloan dituzten ikuspegi, iritzi eta premia desberdinak kontuan hartuz.

Estrategiak eta ekintzak

Hartara, III. Osasun Plana egiteko unean, herritarren osasuna mantentzera eta sustatzera bideratutako hainbat estrategia eta ekintza bilduko dira: era berean, osasunaren arloko ekitaterik ezak murrizten eta/edo ezabatzen lagunduko du. planak.

Helburu horrekin, Gasteizko hainbat auzotan eta landa-eremuan herritarrekin parte hartzeko lantegiak egin dira (2021eko azaroa), baita erakunde publikoekin, sare komunitarioekin, auzo-elkarteekin, patologia kronikoak dituztenen eta haien senideen elkarteekin, auzoetako profesionalekin eta abarrekin ere.

Era berean, erakusketa ibiltari bat antolatu da hiriko gizarte-etxeetan (2021eko abendua-2022ko urtarrila), diagnostiko kuantitatibotik ateratako auzokako datu interesgarrienak azaltzeko. Orobat, parte hartzeko aukera emango zaio interesa duen orori, bertan jarritako iradokizun-postontzi baten bidez.

Eta, gainera, diagnostiko kualitatiboari eta III. Osasun Planari ekarpena egin diezaiokezu inkesta hau betez. Minutu batzuk baino ez dituzu beharko. Zure iritziak axola digu!

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren postontziaren bidez.