Sé LIBRE izan nonahi estrategia 12 eta 30 urte bitarteko gazteei zuzenduta dago, indarkeria matxista prebenitzeko. Zehazki, indarkeria matxistari eusten dioten balio eta sinesmenen sisteman modu dinamikoan eragitea du helburu.
Estategia hainbat ekintzetan gauzatzen da: udako kanpaina bat igerilekuetan eta auzoetako jaietan, dispositibo bat Gasteizko jaietan, zenbait lantegi urtean zehar eta topaketa bat udazkenean.
Udan zehar egiten da auzoetako jaietan eta hiriko igerilekuetan, baita Andre Maria Zuriaren jaietan ere.
Kanpainak indarkeria matxistako kasuen aurrean sentsibilizatu, prebenitu eta jardun nahi du, standak eta informazio-puntuak jarriz.
Informazio-puntuak:
Zer:
Bikote hezitzaile bat hiriko hainbat auzotako jaietan egongo da, gazteek bizi dituzten egoerak eta beharrak identifikatzeko eta indarkeria matxistei aurre egiteko dauden baliabideei buruzko informazioa emateko.
Beharrezkoa izanez gero, taldeetako hezitzaileek orientazioa eskainiko diete beraiek edo gertuko pertsonek bizi duten indarkeria matxistako edozein egoera modu intimoagoan jorratu nahi dutenei.
Zer: postu mugikorrak jarriko dira, eta bertan hezitzaileak egongo dira, gune horietan indarkeria matxisten prebentzioa eta sentsibilizazioa lantzeko, gazteen egoerak eta beharrak identifikatuz. Halaber, gizonek indarkeria matxisten aurkako borrokan duten zereginari buruzko hausnarketa sustatuko dute, eta indarkeria horiei aurre egiteko baliabideei buruzko informazioa eskainiko dute.
Abuztuaren 2tik 9ra, Gasteizko Jaiak direla eta, indarkeria matxistei aurre egiteko informazio-gune bat egongo da, jarduteko moduari buruzko orientabideak eta materialak zabalduko dituena.
Informazio-puntua irisgarria izango da, arreta intimoagoa eta seguruagoa eskaintzeko prestatua, beharrezkoa izanez gero. Profesional bat izango du, zeinu-hizkuntzaren bidez zein ahozko hizkuntzaren bidez komunikatu ahal izango dena. Gainera, piktogramak egongo dira komunikazio zailtasunak dituzten pertsonekiko komunikazioa errazteko.
Mugikorretarako karga-puntu bat jarri da telefonoan bateria eduki behar dutenentzat. Adibidez, etxera itzultzeko edo pertsona ezagunei, udaltzainei edo osasun-zerbitzuei deitzeko.
Gogoratu indarkeria matxista ez dela soilik eraso fisikoa edo sexuala, baimenik gabeko zirriak eta musuak, komentario eta begirada iraingarriak, sexu-harremanak edukitzeko xantaia egitea, keinu edo irain LGTBIfobikoak... ere badira indarkeria matxistak.
Ez onartu eta ez izan portaera matxisten konplize. Horiek etetea exijitu, eta beharrezkoa balitz, erasotzailea espaziotik kanporatu.
Vitoria-Gasteizko Udalak indarkeria matxistari aurre egiteko protokoloa du. Horren bidez, salaketa publikoa egiten du eta herritarrei kontu ematen die, bere arreta-zerbitzuei eta jardunbideei buruz. Jai-giroan erasoak areagotu egiten direnez, Udalak prozedura berezi bat aurreikusi du Andre Maria Zuriaren jaietarako.
Protokoloa ikusi
Hauek dira jai- eta aisialdi-guneetan indarkeria matxista prebenitzeko eskura jartzen ditugun pdf materialak:
Jaietako kartela
Eraso matxisten aurreko liburuxka
Informazio-txartela
Ostalaritza eta komertzioetan jartzeko pegatina
Ostalaritza eta komertzioetan jartzeko biniloa
Prebentzio- eta sentsibilizazio-tailerrak ikastetxeetan. Urtean zehar egiten dira indarkeria matxistari aurre egiteko tailer hauek, eta DBHko 3. mailako ikasleei zuzenduta daude.
Tailer bakoitzean, indarkeria matxistak dituen adierazpenak lantzen dira, maila teoriko eta praktikoan.
Era berean, hezkuntza ez-formalean ere gazteei zuzendutako esku-hartzeak egiten dira, azaroaren 25aren inguruan (Emakumeenganako Indarkeriaren aurkako Nazioarteko Eguna) eta beste egun batzuetan.
Topaketa informala azaroaren 25ean, Emakumeenganako Indarkeriaren aurkako Nazioarteko Egunean, eta indarkeria matxisten inguruko sentsibilizazioa eta prebentzioa helburu duten hainbat jarduera.
Maila teoriko eta praktikoan landuko dira indarkeria matxistak dituen adierazpenak ikuspegi feminista eta intersekzional batetik.
Gainera, gazteentzat erakargarriak diren hainbat espaziotan parte hartzea sustatuko da, indarkeria matxista desagerrarazteko bidean aurrera joateko, eta hari aurre egiteko beharrezko tresnak eskura ditzaten.
Libre Izan Nonahi kanpaina estrategia zabalago baten parte da. Halaber, bere ekintza guztiak lerrokatuta daude Genero Berdintasunerako Udal Planarekin, eta helburua da indarkeria matxistari eusten dioten balioen eta sinesmenen sisteman eragitea.
libreizannonahi(Beste leiho batean irekiko da)
Gasteizko Udalaren Berdintasuna Zerbitzua: 945 16 13 45.
Aurki gaitzazu: www.vitoria-gasteiz.org/indarkeria-matxista
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
