Konpondu: ekonomia zirkularraren aldeko apustua

Ekonomia zirkularra jasangarritasunarekin lotzen den kontzeptu ekonomiko bat da, eta bere helburua da produktuen, materialen eta baliabideen balioa ekonomian ahalik eta luzaroen mantentzea, eta hondakinen sorrera ahalik eta gehien murriztea. Kontua da ekonomia berri bat ezartzea, zirkularra (ez lineala), produktuen, zerbitzuen, hondakinen, materialen, uraren eta energiaren "bizi-fasea ixteko" printzipioan oinarritua.

Zer harreman dago erreparazioaren eta ekonomia zirkularraren artean?

Ellen MacArthur Fundazioaren arabera, eredu zirkular batek kapital ekonomikoa sortzen du, naturala eta soziala, eta hiru printzipiotan oinarritzen da:

  • Diseinutik hasita, hondakinak eta kutsadura ezabatzea.
  • Erabiltzen diren produktuak eta materialak mantentzea.
  • Sistema naturalak leheneratzea.

Konpondu proiektua printzipio horietako bigarrenean kokatzen da, eta komunitate zientifikoak eta mundu akademikoak erreparazioaren inpaktu positiboari buruz dituzten ebidentzietan oinarritzen da:

  • Ingurumenaren ikuspegitik, oro har, onuragarria da produktu akastunak konpontzea, denbora gehiago egon daitezen erabilgarri (Boldoczki et al., 2020; Dow-nes et al., 2011; Montalvo et al., 2016; Pini et al., 2019).
  • Produktuen bizi-fasea luzatzea ingurumen-estrategia eraginkorrenetako bat da, ekoizpen- eta kontsumo-zikloa moteltzeko potentziala baitu eta, gainera, hondakinen sorrera prebenitzen du, ekoizpenaren eta garraioaren emisioak murrizten ditu eta energia aurrezten du (Cooper, 2010; Laitala et al., 2018).

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.