Donejakue bidearen ibilbidea - Turismoa Vitoria-Gasteizen

Ibilbide honek, Done Jakue Bideko egungo erromesek hiritik iragaiteko ibilbidea eskaini nahi die, berori seinaleztatzeko zoruan jarri diren seinaleei jarraiki.

Ibilbidea

Turismoa - Ibilbidea - Donejakue bidea
Ikusi Google Maps aplikazioan(Beste leiho batean irekiko da)

Abiapuntua: Done Jakue kalea

  1. Done Jakue kalea.
    Kaleak 1420an santuaren izenpean eraikitako Erdi Aroko ospitaleari zor dio izena. Gaur egungo ospitaleak ere Santiago izena dauka, eta 1820an inauguratu zuten.
  2. Errege Atea eta Barnekale berria (judutegi zaharra)
    Kale honen izenak, Carlos V.a emperadoreak 1524. urtean hirira egindako bisitarekin du zerikusia.
  3. San Idelfontsoren Gurutze Santua
    Barnekale Berria amaieran dagoen kapera txiki batean aurkitzen da erromesek debozio handiz miresten zuten XIV. mendeko tailu gotiko bikain hau.
  4. Santa Maria Katedrala
    XIII. mendean eraikitzen hasi zen tenplu honetako bisita gidatua derrigorrezkoa da hiriko historia ulertzeko eta Santiago apostoluarekin lotutako zenbait xehetasun daudelako bertan. Katedralaren alboan Andre Maria Parrokia dago, Santiagoren antzinako kapera zen eta santuaren zenbait irudikapen daude bertan.
  5. Eskoriatza-Eskibel jauregia
    Estilo platereskoko jauregi errenazentista honetan patio ederra nabarmentzen da (ez du bisitarik onartzen). 1530 eta 1541 artean eraiki zen, Carlos V. a emperadorearen medikua izan zen Ferrán Lopez de Eskoriazak aginduta.
  6. Montehermoso jauregia (kultura-zentroa)
    XVI. mendeko jauregi errenazentista hau (1520) errege-erreginen eta haien ahaideen ohiko ostatua izan zen hiria bisitatzera etortzen zirenean. XIX. mendean, Montehermosoko markesaren eta Jose Bonaparteren arteko amodio-kontuen agertokia izan zen. Gaur egun, Montehermoso Kulturunea da, eta arte nahiz pentsamendu garaikidea erakusteko eta hedatzeko gunea da. Lurpean, hiriko ur-biltegi zaharrarekin (1885) lotuta dago, zeina erakusketa-gune berezia den gaur egun.
  7. San Pedro elizaren ataria
    Monumentu historiko-artistiko Nazionala den XIV. mendeko tenplu honetan harriz landutako tailu baliagarriak daude Atari Zaharrean, horien artean Santiago erromesaren irudikapen eder bat.
  8. Probintzia jauregia
    Arabako Foru Aldundiaren egoitzak estilo neoklasikoa du, eta Martin Saracibarren lana da (1833). Plazan, foruen defendatzaile izandako Mateo Morazaren estatua dago.
  9. Andre Maria Zuriaren plaza
    Harresitik kanpo, Vitoria-Gasteizera eta merkatuko plazara sartzeko sarrera nagusia izan zen. Erdigunean Gabriel Borrás-en Gasteizko Gudua monumentua (1917) kokatzen da.
  10. Loma Jeneralaren plaza - San Antonio komentua
    1622. urteko eraikin hau, apaindurez gabetutako Barrokoaren adibide baliotsua da.
  11. Eusko Legebiltzarraren egoitza
    Pantaleon Iradierrek eraiki zuen 1853an, Erdi Mailako Irakaskuntza Institutua izan zedin, oso garrantzitsua baitzen hiriko giro intelektualean. 1982tik, Eusko Legebiltzarra dago bertan.
  12. Florida Parkea
    Lorategi erromantiko ederra Pariseko lorategien moduko diseinuarekin (1820) eta 1856an handitua, mundu osoko zuhaitzen especie askorekin.
  13. Senda ibilbidea
    Ehun urtetik gorako platanondo altuen eta XIX. mendearen amaierako jauregien arteko ibilbide ederra da; besteak beste, Zuluetatarren jauregia eta jendeari irekitako lorategia daude bertan.
  14. Frai Francisco Vitoria ibilbidea
    Frai Fransciscoren (Gasteizen jaio zen, 1486.urtean) omenezko eskultura hartzen duen glorieta batek indigaztainondo zoragarriez inguratutako ibilbidea mozten du. Frai Francisco legelari bikaina eta Nazioarteko Zuzenbidearen sustatzailea izan zen.
  15. Armentiako Basilika
    Ibilbidearen amaieran, San Prudentzioren basilika erromanikora iritsiko gara, Armentian. XII. mendean eraiki zuten, eta XVIII. mendean birgaitu. Erdi Aroan, Arabako zentro espirituala izan zen. Herri berean, San Prudentzio Arabaren zaindaria jaio zen (VI. mendean), eta haren omenezkoa da basilika.
  16. Erromesaren ibilbidea
    Donejakue bidea egiten duten erromesei agur esateko. Harantzago Gometxa, Subilla Gasteiz, Argantzun,... daude Frantsezbidearekin elkartu arte.

Irudiak

https://www.flickr.com/photos/vgturismo/sets/72157690836190443(Beste leiho batean irekiko da)

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren postontziaren bidez.