Bidaiatu ezazu etxetik - Turismoa Vitoria-Gasteizen
Murgil zaitez gure inguruetako historian, naturan eta enogastronomian. Etxean geratzea askoz errazagoa izango da Gasteiz eta gertuko beste txoko batzuk ezagutu ahal izateko proposamen hauei esker. Gutxiago falta da jada!
#HorrelakoaDaGasteiz argazki lehiaketa
https://www.flickr.com/photos/vgturismo/sets/72157714283062696
Lehiaketan hasiera batean 2. postuan sailkatutako argazkiari buruzko erreklamazio bat jaso ondoren, lehiaketaren antolakuntzak irudi hori deskalifikatzea erabaki du oinarrien 13. puntuak dioenari jarraiki. Udaltzaingoarekin eta Ertzaintzaren Operazio Aeronautikoen Zuzendaritzarekin egiaztatu ahal izan da argazkiak (Ataria eta Salburuko hezeguneen airetiko irudi bat) ez zuela betetzen 12036/2017 Errege Dekretua eta ez zuela Arabako Foru Aldundiaren baimena edo oniritzia Hegaztien Babes Bereziko Eremu (BBE) baten gainetik hegan egiteko. Antolakuntzak barkamena eskatzen du sortatuko eragozpenengatik eta eskerrak ematen du erabaki hau hartzea posible egin dutenen laguntzagatik.
Behin betiko sailkapena honako hau da: lehen saria mantentzen da, Asierjim-entzat (Twitter) da, Bakardadearen Kantoiko irudi batengatik; bigarrena Alberto Loyoentzat (Facebook) izan da, lau dorreen irudi batengatik, eta hirugarrena m.v.p._oficial-entzat (Instagram) da, Salburuko hezeguneen egunsenti baten irudiarengatik. Zorionak!! Hauek dira erreserbako (ordezko) argazkiak: 4. postua ttierras_insolitas-entzat (Instagram), 5. postua evaramendi-rentzat (Twitter) eta 6. postua gatocat11_-entzat (Instagram).
Kontsulta itzazu oinarri osoak
.
Enpresak eta gidak
Etxetik bidaiatu nahi duzu adituen laguntzarekin? Kontsulta ezazu enpresa eta gida profesionalen webgunea eta parte hartu bisita gidatu birtualetan eta bestelako ekimen turistikoetan. Klik batzuk eginda Gasteizen zehar ibiltzeko modu on bat, eta hiria hobekien ezagutzen dutenen eskutik.
Poetak maiatzean
Vitoria-Gasteizko Nazioarteko Poesia Jaialdiaren VIII. edizioa bueltan da errezitaldi, ipuin-kontalari, kontzertu eta bestelakoekin. Jardurak online emitituko dira beren Youtube, Instagram eta Facebookeko profilen bidez.
Informazio gehiago 'Poetak maiatzean' jaialdiari buruz
Bideoak, argazkiak eta jokoak
Bideoak
Laster izango dugu aukera besarkatzeko, paseatzeko, jolasteko, dantzatzeko... Bideo honen bidez Gasteizen berriz ere disfrutatu ahal izango dugun guztiaren aurrerapen bat ikustera animatzen zaitugu.
https://www.youtube.com/watch?v=d2lye9dCUDs
Youtube-ko gure erreprodukzio-zerrendan bideo gehiago aurki daitezke. Vital Fundazioaren kanala ere kontsulta dezakezu: hainbat erakusketari lotutako proposamenak hartzen ditu barne, baita teknologia berrien erabilera zuzenari buruzkoak ere.
Argazkiak
Nabiga ezazu Flickr-eko gure profilean ditugun irudietan zehar. Eta hiriko argazkiak deskargatu nahi badituzu, erabilera libreko irudi-banku bat dugu (Creative Commons):
Horrez gain, xarmaz beteriko txokoak ezagutu ditzakezu 360º-ko bisita birtualen bidez.
Eta Gasteiz eta bere kontzejuak txori bistaz ikusi nahi baduzu, sartu Arabako Foru Aldundiaren airetiko ikuspegien irudi galerian.
Jokoak
Diberti zaitez etxeko umeekin Kirikaren jokoekin, Gasteizko ludoteka eta ludokluben sareko maskotarekin hain zuzen.
Eduki berriak
Gasteiz ezagutu nahi duzu? Hemen dituzu hiria bisitatzeko 7 arrazoi, Arabako hiriburuko txokorik enblematikoenak ezagutzeko (edo berrezagutzeko) gonbidapen bat.
Sare sozialak eta buletinak
Newsletterra eta Instagram-eko, Facebook-eko eta Twitter-eko profilak ditugu, egunean egoteko eduki gehiagorekin.
Gasteiztik gertu
Araba
'Araba zain daukazu' bideoa eta beste eduki batzuk, Araba Turismoa webgunean.
https://www.youtube.com/watch?v=Q0WBmX1kzqc
Zain dituzu ere Arabako museoak, lurraldeko ondare historiko, artistiko eta naturalaren isla.
Aiarako Kuadrillak haranak mendi-ibiltaritzarako eskaintzen dituen aukerak nabarmentzen ditu. Honako zentro eta museo hauek bisitatzea ere proposatzen du: Artziniegako Museo Etnografikoa, Santxotena Tailer-Museoa, Kexaako Arte Sakratuko Museoa, Manuel Acha Likorearen Museoa eta Aresketamendi Energia Berriztagarrien Parkea.
Gorbeialdeko Kuadrillak eskualdeko ezinbesteko 10 elementuen zerrenda hurbiltzen digu, besteak beste, Gorbeiako Parke Naturala, urtegien 'barne itsasoa', Oroko Santutegia eta Gujuliko ur-jauzia.
Guardia - Arabako Errioxako Kuadrillak bere paisaia eta upeltegietan zehar garamatza bidaian, aipamen berezia eginez bere gastronomiari, ondareari eta ostatuei.
https://www.youtube.com/watch?v=AWk5Az3nb4I
Arabako Lautadako Kuadrillak bisitarien eskura jartzen ditu bere liburuxka eta mapak, ostatuak eta jatetxeak, baita bisita birtualak ere.
https://www.youtube.com/watch?v=GdY36dNlSCU
Euskadi
"Euskadi zain duzu, egongo gara berriz" da Eusko Jaurlaritzaren kanpaina berria. Turismoren sektoreari laguntza eman eta itxaropena hauspotu nahi dio normaltasun berriranzko fasean. Sare sozialetan #EuskadiTurismo eta #VolveremosAVernos traolekin/etiketekin du presentzia.
https://www.youtube.com/watch?v=5SU4H5OtM30
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren postontziaren bidez.