CEAk 2019an egin zituen jardueren oroitza-txostena argitaratu dugu

2020ko irailaren 10ean

Mugikortasuna, energia, lurzoruak, hidrogeologia, klima aldaketa eta beste hainbat esparrutako lanak egin genituen 2019an.

Portada de la memoria del CEA 2019

Oroitza-txostena

2019an zehar CEAk ikerketa alorrean eta europar proiektuetan egiten duen lana sendotu zen. Guztira 7 proiektutan hartu zuen parte: ReVeAL, INTENSIFY, SMARTEES, CityChangerCargoBike, Park4SUMP, POSIDON eta SmartEnCity. Horien lan esparruei dagokienez, denetik dago: mugikortasuna, energia, lurzoruak, hidrogeologia, klima aldaketa... Helburua da gure errealitatea hobeto ezagutzea eta politikari zein teknikariei erabakiak hartzen laguntzea.

Mugikortasunaren esparruan, Mugikortasun Iraunkorraren eta Espazio Publikoaren Plan berriaren Aurrerapenaren lanak aurrera jarraitu zuen, hirian eta herritarren desplazamendu moduetan izan diren aldaketetara moldatzeko Gasteizko mugikortasuna. Aurrerapenak informazio publikoko prozesu bat jarraitu zuen eta, horri lotuta, erakusketa ibiltari bat atondu zen, zazpi gizarte etxetara eraman zena. Bertan, 900 pertsonak baino gehiagok egin zituzten ekarpenak.

Energiari dagokionez, Gasteizko eraikinen estalkiek eguzki energia fotovoltaikoa sortzeko duten potentziala aztertu zuen CEAk, Madrilgo Unibertsitate Politeknikoaren laguntzarekin.

Gasteizko Nekazaritzako Elikagaien Estrategiaren markoan, 2019an nekazaritzako lurzoruen kalitate agrologikoa aztertu zen, Abetxukun parke agroekologiko bat sortzeko bideragarritasuna analizatu zen, eta Basaldea proiektuan lagundu zen. Era berean, udal haurreskolekin egin zen lan eskolako menuak moldatzeko eta dieta osasungarriagoa sortzeko, tokikoak, sasoikoak eta ekolokikoak diren produktuetan oinarrituta.

Lurraldearen Azpiegitura Berdearen esparruan, CEAk aurrera jarraitu zuen eremu narriatu eta kutsatuak leheneratzen, eta ingurune hondatuetako ingurumena eta paisaia hobetzen, adibidez Jundizen dagoen Mendebaldea parkean.

Ingurumen hezkuntza CEAren jardueren funtsezko zutabeetako bat da. 2019an, urtero bezala, hamaika jarduera antolatu ziren publiko mota desberdinentzat. Nabarmentzekoak dira eskola ikasleentzako hezkuntza jarduerak, haietan haur eta gazteek harreman zuzena eduki baititzakete hiri inguruko natur eremuekin eta natur ondarearekin. Bestalde, errepideetan seguru eta arduratsu ibiltzeko ikastaroak egin ziren, eskoletan horiek ere; Eskolako Agenda 21aren testuinguruan karbonoan neutroa den udalerri bat eraikitzeko bideak landu ziren eskoletan; Etxe Berdeak programan Gasteizko zenbait familiak beren ingurumen inpaktua murrizteko tresnak ikasi zituzten; eta Herritarren Zientziaren programan, udalerriko dibertsitate biologikoaren jarraipena egin zuten eta hura kontserbatzen lagundu zuten zenbait herritarrek.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: