Ausazko jokoei eta kirol-apustuei lotutako arriskuak murriztea: Ondorioak. Arriskuak. Nork bere burua zaintzea
- Udaleko Hezkuntza Jarduerak – 2021-2022 ikasturtea

Educación para la salud

Izen-ematea: izena emateko epea irailaren 9tik 20ra. Gainerako inskripzioak 21etik 24ra.

Izena eman on line

Deskribapena

Jarduera ikasgelan egingo da, eta prestakuntzako hiru orduko iraupena izango du, hiru saiotan banatuta. Zenbait dinamika abiapuntu hartuta, helburua da IKTen, online jokoen eta kirol-apustuen ohiko edo maizko erabilera murriztea eta egoera ahulean dauden edo gizarteratzeko zailtasunak dituzten ikasleen babes faktoreak areagotzea.

Eduki hauek jorratuko dira:

  • Zer da jokoa?.
  • Joko motak: soziala - problematikoa – patologikoa.
  • Jokalari-motak.
  • Bideojokoak: alde positiboak eta negatiboak.
  • IKTen, on line jokoen eta kirol-apustuen ohiko edo maiz erabiltzearen ondoriozko osasun-arazoak.
  • Arrisku-adierazleak.
  • Alarma-zantzuak.
  • Jokoa arazo ez bihurtzeko gakoak.

Irakasleari koaderno-gida emango zaio (CD euskarrian).

COVID-19aren ondorioz, hitzaldiak ezin izango balira aurrez aurre egin, online egiteko modua bilatuko genuke, bideokonferentzia bidez edo beste nolabait.

Horren aurretik, egiten duen enpresarekin hitz egingo genuke.

Baloreak

Bizi-kalitatea, Prestakuntza, Erantzukizuna.

Helburuak

Jarduera honen helburu nagusia da gazteak ausazko jokoei lotutako arriskuez kontzientziatzea eta sentsibilizatzea, bereziki online bideojokoei eta kirol-apustuei dagokienez, eta jokatzea erabakitzen badute, autozaintzako jokabideak indartzea, horretarako gaitasun hauek sustatuz: bulkadak kontrolatzea, erabakiak hartzea, istiluak konpontzea, pertsonen arteko harremanak.

Hartzaileak

Derrigorrezko Bigarren Hezkuntza (4. maila), Batxilergoa (1. eta 2. mailak), Oinarrizko Lanbide Heziketa (1., 2. eta 3. mailak) eta Prestakuntza Zikloak.

Antolamendua

  • Lekua: ikastetxean edo telematikoki.
  • Egutegia: 2021-2022 ikasturtea.
  • Ordutegia: ikastetxearekin adostu beharrekoak.
  • Iraupena: gehienez hiru saio egingo dira eta saio bakoitzak 60 minutu iraungo du. Saio kopurua zentroaren eta jarduera irakasten duen enpresaren arteko adostasuna izango da.
  • Hizkuntza: gaztelania, euskara.

Parte hartzeko betebeharrak

  • Izen-ematea: izen-emate fitxa bat bete behar da ikasgela bakoitzeko.
  • Prezioa: doan.
  • Oharrak: izena eman duten ikasleen hezkuntza-premia bereziak adieraziko dira, hala badagokio. Izena emateko fitxan ordutegi- eta egutegi-lehentasuna adieraziko da.

Izena emateko fitxa udalaren web-orriaren bitartez bidaliko da. Eskariei erantzungo zaie, inskripzio-ordenaren eta aurrekontu-erabilgarritasunaren arabera.

Ikastetxeak jarduera horretan parte hartzen duela zabaltzen duenean, Udal eta Vitoria-Gasteiz Hiri Hezitzailea proiektua aipatuko ditu.

Izena emateko epea amaitu ostean, eta plaza guztiak bete ezean, izena emateko epe berri bat irekiko da.

Informazioa

  • Antolatzailea: Kirol eta Osasun Saila (Osasun Publikoaren Zerbitzua).
  • Telefonoa: 945 161 502
  • Posta elektronikoa: saludpublica@vitoria-gasteiz.org

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.