Hiritik gertu - Turismoa Vitoria-Gasteizen

Gasteizko ingurua

Uribarri-Ganboako lakua edo urtegia

Ullíbarri- Gamboa

Basoz eta larreez inguraturiko laku erraldoia da, eta piknika egiteko toki egokituak nahiz bainatzeko toki mugatuak dauzka. Hiru hondartza dauzka, zeinak Garaio eta Landa parkeetan dauden, eta hirurek dute kalitatea aitortzen duen bandera urdina. Bide berde batek inguratzen du lakua, eta, bertatik, oinez nahiz bizikletaz ingura daiteke urtegia. Udan, ezin hobea da uretako kirolak egiteko.

Informazio gehiago hemen: Uribarri-Ganboako lakua edo urtegia(Beste leiho batean irekiko da)

Denbora gehiago izatekotan...

Añanan barrena

Valle Salado

Ibilbide bat gomendatzen dizugu Valderejoko Parke Naturaletik eta Santa Catalina Lorategi Botanikotik. Gatz Haranean, Europa Nostra saria, geldialdia egitea merezi du: terrazatan jarritako 5.500 larrain dira eta artisau eran ateratzen da horietatik oraindik ere gatza. Hemen, gainera, Araban ondoen kontserbatutako multzo gotortua ikus dezakezu: Varonatarren dorretxea (Villanañe herrian). Eta egin geldialdia Iruña-Veleiako hiri erromatarrean.

Informazio gehiago: Añana Turismoa(Beste leiho batean irekiko da)

Arabar Errioxan

rioja alavesa

Mahastiez inguratutako Erdi Aroko hiribildu ederretako batzuk ezagutu beharko zenituzkete, hala nola, Guardia (eskualdeko hiriburua), Eltziego, Bastida, Samaniego edo Labraza (Harresitutako Hirien nazioarteko Sariarekin saritutako harresiekin). Ardoaren Ibilbidea ezagutzea gomendatzen dizugu. Horretan, Erdi Aroan metro askotara zulatutako kobazuloetara jaitsi eta upeltegian bertan edo nazioartean izen handia duten arkitektoek (Frank O. Gehry, Santiago Calatrava edo Philippe Mazières) diseinatutako eraikinetan ardorik sofistikatuenak dasta ditzakezu.

Informazio gehiago: Arabar Errioxako ardoaren ibilbidea(Beste leiho batean irekiko da)

Arabako Mendialdean

Montaña alavesa

Entziako Mendilerroak eta Izkiko Parke Naturalak harrituko zaituzte. Azken horretan Golf-konplexu publikoa eta BTTko zentroa dituzu. Ardoaren eta Arrainaren Ibilbideak (GR-38) eskualde hau zeharkatzen du, mendi-ibiliak egitea gustuko dutenentzako ibilbide bikaina izanik. Beste aukera bat Antoñanan bizikleta bat alokatu eta Euskadi eta Nafarroako trenbide zaharraren trazadurari jarraitzea da, bide berde bihurtu baitute.
Tartean, ermita erromanikoak eta Erdi Aroko hiribilduak ere aurkituko dituzu, eta horien artean, Antoñana, Santi Kurutze Kanpezu edo Urizaharra.

Informazio gehiago: Arabako Medialdea(Beste leiho batean irekiko da)

Gorbeialdea

garaio

Euskal mendizaletasunaren tontor mitikoa duzu zain: Gorbeia mendia eta bere parke naturala (interpretazio-zentroa Sarrian dago). Ingurumarietan, gainera, geldialditxoren bat egin ahal duzu, hala nola, Oroko Santutegian (ikuspegi ederrez gozatzeko), Gujuliko urjauzian edo Urkiolako parkean eta urtegietan (Uribarri-Ganboa eta Urrunaga) barrena. Era berean, Aramaioko haranean, gure Suitza txikian, barneratu beharko zenuke, non arkitektura tradizionaleko baserriak ikusiko baitituzu.

Informazio gehiago: Gorbeialdeko eskualdea(Beste leiho batean irekiko da)

Aiaraldea

Ayala

Kexaako monumentu-multzo liluragarria eta Artziniegako Erdi Aroko hiribildua (herri honetan Xabier Santxotena eskultorearen museoa dago) ezagutuko dituzu. Dastatu hemen Arabazo txakolina, erraz edaten den ardo leun, arin eta fruta-usainekoa. Hurbildu, orobat, Nerbio ibaiaren ur-jauzira, interes bereziko naturguneaz gozatzera.

Informazio gehiago: Aiaraldea(Beste leiho batean irekiko da)

Arabako Lautada

Gaceo

Ez alde egin Agurain bisitatu gabe: bisita gidatu interesgarriak eskaintzen dituen Erdi Aroko hiribildu harresitua. Halaber, Gazeo eta Alaitzako elizetako horma-margoak ikustea gomendatzen dizugu. Eta utziguzu gomendatzen Sorginetxe (sorginaren etxea) trikuharrira, neolitoko monumentura, hurbiltzeko aukera.

Informazio gehiago: Arabako lautada(Beste leiho batean irekiko da)

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren postontziaren bidez.