Iturria: AENA
Ontziratzeko txartela ematen den unean, konpainiak bidaiari gisa onartu duela eta hegazkinean eserlekua duela ulertzen da.
"Hegaldia onartzeko azken ordua" irteteko programatutako orduaren aurreko gutxieneko denbora da; bidaiariak hegaldian onartua izan behar du, bagajea fakturatuta izan behar du eta ontziratzeko txartela izan behar du.
Hegazkin-konpainiek ez dute inolako erantzukizunik izango bidaiaria ez onartzeagatik, hura erregistratze-mahaian hegaldia onartzeko azken ordua igarota aurkezten denean.
Zein da fakturatzeko epea?
Bidaiariak erregistratze-mahaian aurkeztu beharko du hegazkin-konpainiak, bidaia-antolatzaileak edo baimendutako bidaia-agenteak aldez aurretik idatziz (baliabide elektronikoak barne) adierazitako aurrerapenarekin eta inolako adierazpenik ez dagoenean, hegaldia irteteko iragarritako ordua baino 45 minutu lehenago gutxienez.
Zenbait hegazkin-konpainiak beste muga batzuk finka ditzakete, horregatik, garrantzitsua da aldez aurretik denbora nahikoarekin informatzea.
Nazioarteko helmugetarako hegaldiek erregistratze-mahaian aurrerapen handiagoarekin aurkezteko beharra dute, segurtasun-neurri handiagoak direla eta.
Hortaz, kontuan hartu behar da erregistratzeko denbora, baita poliziaren eta segurtasun-kontroleko izapideetarako denbora ere, batik bat, oporraldietan, aireportuetako trafikoa areagotu egiten baita.
Era berean, hiritik aireportura joateko denbora gehiago kalkulatu behar da, bertara sartzeko egon daitezkeen zailtasunak aintzat hartuta. Gomendio berak errepikatzen dira loturak edo konexioak egin behar diren kasuetan.
Segurtasun-arrazoiak direla eta, kontrolak ugariagoak eta zorrotzagoak izan daitezke aireportuetan, bai bidaiarienak, bai esku-bagajearenak, bai fakturatutako bagajearenak, horregatik, gomendagarria da txartela, ontziratzeko txartela eta nortasun-agiria eskura izatea eta konpainiak finkatutako ontziratzeko denboraz informatzea eta hura errespetatzea.
Zer dokumentazio eraman behar dut bidaia hastean?
Beharrezkoa da nortasun pertsonaleko dokumentazio egokia eramatea, indarrean, egin beharreko bidaiarako.
Oro har, nahikoa izango da NANa hegaldi nazionaletarako eta erkidegokoetarako (Schengen eremua), eta pasaportea, berriz, nazioarteko hegaldietarako. Hala ere, zenbait herrialdetan beste dokumentu batzuk aurkeztea eskatzen dute haien lurraldean sartzeko, bisatuak eta osasun-ziurtagiriak kasu. Herrialde bakoitzean sartzeko eskakizunak Barne Arazoetako Ministerioaren orrialdean(Beste leiho batean irekiko da) kontsulta ditzakezu.
Bidaia-agentzian edo hegazkin-konpainian zer dokumentazio behar den kontsultatzea gomendatzen da. Nolanahi ere, bidaiatu nahi den herrialdeko enbaxadak edo kontsuletxeak bidaiarako beharrezko dokumentazioaren berri emango du.
Bidaiaria adingabea denean, beharrezko nortasun-dokumentazioa ere badaramala ziurtatu behar da. Gurasoekin hegan egiten duten 14 urtetik beherakoek familia-liburua eraman beharko dute lurralde nazionalean hegan egin ahal izateko.
NANa beharko dute komunitateko hegaldietan (Schengen eremua), eta pasaportea eta bisatua (helmugako herrialdeak hala eskatzen badu), nazioarteko hegaldietan eta Schengen ituna aplikatzen ez duten komunitateko hegaldietan. Herrialde bakoitzean sartzeko eskakizunak Barne Arazoetako Ministerioaren orrialdean(Beste leiho batean irekiko da) kontsulta ditzakezu.
Estatu Batuek, Segurtasun Nazionaleko Sailaren bidez, Bisatuen Salbuespen Programan(Beste leiho batean irekiko da) Estatu Batuetara bidaiatzeko aldez aurreko baldintza berria finkatu dute, 2009ko urtarrilaren 12tik aurrera indarrean dagoena: elektronikoki osatu behar den bidaia-baimena (hegazkinera igo baino 72 ordu lehenago), Estatu Batuetako lurretan lur hartu aurretik hegazkineko laguntzaileek hegazkinean ematen zuten "paper berde" delako formularioa ordezkatzen duena.
Helmugarako eskatutako dokumentazioa ez izateak ontziratzea ukatzea ekar dezake.
Dirua
Espainian indarrean dagoen araudiari jarraiki (2006ko maiatzaren 3ko 1439/2009 Ministro Agindua), libreki sartu eta atera ahal izango dira lurralde nazionaletik moneta metalikoa, bankuko billeteak eta eramailearentzako banku-txekeak, baina aitorpena egin beharko da zenbatekoak pertsona eta bidaiako 10.000 euro edo atzerriko monetako kontrabalioa gainditzen duenean.
Overbookinga araututa dago, hegaldiak bertan behera uzte eta atzeratze kasuetarako aire-garraioko erabiltzaileen eskubideei buruz ondoren xedatutakoa Europar Batasuneko 261/2004 hitzarmenean(Beste leiho batean irekiko da), eta kasu hauetan aplikatzen da:
.- Hitzarmeneko xedapenen mende dagoen kide den herrialdeko lurraldean kokatutako aireportutik abiatutako bidaiariak.
.- Hirugarren herrialdean kokatutako aireportutik hitzarmeneko xedapenen mendeko kide den herrialdeko lurraldean kokatutakora abiatutako bidaiariak, hegaldia egiteaz arduratutako aire-garraiolaria komunitatekoa denean.
[igo]
Zer da overbookinga edo ontziratzearen ukapena?
Txartel gehiegi saltzeagatik ontziratzea ukatzea bidaiariei ontziratzen ez uztea da, horiek hegaldian erreserba baieztatuta izan eta erregistratze-mahaian epe barruan eta eskatutako baldintzetan aurkeztu arren edo hegazkin-konpainiak edo bidaia-antolatzaileak hegazkinez aldatu arren.
Zer egin behar du aire-garraiolariak hegaldian ontziratzea ukatu beharko duela aurrez ikusten duenean?
1.- BOLUNTARIOEN AURKEZPENA.
Hegaldia egiteaz arduratutako aire-garraiolariak hegaldian ontziratzea ukatu beharko duela aurrez ikusten duenean, lehenik eta behin, hau egin beharko du:
LEHENENGO.- Bidaiari interesatuak eta hegaldiaz arduratutako aire-garraiolariak adostutako baldintzetan ERRESERBARI ABANTAILA JAKINEN TRUKE UKO EGINGO DIOTEN BOLUNTARIOAK ESKATU.
Horrez gain, boluntarioek 8. artikuluko laguntza jasoko dute:
LEHEN AUKERA.- 7 egunetan txartelaren kostu guztiaren itzulketa erositako prezioan, egin gabeko bidaiaren zatiari edo zatiei dagokiona, eta egindako bidaiaren zatiari edo zatiei dagokion kostuarena hegaldiak dagoeneko arrazoirik ez badu hasierako bidaia-planari dagokionez eta, horrekin batera, dagokionean, hegaldi bat abiapuntura ahalik eta bizkorren itzultzeko.
BIGARREN AUKERA.- Amaierako helmugaraino eramatea, antzeko garraio-baldintzetan, ahalik eta bizkorren.
HIRUGARREN AUKERA.- Amaierako helmugaraino eramatea, antzeko garraio-baldintzetan, bidaiariari komeni zaion ondorengoko datan, libre dauden eserlekuen arabera.
Zer eskubide ditut overbookinga badago eta boluntario kopurua ez denean nahikoa bidaiari guztiak ontziratu ahal izateko?
2.- BOLUNTARIO KOPURUA NAHIKOA EZ DENEAN ERRESERBAK DITUZTEN GAINERAKO BIDAIARIAK ONTZIRATZEKO:
Hegaldiaz arduratutako aire-garraiolariak ontziratzea ukatu ahal izango die bidaiariei haien nahiaren kontra.
ONDORIOAK
Bat.- KONPENTSAZIO ESKUBIDEA
Bidaiariek konpentsazioa jasoko dute:
KALTE ORDAINAREN % 50EKO MURRIZKETA:
Konpentsazio horiek % 50 murriztu daitezke bidaiariei azken helmugara joateko garraio alternatiboa eskaintzen zaienean eta erreserbatutako hegaldiarekin hasiera batean iristea aurrez ikusitako orduarekiko alde hauekin iristea ahalbidetzen duenean:
KONPENTSAZIOA ORDAINTZEKO MODUAK
Konpentsazioa honela ordainduko da:
*.- eskudirutan
*.- banku-transferentzia elektronikoa
*.- banku-transferentzia
*.- txekea
*.- bidaiariak sinatutako aldez aurreko hitzarmena, bidaia-bonuak edo beste zerbitzu batzuk.
Bi.- ITZULKETAREN EDO GARRAIO ALTERNATIBOAREN ESKUBIDEA
Konpentsazio-eskubideaz gain, aukera hauek eskainiko zaizkie bidaiariei:
LEHEN AUKERAN xedatutakoa bidaia konbinatua osatzen duten hegaldiak dituzten bidaiariei ere aplikatuko zaie, diru-itzultzearen eskubideari dagokionez izan ezik, eskubide hori 90/314/CEE Zuzentarautik eratortzen denean.
HIRIAN EDO ESKUALDEAN HAINBAT AIREPORTU DAUDENEAN
Hainbat aireportu dituzten hirien edo eskualdeen kasuan, bidaiariari erreserbatutakoa ez den beste aireportu baterako hegaldia eskaintzen dion hegaldiaz arduratutako aire-garraiolaria egingo da bigarren aireportutik bidaiariaren garraio-gastuen kargu, bai erreserba egindako aireportura eramateko, bai bidaiariarekin hitzartutako hurbileko beste lekura eramateko.
HIRU.- ARRETA ESKUBIDEA
Aurreko guztiaz gain, bidaiariei DOAN eskainiko zaie:
a.- JANARI ETA FRESKAGARRI NAHIKOAK, ITXARON BEHARREKO DENBORAREN ARABERA.
b.- HOTELEAN OSTATUA, kasu hauetan:
- gau bat edo gehiago igarotzea beharrezkoa denean edo
- bidaiariak aurrez ikusitako egonaldia baino luzeagoa egitea beharrezkoa denean.
c.- Bidaiariei doan eskainiko zaizkie: BI TELEFONO DEI, TELEXA, FAX MEZUAK EDO POSTA ELEKTRONIKOAK.
Arreta-eskubide hori aplikatzean, arreta berezia eskainiko zaie mugikortasun murriztua duten pertsonen eta haien laguntzaileen beharrei eta lagundu gabeko adingabekoen beharrei.
Zein eskubide dituzu hegaldia atzeratuz gero?
Hegaldiaz arduratutako aire-garraiolaria:
Kasu horietan hauetan zehaztutako laguntza eskainiko zaie bidaiariei:
b.- OSTATUA HOTELEAN eta GARRAIOA AIREPORTUAREN ETA OSTATUAREN ARTEAN, irteera gutxienez hurrengo egunean aurrez iragarritako orduan aurrez ikusita dagoenean.
c.- BI TELEFONO DEI, TELEXA, FAX MEZUAK ETA POSTA ELEKTRONIKOAK, aurrez ikusitako irteera-ordua gutxienez hurrengo egunean iragarritako orduan denean.
ATZERAPENA GUTXIENEZ 5 ORDUKOA DENEAN:
Zein eskubide ditut kontsumitzaile gisa 5 orduko atzerapena gertatzen bada?
7 egunetan txartelaren kostu guztiaren itzulketa erositako prezioan, egin gabeko bidaiaren zatiari edo zatiei dagokiona eta egindako bidaiaren zatiari edo zatiei dagokion kostuarena hegaldiak dagoeneko arrazoirik ez badu bidaiariaren hasierako bidaia-planari dagokionez eta, horrekin batera, dagokionean, hegaldia abiapuntura ahalik eta bizkorren. EZ BIDAIATZEA ERABAKITZEN DENEAN BAKARRIK.
Edozein kasutan, distantzia-tarte bakoitzari dagokionez aurrez finkatutako denbora-mugen barruan eskainiko da laguntza.
Atzerapenen gai horri buruz garrantzitsua da nabarmentzea Europar Batasuneko Justizia Auzitegiak 2009-11-19 datarekin(Beste leiho batean irekiko da), bertan behera uztearen eta atzerapen handiaren arteko ondorioen bateratzeari buruz honako irizpen hau eman duela: "261/2004 zenbakiko araudiko 7. artikuluan aurrez ikusitako konpentsazio-eskubidea argudiatu dezakete, hegaldiari dagokionez, hiru ordu edo gehiagoko denbora-galera jasaten dutenean".
Aire-garraiolariak hegaldia bertan behera uzten badu, zein eskubide ditu kontsumitzaileak?
Hegaldiaz arduratutako aire-garraiolariak eragindako bidaiariei laguntza eskainiko die modu hauetara:
LEHEN AUKERA.- 7 egunetan txartelaren kostu guztiaren itzulketa erositako prezioan, egin gabeko bidaiaren zatiari edo zatiei dagokiona eta egindako bidaiaren zatiari edo zatiei dagokion kostuarena hegaldiak dagoeneko arrazoirik ez badu hasierako bidaia-planari dagokionez eta, horrekin batera, dagokionean, hegaldia abiapuntura ahalik eta bizkorren.
BIGARREN AUKERA.- Amaierako helmugaraino eramatea, garraio-baldintza alderagarrietan, ahalik eta bizkorren.
Eta
Eragindako bidaiariek aire-garraiolariaren konpentsazioa jasotzeko eskubidea izango dute baldintza hauetan:
Kalte ordainaren salbuespenak bertan behera utzitako kasuan
Kasu hauetan salbu:
1.- Bertan behera utzi izanaren berri irteteko aurrez ikusitako ordua baino BI ASTE LEHENAGO GUTXIENEZ ematen denean.
2.- Bertan behera utzi izanaren berri irteteko aurrez ikusitako ordua baino BI ASTE ETA ZAZPI EGUN artean lehenago ematen denean eta
Aurrez ikusitako irteera-orduari dagokionez bi ordu baino gehiagoko aurrerapenarekin irtetea ahalbidetuko dien eta amaierako helmugara heltzeko aurrez ikusitako orduarekiko lau orduko atzerapena baino gutxiagorekin heltzea ahalbidetuko dien GARRAIO ALTERNATIBOA eskaintzen denean.
3.- Bertan behera geratu dela aurrez ikusitako irteera-orduari dagokionez ZAZPI EGUN BAINO GUTXIAGOKO AURRERAPENAREKIN jakinarazten denean eta BESTE HEGALDIA HARTZEA ESKAINTZEN zaienean, aurrez ikusitako irteera-orduarekiko ordubete baino gutxiagoko aurrerapenarekin irtetea eta amaierako helmugara bi ordu baino gutxiagoko atzerapenarekin heltzea ahalbidetuko dienean.
Bidaiariei bertan behera utzi izanaren berri ematen denean, garraio-aukera alternatiboen azalpena eman beharko zaie.
Zer jotzen da aparteko baldintzatzat hegazkin-konpainiak bertan behera utzi izana justifikatze aldera?
Garraiolaria ez da behartuta egongo 250, 400 eta 600 euroko konpentsazioak ematera, bertan behera utzi izana aparteko baldintzengatik izan dela eta arrazoizko neurri guztiak hartuta ere eragotzi ezin izango zela frogatu ahal bada (adibidez: ezegonkortasun politikoa, segurtasun-arriskuak, hegaldiko segurtasunaren ezusteko gabeziak eta hegaldia egiteaz arduratutako aire-garraiolariaren eragiketei eragiten dieten grebak).
Aire-garraiolariari dagokio frogatu beharraren karga.
Hegazkin-konpainiak erregistratze-mahaian bidaiarientzako modu argian testu hau duen iragarkia azaltzeaz arduratuko dira:
"Ontziratzea ukatu, hegaldia bertan behera utzi edo bi ordu baino gehiago atzeratuz gero, eskatu erregistratze-mahaian edo ontziratzeko atean zure eskubideak jasotzen dituen testua, batik bat, konpentsazioari eta laguntzari dagozkion eskubideak jasotzen dituena".
Ontziratzea ukatzen duen edo hegaldia bertan behera uzten duen hegazkin-konpainiak eragindako bidaiari bakoitzari konpentsazioari eta laguntzari dagozkion arauak jasotzen dituen inprimakia emango dio.
Horrez gain, inprimaki baliokidea emango diote gutxienez bi orduko atzerapenak eragindako bidaiari bakoitzari.
Ordaindutakoa baino goragoko klaseko eserlekuan jarriz gero, gehigarria kobratu al diezazukete?
Hegaldia egiteaz arduratutako aire-garraiolariak ordaindutako txartela baino goragoko klaseko eserlekuan kokatzen badu bidaiaria, ez du inolako ordainketa gehigarririk eskatuko.
Ordaindutakoa baino beheragoko klaseko eserlekuan kokatua izanez gero, zein eskubide dituzu?
Hegaldia egiteaz arduratutako aire garraiolariak bidaiaria ordaindutako txartela baino beheragoko klasean kokatzen badu, zazpi egunetan, 7. artikuluko 3. atalean xedatutakoari jarraiki, honakoa itzuliko du:
a.- bidaiariaren txartelaren prezioaren % 30, 1.500 km edo gutxiagoko hegaldi guztietarako
b.- txartelaren prezioaren % 50, 1.500 kilometro baino gehiagoko komunitate barneko hegaldi guztietarako, kide diren estatuetako Europako lurraldearen arteko hegaldietarako, itsasoz bestaldeko Frantziako lurraldeetarako eta 1.500 eta 3.500 kilometro arteko gainerako hegaldietarako salbu
c.- txartelaren prezioaren % 75 a) eta b) ataletan jaso gabeko hegaldi guztietarako, kide diren estatuetako Europako lurraldearen arteko eta itsasoz bestaldeko Frantziako lurraldeetako hegaldiak barne.
Hegaldiez arduratutako aire-garraiolariak lehentasuna emango die mugikortasun murriztua duten pertsonei eta haien laguntzaileei edo ziurtatutako laguntza-zakurrei eta lagundu gabeko adingabekoei.
Ontziratzea ukatu, hegaldia bertan behera utzi eta edozein iraupeneko atzerapenen kasuan, mugikortasun murriztua duten pertsonek, haien laguntzaileek eta laguntzarik gabeko adingabekoek arreta jasotzeko eskubidea izango dute arreta-eskubideari jarraiki, ahalik eta lehenbailehen.
bagajea hondatzea, galtzea edo atzeratzea
Hegazkin-konpainia izango da fakturatutako bagajean sortutako hondatze, suntsiketa, galera edo atzerapenen arduradun. Hegazkin-konpainiak objektiboki erantzungo du, kaltea aireontzi barruan edo fakturatutako bagajea konpainiaren esku dagoenean gertatzeagatik bakarrik.
Konpainiak eragindako kaltea bagajearen izaera edo akatsagatik dela frogatzen badu, ez du erantzukizunik izango. Atzerapenaren kasuan ere ez da erantzule izango hori saihesteko arrazoiz beharrezkoak ziren neurri guztiak hartu zirela edo neurri horiek hartzea ezinezkoa izan zela frogatzen badu.
Fakturatu gabeko bagajearen kasuan, objektu pertsonalak barne, konpainia erantzule izango da kaltea bere errua edo haren mendekoena edo eragileena denean.
Dagokion kalte-ordaina birako 1.000 eskubide berezitara heldu daiteke. Ez dira bidaiarientzako konpentsazio automatikoak finkatuko.
Kontsumitzailea erantzukizun-muga altuagoarekin babes daiteke, bagajea fakturatu aurretik edo fakturatzeko unean beti, bagajearen balioaren aitorpen berezia egin eta tarifa gehigarria ordainduta.
EIPren, ekipajearen irregulartasun partearen, GARRANTZIA?
Bagajearekin zerbait gertatuz gero, EIP bete behar da. Fakturatutako bagajea protestarik egin gabe jasotzeak presuntzioa ekarriko du, hura egoera onean eta garraio-tituluarekin bat entregatu dela frogatzean izan ezik.
Funtsezkoa da fakturatutako bagajean gertakariak izanez gero (suntsiketa, galtzea, hondatzea edo atzeratzea), konpainiako mahaira edo handling-agentearengana (hegazkin-konpainiei lurrean laguntzeko enpresa) jotzea berehala, EIP formulatzeko aireportua utzi aurretik, gertatutakoa jasota utzi eta hegazkin-konpainiak izapidetzeko beharrezko baldintza baita.
Aireportua utzi aurretik EIP betetzea albo batera utzita, erreklamazioak aurkezteko epeak hauek izango dira:
Kalte, hondatze edo suntsiketa kasuan:
Atzeman bezain pronto eta beranduen jota jaso eta handik 7 egunera.
Atzerapen edo galera kasuan:
21 egun bagajea bidaiariaren esku jartzen denetik edo hala egin behar zen egunetik.
Atzerapenaren kasuan, nagusiki premia biziko gaien gastuak (fakturak) balioetsiko dira, egunak...
Galeraren kasuan, konpainiak, oro har, edukiaren zerrenda eta objektu jakinen jatorrizko fakturak ere eskatuko ditu.
Kalte ordainen mugak
Bagajea atzeratu, hondatu edo galtzeagatiko kalte-ordainen mugak herrialde bakoitzak sinatutako nazioarteko hitzarmenaren araberakoak dira.
Europako alorrean Montrealeko Hitzarmena jasotzen duen komunitateko araudiari jarraiki, garraiolariak bagajearen atzerapenagatik, hondatzeagatik, galerarengatik edo kalteengatik duen erantzukizuna bidaiariko 1.000 birako eskubide berezira mugatzen da. (Eurotan eguneratutako balioa NDFko (Nazioarteko Diru Funtsa) webgunean(Beste leiho batean irekiko da) kontsulta daiteke).
1.000 birako eskubide berezien muga horren barruan jasandako kaltea banan-banan bereizi behar da, hau da, bidaiariko muga kuantitatiboan ordaindu behar den kaltea.
1.000 birako eskubide berezien muga hori ez da aplikatuko "kaltea garraiolariaren ekintzaren edo hutsegitearen edo haren mendekoen edo eragileen hutsegitearen emaitza dela, kaltea eragiteko asmoarekin edo ausarkeriarekin egin dela eta ziur asko kaltea eragingo zuela jakinda egin dela frogatzen bada: mendekoaren edo eragilearen ekintza edo hutsegitearen kasuan, hura funtzioak betetzen ari zela frogatzen denean, betiere".
Bagajearen balioaren aitorpen berezia
Bagajearen balioak hegazkin-konpainiek bidaiariekiko eta bagajeekiko duten erantzukizuna arautzen duten nazioarteko hitzarmenek xedatzen duten gehieneko muga gainditzen duela pentsatzen bada, bagajearen balioa konpainiarekin "aitortu - aseguratu" daiteke tarifa gehigarriaren truke.
Hori erregistratze-mahaietara denbora nahikoarekin iritsiz gero soilik egin ahal izango da, konpainiako langileek dagokien egiaztapenak eta balioespenak egin ahal izateko.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
