Gasteizko menpeko toki erakundeak
Menpeko toki erakundeak udalerri baten barruan dauden hirigune txikiak dira. Toki erakunde horiek -kontzeju izenez ere deitu ohi zaie-, hiritarren partaidetzarako ohiko bide hurbila dira eta burujabetasun osoa dute euren interesak kudeatzeko. Gaur egun hiru eremutan banatzen dira: ekialdea, hego-ekialdea eta ipar-ekialdea.
63 hiriguneak 61 menpeko toki-erakundetan antolatzen dira administratiboki; izan ere, Artatza-Foronda, Legarda eta Mandoia kontzeju bakar baten parte dira. Arabako Lurralde Historikoko Herri Batzarrei buruzko martxoaren 20ko 11/1995 Foru Arauak zehazten ditu erakundeen ahalmenak eta eskumenak
Toki erakunde bakoitzak bere historia eta nortasuna ditu, eta horiek jasotzeko lana egin du Gema Espinosak Gasteizko udalerriko herriak izeneko udal argitalpenean. Hain zuzen ere, dokumentu hori hartu da oinarritzat kontzeju bakoitzari buruzko informazioa emateko.
Gasteizko menpeko toki erakundeen mapa 
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.