BEI, Bus Elektriko Inteligentea, abian jartzea

Garraio publikoko sistema eraginkor eta edukiera handikoa da BEI. TUVISAren 2. linea ordezdatu du. Linea horrek Gasteiz inguratzen du, eta hiriko leku garrantzitsuak lotzen ditu, hala nola Txagorritxu ospitalea, Eusko Jaurlaritza eta Mendizorrotzeko futbol-zelaia.

Proiektuaren xehetasunak

Flotak 18 metroko luzera eta 12 metroko sei autobus berri ditu, diseinu abangoardistakoak eta puntako teknologiarekin eginak. Ibilgailuak, erabat elektrikoak, ibilbidearen zati batean errei esklusiboetatik bidaiatzen dira, eta tiketak markesina berrietan balioztatzen dira: tranbiaren antzeko estetika dute eta informazio multimedia eskaintzen dute denbora errealean.

Halaber, Bus Elektriko Inteligentea ezartzearekin batera, hainbat esku-hartze egin dira espazio publikoan. Autobusek 3,5 metroko zabalera duen errei erreserbatu batetik zirkulatzen dute, eta, gehienbat, 2. linea periferikoa igarotzen den bide-bilbearen gainetik. Ibilbide osoan zehar, "Korridore berde" bat sortu da zuhaitz, zuhaixka eta lore landareekin.

Proiektuari buruzko informazio gehiago nahi izanez gero, ikus BEI ezagutu: Bus Elektriko Inteligentea.

Finantzazioa

Hainbat erakundek parte hartu dute BEIren proiektuan: Gasteizko Udalak finantzaketaren % 17,5 emango du, Arabako Foru Aldundiak % 17,5, eta Eusko Jaurlaritzak % 65. Eskualde Garapeneko Europako Funtsarekin (EGEF) kofinantziatua, % 65ean.

2014-2020 aldirako EGEF

BEIk honako ardatz hauetan parte hartzen du Euskadiko 2014-2020 aldirako EGEF Programa Operatiboan:

• 13. helburu tematikoa - COVID-19aren pandemiaren testuinguruan sortutako krisiaren eta gizartean izandako eragina konpontzen laguntzea, eta ekonomiaren susperraldi berde, digital eta erresilientea prestatzea.
• 20.1.4 helburu espezifikoa - REACT EB 4 helburu espezifikoa. Ekonomia berde baterako trantsizioan laguntzen duten inbertsioei laguntzea.

"Bus Elektriko Inteligentea (BEI) Gasteizen" eragiketaren helburua da helburu klimatikoak eta ekonomia berde baterako trantsizio-helburuak betetzen laguntzea, EAEko Jasangarritasun Energetikoari buruzko 4/2019 Legearen, 2050eko Klima Aldaketaren Euskal Estrategiaren, eta Euskadi 2030 Estrategia Energetikoaren ildotik, baita Euskadiko Garapen Jasangarriaren Estrategiaren helburu eta jomugen ildotik ere (Basque Country 2030 Agenda).

13i inbertsio-lehentasunaren eremua zabaltzearen ildotik, REACT-EB 4 helburu espezifikoaren xedea da "ekonomia berde baterako trantsizioan laguntzen duten inbertsioei laguntzea"; zehazki, hiri-mugikortasun multimodal jasangarria sustatzeko jarduketetan eta helburu klimatikoak eta ekonomia berde baterako trantsizioko helburuak betetzen laguntzeko egokitzapen-neurrietan.

Europako funtsen ekarpena, helburu espezifiko horretan bildutako gastuaren kofinantzaketaren bidez, oso garrantzitsua izango da pandemiaren inpaktuaren ondoriozko osasun-egoeraren eta egoera sozioekonomikoaren dimentsioei aurre egiteko, eta, horrela, COVID-19aren pandemiaren testuinguruan sortutako krisiaren eta horren ondorio sozialak konpontzen laguntzeko eta ekonomiaren susperraldi berde, digital eta erresilientea prestatzeko (REACT EB).

Euskadiko 2014-2020 aldirako EGEF Programa Operatiboa:

• Programazioa
• Kudeaketa eta jarraipena
• Ebaluazioa
• Komunikazioa

Lanak

Eguneratua: 2022/06/07

Azpiegitura, hornikuntza, abian jartzea eta mantentze-lanak

Dosierra: 2018/CO_ASUM/0006.

Egoera: Jarduketa osoa amaituta, Kargatzeko Unitate Funtzionalarekin eta autobusa egokitzeko lanekin lotutakoa izan ezik.

Hasiera eta bukaera data: 19/09/02 – 22/04/02

Kontratista: UTE BEI O EMISIONES (Irizar E-Mobility, Yarritu eta LKS).

Aurrekontua: 42.296.609,93 €.

Dosierra (pdf)

Obra-Zuzendaritza

Dosierra: 2018/CO_ASER/0071.

Egoera: amaituta. 2021/09/03ko Tokiko Gobernu Batzarrean 2021/CO_NSER/0016 dosierra onartu zen, zeinaren bidez IDOMi esleitu baitzitzaion BEIko obren zuzendaritza, kontrola eta zaintza, 180.955,50 euroan (BEZa barne). Kontratua gauzatzeko epea obra eta hornidura guztiak jaso eta likidatu artekoa izango da.

Kontratista: IDOM CONSULTING, ENGINEERING, ARCHITECTURE, S.A.U.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.