Salburuko gizarte etxea - Lanak

Salburuko gizarte etxe berria Bratislava eta Iliada ibilbideen artean ireki da, 2015eko maiatzean.

Salburuko gizarte etxea honela banatu da:

• Sotoko solairua: kirol pista, 2 gimnasio, esgrima gela, dantza lantegia, rokodromoa eta boulderra, 6 aldaketa taldeentzat eta 2 aldagela arbitroentzat (bai eta 2 aldagela bertako langileentzat). Planoa
• Beheko solairua: herritarrei laguntzeko bulegoa, elkartze aretoa, kafetegia, ekitaldi aretoa (210 eserleku), askotarako aretoa, ludoteka, gazte kluba eta kiroldegira ematen duen harmaila finkoa. Planoa
• 1. solairua: mailegu zerbitzua duen liburutegia, ikasteko gela, familientzako liburutegia, infoteka, jardueretarako 6 lantegi, askotarako gela, eta zonako gizarte zerbitzuaren eta etxeko teknikari taldearen bulegoak. Planoa
• 2. solairua: igerileku eremua, 2 igerileku bereiz dituena -bat 4 kalekoa helduentzat eta beste bat haurrentzat-, eta 3 aldagela (gizonentzat, emakumeentzat eta taldeentzat). Planoa

Opacua eta Vías y Construcciones enpresek osatutako ABEE arduratu da lanez. Ekipamendua egiteko aurrekontu osoa 8.903.071,88 euro da (BEZa barne), hau da, ezarritako lehia-oinarria baino % 31,05 (3,5 milioi euro) gutxiago.

Hemen lanen egoera ezagutu dezakezu, hilabetez hilabete

2013ko maiatza

Lanak maiatzaren 7an hasi ziren.
Lanak egiteaz arduratzen den enpresak hesiak jarri zituen lursailaren inguruan, bai eta arauzko igarobideak eta zirkulazio seinaleak ere; orobat, obra bulegoak instalatu zituen.
Lursaileko belar-sastrakak garbitu eta hondeatze-lanei ekin zien.

2013ko ekaina

Lursailean hondeatzen jarraitu zuten, eta hondakinak zabortegi baimendura eramaten; behin-behineko instalazio gehienak jarri ziren.

2013ko uztaila

Enpresak horma perimetralen zimenduak markatu zituen, eta horiek hondeatu. Halaber, behin-behineko instalazioak jartzen bukatu zuten.
Hiru garabi finkoak ainguratzeko zuloak hondeatu ziren, eta hego-ekialdeko ezponda geoehunezko geruza drainatzaile batez babestu.
Obra hesia jarri zen, bai eta ura ateratzeko punpa ere.

2013ko abuztua

Abuztuan, garbitasuneko hormigoia bota zen euste-hormaren zanga jarraituetan. Horma perimetralaren zimenduen burdinazko egitura jarri zen. Zimendu jarraituen zapaten inguruan hormigoia bota eta 1., 2. eta 3. garabien zapaten burdinazko egitura jarri zen; 2. garabia ere ipini zen.

2013ko iraila

Eraikinaren iparralde, mendebalde eta hegoaldeko fatxadetako horma perimetralen burdinazko egitura jarri zen, eta zimenduak hormigonatu. Zimendu eta hormetan PVCzko estankotasun-junturak jarri ziren, bai eta metalezko zutabeen ainguraketak ere kiroldegiko hormigoizko murruetan.  Eraikinaren mendebaldeko fatxadako igogailuaren zuloa hondeatu eta hormigonatu zen, eta iparralde zein ekialdeko fatxaden murrua iragazkaiztu. 1. eta 3. garabiak jarri ziren.

2013ko urria

Kiroldegiaren eta eraikin osoaren inguruko drainatze-sarea egin da urrian, bai eta kiroldegiaren barruko drainatze-sarea ere. Horma perimetralak estradosez bete, burdinazko egitura jarri, eta murru guztiak enkofratu eta hormigonatu dira, Bratislava hiribidean sotora jaisteko jarritako behin-behineko arrapala izan ezik.
Iliada ibilbideko murruan burdinazko egitura eta hormigoia (txandakako hondeaketak eginez) jarri dira, eta geroko txandakako hondeaketak prestatu dira. Praga hiribidean sotora jaisteko arrapalaren murruetan burdinazko egitura jarri eta hormigoia bota da, eta arrapala ere hormigonatu da.
Orobat, trinkotze saiakuntzak egin dira eta mailazo bikoitzezko hormigoizko zola jarri da kiroldegiko pistan. Kiroldegiko eta eraikineko banakako zapatak hondeatu, armazoiak jarri eta hormigonatu dira. Igogailurako zimenduak eta murruak egin dira. Iliada ibilbidean baranda-hormatxoa hormigonatu da, eraikineko murruak iragaizgaiztu dira, eta erakineko zutabeen ainguradunetan lur-hartzeak jarri dira.

2013ko azaroa

Azaroan, horma perimetralak iragazgaizten jarraitu zen, eta horiek estradosez betetzen. Igogailuetarako zuloetan hormigoi armatuzko murruak egin ziren, eta barne saneamenduko sarea instalatu zen gizarte etxearen eraikinean, bai eta barneko drainatze sarea ere. Orobat,metalezko zutabeen ainguraketak eta zapata isolatuak jarri ziren. Azkenik, metalezko egituraren lurren sarea jarri zen.

2013ko abendua

Abenduan, horma perimetralak bukatu eta horiek estradosez betetzen zein iragazgaizten jarraitu zen. Gizarte etxearen eraikinean aldageletako kanpoaldeko saneamendu sarea instalatu zen. Barruko drainatzea amaitu zen. Metalezko egitura, kiroldegiko metalezko zutabeak eta eraikinaren lehen zutabeak jartzen hasi ziren.

2014ko urtarrila

Urtarrilean zehar metalezko egituraren zutabeak egin dira, hasiera eman zaie lehen solairuko habeei, eta igerileku azpiko saretak ipintzen hasi dira. Horrez gain, aurrera ari dira baita harmailentzako hormigoiz armatuzko zutabeak, bai eta behin-behineko arranparen inguruko estradosa betetzeko lanak ere. Azkenik, aurrera darraie baita barne-saneamenduko sareko lanak.

2014ko otsaila

Metalezko egitura osatzen jarraitu da, bai eta lehen solairuko habeak eta estalkiak jartzen ere. Orobat, beheko solairuaren forjatuak eta kanpoaldekoak aurrera doaz. Zimenduak jartzeko eta lurra zein hondakinak kentzeko lanak ere egiten ari dira.

2014ko urria

Urrian, metal eta zurezko arotzeria landu da, eskailera nagusietan eta estaldura bertikaletan (igeltsua, alikatatuak, etab.). Lan hauetan ere aurreratu zen: sabai izunak, dutxen eremua, igerilekuko putzuak, eta instalazioak (iturgintza, saneamendua, klimatizazioa, elektrizitatea, igogailuak, igerilekua...)

2014ko azaroa

Azaroan pladurra eta beirak jartzeko lanak eta arotzeria lanak egin ziren. Eskailera nagusietan eta estaldura bertikaletan ere aurrera egin zuten lanek; orobat, sabai aizunei, margotze lanei eta instalazioei dagozkienetan. Igerilekuko putzuetan, urbanizazioan eta kirol ekipamenduan ere lanean jarraitu zen.

2014ko abendua

2014ko abenduan azaroan jorratutako lanetan jarraitu zen: pladurra eta beirak jartzea eta arotzeria; eskailera nagusietako eta estaldura bertikaletako lanak; sabai aizunak, margotzea eta instalazioak (iturgintza, saneamendua, klimatizazioa, elektrizitatea, igogailuak,...); igerilekuko putzuak, urbanizazioa eta kirol ekipamendua.

2015eko urtarrila

Urtarrilean lan hauek egiten jarraitu zen: pladurrezko estaldurak, arotzeria, beirak, eskailera nagusiak. Orobat alor hauetan: sabai aizunak jartzea, igerilekuko putzuak iragazgaiztea, margotzea, instalazioak (iturgintza, saneamendua, klimatizazioa, elektrizitatea, igogailuak eta igerilekuko instalazioak), urbanizazioa eta kirol ekipamendua.

2015eko maiatza

Kokapena

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.