Enpresak - Industria jarduera

Industria jarduera

Gasteizko historia eta oraina industriarilotua dago, eta gure etorkizunean ere industriak lekua izaten jarraitu behar duelakoan gaude, aberastasuna eta enplegua sortzen dituen heinean.

Gure industrialdeek sostengua behar dute baldintza lehiakorrak eskaini eta enpresa berriak erakartzeko ahalmen handiagoa izango badute. Hiria eta bertako gune ekonomikoa etorkizunerako erakargarri bihurtzen duten ezaugarriez hornitu behar ditugu, lurzorua edukitze hutsetik haratago enpresa inguruneari kalitatea ematen dioten azpiegiturak eta zerbitzuak eskainiz. Kalitateko industrialdeak izatea da helburua, enpresek, pertsonek, hiriak berak eta lurraldeak dituzten beharrizanei erantzungo dietenak.

Industria lorzorua

Gasteizek industria izaera nabarmena du, eta horren froga da udalerriko 1.500 hektarea inguruk industria jarduerarako erabilera izatea, zortzi industrialdetan banatuta: Jundizko enpresa parkea, Ehari-Gobeu, Arriaga, Armentia, Gamarra-Betoñu, Betoñu-Larragana, Uritiasolo-Ansoleta-Jauregilanda, eta Arabako parke teknologikoa

Más información sobre suelo industrial

Plana

Industriari Laguntzeko 2017-2020 Plana -Enpleguaren eta Garapen Ekonomiko Iraunkorraren Saila buru dela- dugu Udalaren tresna bertako industriari sostengu emateko. Hiri industrial gisa Gasteizen lehiakortasuna indartzeko xedea du planak, enpresentzako azpiegiturak garatu eta sustatuz.

Industriari Laguntzeko 2017-2020 Plana pdf.

SmartEkin: industria enpresentzako izapideak

Enpresei aholkua emateko zerbitzua, Araban industria instalazioak eraikitzeko edo abian jartzeko behar diren izapideak errazteko.

Informazio gehiago: www.smartekin.eus(Beste leiho batean irekiko da)

Industriaren mahaia

Industriaren Mahaia enpresa-elkarteen, industrialde ezberdinetan kokatutako enpresen eta Gasteizko Udalaren arteko harremanetarako foroa da.

Gasteizko udalerriko industrialde guztien eskaerak eta kezkak jasotzeko xedea du, eta haiekin lotuta orain eta etorkizunean egiten diren jarduerak adostekoa

Gai-zerrenda eta aktak
  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: