Zurrumurruak, ez zaitzala eraman! Zurrumurruen aurkako udal estrategia

Zer da?

Eraldaketa sozialaren aldeko sentsibilizazio eta komunikazio proiektu bat da. Bere helburuak ondorengoak dira:

1. Herritarrak, banaka nahiz erakundeetako ordezkari gisa inplikatu eta trebatzea, zurrumurruen aurkako formakuntzaren bitartez.
2. Pentsamolde kritikoa sustatzea eta estereotipo, aurreiritzi eta zurrumurru faltsuen ondorio negatiboei buruz sentsibilizatzea, horretarako, aniztasunaren inguruko kontakizun negatiboak zalantzan jarriko dira eta ekintza berritzaileak eta parte-hartzaileak sustatuko dira.
3. Agenda politikoan eta sozialean eragitea, aurreiritziak murriztea eta diskriminazioari aurre hartzea hiriaren helburu kolektibo oso garrantzitsua dela onartzeko.

Eta nik, nola parte hartu dezaket?

Zurrumurruekin amaitzea pertsona ororentzat onuragarria den konpromiso kolektiboa da. Estrategiarekin modu ezberdinetan lagundu edota parte hartu dezakezu:

1. Agente Sarean parte hartzeko Oinarrizko Prestakuntza jasotzea
2. Zurrumurruen aurkako estrategiari buruzko informazioa jasotzea, sareetan edo idatzi antirumores@vitoria-gasteiz.org
3. ZAS! Zurrumurruen aurkako sareari buruzko informazioa jasotzea.

Sare Sozialak

Facebook | Instagram | Youtube Telegram

Nortzuk dira Zurrumurruen kontrako agenteak?

Beren hiriarekin eta auzoarekin konprometitutako pertsonak dira, aniztasuna errespetatzen eta baloratzen dutenak, elkarbizitza inklusiboa aukera ugariko zerumuga dela uste dutenak eta hiri anitz baten alde egiten dutenak.

Agenteek oinarrizko formakuntza jasotzen dute eta bakoitza bere inguru hurbiletan (lanekoan, senidean, lagun artean,...) eragiten eta estereotipo negatiboak eta zurrumurru faltsuak indargabetzen saiatzen da.

Nola sortzen da proiektua?

2010ean hasi zen Bartzelonan eta Europako eta Euskal Herriko beste hiri batzuk gehitu zaizkio. Zurrumurruen aurkako estrategia Gasteizen, udalak sustatzen du hainbat pertsona, elkarte eta erakundez osatutako sare batekin elkarlanean. Horiek guztiek, kultur-artekotasunaren alde, giza-kohesioaren alde eta bazterkeriaren aurka lan egiten dute. Estrategia Gasteizko Bizikidetza eta Bizikidetza Planean kokatzen da. Eta Zurrumurruen Aurkako Sarearen ZAS! kide gara, ezagutzak eta esperientziak konpartitzeko helburuarekin.

Gehiago jakiteko

• Zurrumurruen estrategia eta ZAS! Sarearen aurkezpena modu errezean:

• Zurrumurruen Aurkako V. urteko topaketa:

• ¿Cómo trabajamos en red? jardunaldiak Zurrumurruen aurkako estrategia eta agenteen zeregina zein den azaltzen du:

• Zurrumurruen Aurkako Sarearen 2. topaketa:

• Estrategiaren aurkezpena ZAS!-en eskutik
• Zurrumurruen kontrako informazio-liburuxka (2019)

Zurrumurruen aurkako mapa

Zurrumurruen Aurkako Mapa Interaktiboak ikusarazi nahi du zeintzuk diren eta non dauden Gasteizko Zurrumurruen Kontrako Estrategiarekin lotura estua duten erakunde, mugimendu eta kolektiboak.

Ikusi mapa:

Zurrumurruen aurkako beste esperientzia batzuk

• Estrategia antirrumor – ZEHAR
• Red BCN Antirumores
• Stop Rumores (Andalucía acoge)
• Bilboko Udala
• Basauriko Udala
• Europako Kontseiluaren C4IU Antirumours

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.