Zeledon abestiaren bertsio berria
Gasteizko Udal Folklore Akademiak eta Gasteiz Big Bandek Zeledon abestiaren moldaketa berria egin dute. Abuztuaren 4an Zeledonen jaitsieran entzungai izan ohi den Gasteizko jaien "ereserki" honen bertsio berri hori eskuragarri dago, herritar guztien gozamenerako. Halaber, entzun eta jaitsi daitezke webgune honetako esteketan (mp3 eta wav formatuetan).
Zeledonen abestia
Zeledón't stop
Zeledonek, etxe berria egin du!
Abestiaren letrak berak zentzu osoa ematen dio konponketa berri honen aurkezpenari, egia esan, aurkezpena bikoitza delarik alajaina. Bata jatorrizko abestiari fidelagoa eta bestean erabateko aire aldaketa egin arren, berezko izaera errez antzematen jarraitzen delarik.
Prudentzio Deunaren erretretarekin egin zuten bezala, Gasteiz Big Band pregoilari izan zen urtean, orain Zeledoni kinka berdin horretatik pasatzea tokatzen zaio, oraingo honetan Gasteizko Udal Folklore Akademiak proposatua eta baita beraien laguntzarekin kontatuz ere.
Etxe berria, sintonia moduan, izaera alai eta jai girokoa mantenduz, baina duela 100 urteko melodietan ohikoa zen martzial-ukitu gabe (kasu honetan 99 urte, Mariano San Miguelek 1918an konposatu zuen eta).
Leiho eta balkoiarekin, influentzi berriei irekia, eta ikuspegi ezin hobearekin, geuk ikusteko eta geu ere ikusiak izan gaitezen, begirada berriztua eta berriztatzailearekin. Elkarretaratze eta gozamenerako gunea.
Bertsioen deskarga
- Zeledonen abestia (mp3) (5,9 Mb)
- Zeledon't stop abestia (6,6 Mb)I
- Bi bertsioak wav formatuan, zip artxibo batean (54 Mb).
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.