Aurrez aurreko enplegurako prestakuntza - Enplegua eta prestakuntza

Aurrez aurreko programak kontsultatzea

Zer dira aurrez aurreko prestakuntza programak?

Lanean ari diren pertsonak edo langabetuak; laneratzeko aukerak hobetu, lan profila aldatu edo beren enplegu zein jarduerarekin lotutako gaien gaineko ezagutza areagotu nahi dutenentzako programak.

Udalaren prestakuntza programek hainbat jarduera eremu hartzen dute barne: enplegu berdea eta iraunkortasuna, informazio eta komunikazioaren teknologiak, logistika eta garraioa, pertsonentzako eta gizartearentzako zerbitzuak, birgaikuntza era eraikuntza iraunkorra, industria eta automozioa,...

Aurrez aurreko formakuntza honako zentro hauetan ematen da:

  1. Ignacio Ellacuria Ikastegia, non bereziki eraikuntza iraunkorraren eta industria tradizionalaren alorretako prestakuntza eskaintzen baita.
  2. CETIC- Informazio- eta komunikazio-teknologien ikastegian, zeinak berrikuntza eta iraultza digitala bihurtu baititu prestakuntza prozesuen ardatz nagusi.
  3. Udalarekiko lankidetzan ari diren beste prestakuntza zentro batzuetan, berariazko instalazioak behar direnean, edo beste ikasgai batzuetan espezializatutako irakasleak.

Metodologia

Prestakuntza-planari jarduera transbertsalak gehitzea proposatzen da, ikastaroei modulu-paketeak

erantsiz:

  • Oinarrizko gaitasunak. Instrumentalak eta komunikazioaren alorrekoak.
  • Oinarrizko informatika-gaitasun eta -trebetasunak. Alfabetatze digitala.
  • Enplegua bilatzeko teknikak.
  • Hizkuntzen alorreko prestakuntza.
  • Iraunkortasunaren alorreko prestakuntza.
  • Berdintasunaren alorreko prestakuntza.
  • Talde lana, gatazken konponbidea...

Enpresetako praktikak

Iraupen luzeko aurrez aurreko ikastaroetan enpresetako praktikak ere egin daitezke; prestakuntzaren helburu den sektoreko lan errealitatearekin benetako kontaktua izatea ahalbidetuko du horrek, eta esperientzia praktikoa lortzea, tutore batekin.

Profesionaltasun-ziurtagiriak

Ahal denean, Lanbide-Euskal Enplegu Zerbitzuak ematen dituen profesionaltasun-ziurtagirien bitartez egiaztatu daitezkeen ikastaroak sartuko dira prestakuntza eskaintzan.

Programak kontsultatzea eta izena ematea

Online kontsultatzea eta izena ematea

Izen-ematearen egoera kontsultatzea

Izen-ematearen egoera online kontsultatzea

Iragarki tauletan edo telefonoz deituz: CETICen edo Ignacio Ellacuria Ikastegian.

Matrikula

Ikastaroan parte hartzeko izena eman eta onartua izan ondoren, ezarritako epe eta baldintzetan egin behar da matrikula. Deskontua egiteko eskubidea dutenek, edo matrikula ordaintzetik salbuetsitakoek, ikastaroa hasi baino lehen egiaztatu beharko dute.

Matrikula online ordaintzea

Orientazioa

Argi ez badakizu zein ikastaro egokitzen zaien ondoen zure profil eta lanbide interesei, gure prestakuntza eskaintzari buruzko orientabideak eska ditzakezu:

  • CETICen, informazio eta komunikazio teknologiekin lotutako prestakuntzarako.
  • Ignacio Ellacuria Ikastegian eraikuntza, instalazio, eta akaberen alorretako eta horiekin lotutako beste alor batzuetako (metala, makineria, zura...) prestakuntzarako.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.