Mende bat betetzen du Principal antzokiak

Granieri Marchetti konpainia. Antzokiaren inaugurazioa

https://www.youtube.com/watch?v=TIgSdeegEgI(Beste leiho batean irekiko da)

Principal antzokia 1918ko abenduaren 18an inauguratu zen, orduan "Teatro Nuevo" izena zuelarik. Garnieri-Marchetti opera eta opereta konpainiak “La corte de Napoleón” lana eskaini zuen.

Zirraragarria da irudikatzea antzokiko eserlekuetan eseri diren hainbat gasteiztar belaunaldiren sentsazioak, oroitzapenak eta bizipenak, mende gorabeheratsu baten gizarte eta kultura bizitzaren isla izandako ehunka antzezlan, film edo ekitaldi sozialez gozatu baitute.

Principal antzokiaren mendeurrena ospatzea oso gertakari garrantzitsua da, antzokiarentzat ez ezik, baita hiriarentzat ere. Aukera paregabea da antzokiaren beraren balioa nabarmenarazteko, herritarrak haren iraganaz eta orainaz harro izan daitezen.

Antzokia eta arte eszenikoak hiriaren eta gizartearen eboluzioarekin bat joan dira ehun urte hauetan. Arte eszenikoen eta horiek babestu dituen antzokiaren ikuspegitik gure iraganaz hausnartzeak hirian arte horiek biziberritzen eta sustatzen balio dezake eta, hartara, herritarren bizi-kalitatea hobetzen lagundu.

Principal Antzokia - Historia

Finantziazioa

Ehunka gasteiztarren ekarpenei esker ireki ahal izan zen antzokia, 100 pezetako akzioen bitartez eraikiarazi baitzuten.

Principal antzokia Cesáreo Iradierrek diseinatu zuen, Madrileko Teatro de la Zarzuela eredutzat hartuta, Espainiako beste antzoki italiar batzuetan bezala. Inauguratu zutenean, 1918an, "Nuevo Teatro de Vitoria" izena jarri zioten, eta "Garnieri-Marchetti" konpainiak "La Corte de Napoleón" lana eskaini zuen.

Orain duen izena 1951eko abenduan hartu zuen, jatorrizko proiektuan aurreko antzokia gogoratzearren aurreikusita zegoenari jarraituz; izan ere, garai batean ospitalea zegoen orubean eraiki zen eta 1822tik 1914ra arte bertan egon zen antzokiak izen bera zuen.

https://www.flickr.com/photos/38143943@N08/sets/72157649244764485(Beste leiho batean irekiko da)

Birmoldaketa

Zenbait hamarkadatan zine-areto gisa erabili ondoren, erakunde publikoek erosi zuten hiriak eskura zuen antzoki bakarra ikusleentzako baldintza duinetan berreskura zezan.

1992an, Vitoria-Gasteizko Udalak, Eusko Jaurlaritzak eta Arabako Foru Aldundiak sustatutako zaharberritze osoaren ondoren, antzokiak hiriko bizitza kulturala mamitzeko gune bihurtu zen, oso harrera ona eta ospe handia lortu duten gertakariak hartzen baititu, Nazioarteko Antzerki Jaialdi eta Euskadiko Orkestra Sinfonikoaren kontzertuak, besteak beste.


Harrezkeroztik Principal Antzokian, arte eszenikoekin erlazionatutako mota guztietako 160 ikuskizun inguru gertatzen dira urtero.

Datu-iturriak bere finantzaketari eta inaugurazioari buruzko datu-iturriak: “Los teatros y cines de Vitoria, arquitectura para el espectáculo”

Egilea / Autor: Juan Carlos Centeno Alba

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Jasotako iruzkinak

Página web: Historia del Teatro Principal

  • ¿En qué condiciones, y quiénes, pueden contratar el Principal?

    Alberto Suárez Alba Normal 2016/07/20 15:59:42 Erantzuna eman zaio

  • Le adjuntamos enlace con la información solicitada:

    Normativa

    Udalaren logotipoa Udala 2016/07/21 11:57:48