Gasteizko BEIk Mugikortasun Jasangarriaren EMS saria jaso du

2022ko maiatzaren 5ean argitaratua

100 hautagaitzek aurkeztu zituzten mugikortasun, eraldaketa eta berrikuntza proiektuak deialdian.

Gorka Urtaran alkatearen adierazpenak

 

Gasteizko Bus Elektriko Adimendunak Mugikortasun Jasangarriaren EMS saria jaso du Mugikortasun Jasangarriaren aldeko Enpresak plataformak antolatutako ‘Aldaketak bultzatzen’ sarietan. Lehiaketa gaur goizean izan da Madrilen, eta Arabako hiriburuak ‘udalerri handia’ kategoriako saria jaso du. Gorka Urtaran alkateak eta María José Ajuriaguerra TUVISAko gerenteak jaso dute saria Gasteizen izenean.

100 hautagaitzek aurkeztu zituzten mugikortasun-, eraldaketa- eta berrikuntza-proiektuak deialdian. Sari horren bidez, EMSk mugikortasun-jardunbide egokiak eta -ekimenak bereizi nahi ditu, bai sektore publikoan, bai pribatuan, kasu arrakastatsuak ikusarazteko, aldaketaren buru diren erakundeak balioesteko eta irtenbiderik onenak dinamizatzeko, epe labur, ertain eta luzera inpaktu positiboak dituzten emaitzak sortzen laguntzeko, eta hala, helburuak modu eraginkorragoan lortzen laguntzeko. Gasteizez aparte Paris ere saritu dute, Anne Hidalgo alkatearen ‘15 minutuko hiriaren’ proiektua sustatzeagatik.

«Bus Elektriko Adimendunak, hirian aspaldidanik lantzen ari garen beste mugikortasun-proiektu batzuekin batera, erreferente eta abangoardiako hiri gisa kokatzen gaitu berriz ere arlo horretan. Sari horrek eta beste batzuek, hala nola mugikortasunaren arloan lortutako Europako funtsek edo ‘Climate-Neutral and Smart Cities’ misioaren bidez Europako lehen hiri adimentsu eta klimatikoki neutroetako bat izateko hautaketak, Gasteizko eredua bermatzen dute eta bide onetik goazela berresten digute. Europako abangoardian egoteko pausoak ematen jarraitzen dugu, hau da, Europako superhiria izateko», azaldu du Gorka Urtaran alkateak saria jaso ondoren.

Gasteizko alkateak BEIren ezaugarri nagusiak azaldu ditu. «Urtean 1.500 tona CO2 isurtzea saihesten duen linea elektriko bat da». Maiztasuna hobetzen du, 8 minuturo pasatzeko aukera eskainita (lehen 10 minutu ziren) eta bidaiatzeko denbora % 25 murrizten du, aurreko 50 minutuetatik egungo 35 minutuetara pasatuz ibilbide osorako. Ibilbideak hiriko 14 auzo zeharkatzen ditu, 120.000 erabiltzaile potentzialekin (250.000 pertsonako hiri batean). Ibilbidean hiriko puntu nagusiak daude, hala nola Ospitalea, autobus-geltokia, Mendizorrotzako futbol-zelaia eta kirol-guneak, edo Boulevardeko merkataritza-gunea. Gainera, ibilbidearen zati handi batean errei bereizia du; gainera, teknologia aurreratua du, geltokira automatikoki gidatzea, semaforoak lehenestea eta iristeko denborari edo bestelako gorabeherei buruzko informazioa eskaintzen duena. Ezaugarri horien ondorioz, bidaia azkarragoa izateaz gain, erosoagoa eta seguruagoa ere bada.

Mugikortasun Jasangarriaren aldeko Enpresak Garraio, Mugikortasun eta Hiri Agenda Ministerioaren, CONAMA Fundazioaren eta Ingeniaritzako Errege Akademiaren babesa duen enpresa-partzuergoa da.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.