Wellingtonen Garaipena

Batalla de Vitoria

Gasteizko Bataila, 1813ko ekainak 21

1813ko ekainaren 21ean Independentziako Gerrako batailarik erabakigarrienetako bat gudatu zen. Wellington dukea eta Alava jenerala buru zituzten tropa aliatuek Jose Bonapartek berak eta Jourdan mariskalak gidatutako tropa frantsesak garaitu zituzten, eta ondorioz, behin betiko kanporatu zituzten Iberiar penintsulatik. Hain garrantzitsua izan zen bataila, ezen uneko Europa asaldatuan, Beethovenek berak "Wellingtonen Garaipena" (opus 91) izeneko sinfonia konposatu baitzuen hura ospatzeko.

Batalla Llanada

Jose erregearen ekipajea

Perez Galdosen "Episodios Nacionales" delakoetako baten izenburua da honako hau, eta frantsesei Gasteizko Batailan harrapatutako ondasun-kopuru erraldoiari buruzkoa da. Jose I.a buru zuela, Madrildik iheska zetorren gorte osoa, beraiekin bitxi, urre, eta artelan ugari zeramatzatela. Milaka gurdi gelditu ziren lokatzetan Iruñerantz ihesi zihoazela eta garaileek lapurtu zituzten. Artelan ugari berreskuratu zituen Wellingtonek,

baina Fernando VII.ak asko oparitu zizkion gerran, lortutakoa eskertuz. Gaur egun Londresko Apsley House izeneko bere etxean daude ikusgai.

Ondorioak

Bataila honek frantsesen Penintsulako okupazioarekin amaiarazi eta Fernando VII.a tronura itzularazteaz gain, aliatuen Napoleonen armada ahalguztidunaren gaineko garaipenak Europaren historiaren norabidea aldatu zuen. Austriak, Prusiak, Errusiak eta Suediak negoziazioak hautsi zituzten Napoleonekin eta berriz ere borrokatu ziren berarekin Leipzigen garaitu zuten arte.

bicentenario de la batalla de Vitoria

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren postontziaren bidez.