Pertsona gorrei edo entzumen-desgaitasuna dutenei zuzendutako bideo-interpretazio zerbitzua
Gorra bazara edo entzumen-desgaitasuna baldin baduzu, Udalaren bideointerpretazio zerbitzua erabili dezakezu, zerbitzu hauekin komunikatzeko:
- 010 arreta-zerbitzua.
- Udaltzaingoa.
- San Martineko, San Antonioko eta Salburua gizarte-etxeko Herritarrei Laguntzeko Bulegoak.
- Salburuko Oinarrizko Gizarte Zerbitzua.
Zertan datza
Bideodei zerbitzu bat da: interpreteei deitzen diezu, eta haiek zu eta udal zerbitzuen arteko itzulpen-lanak egiten dituzte. Espainiako zeinu-hizkuntzako interpreteak dira.
Nola komunikatu
Zuk aukeratutako moduan hitz egin ahal diozu bideo-interpreteari: zeinu-hizkuntzan, testu-mezuen bidez edo zure ahotsa erabiliz.
Halaber, aukeratu dezakezu zein modutan nahi duzun zuzentzea interpretea zuri: zeinu-hizkuntzan, testu bidez edo ezpain-irakurketaren bitartez.
Nola erabili zerbitzua
Telefonoz
Zure sakelekotik, tabletetik edo ordenagailutik bideointerpreteei deitu ahal diezu, zerbitzu hauekin harremanetan jartzeko:
010 arreta-zerbitzua (kusi 010 zerbitzuaren ordutegia).
010 arreta-zerbitzura bideodeia egin
Polizia (24 orduz).
Aurrez aurre
Ondorengo arreta-gune batera baldin bazoaz, udal langileekin komunikatu ahalko zara, bertan dagoen tablet baten bidez bideointerpreteekin harremanetan jarriz.
- San Martineko bulegoa.
- San Antonioko bulegoa.
- Salburuko bulegoa.
- Salburuko oinarrizko gizarte-zerbitzua.
Doan
Zerbitzua doakoa da erabiltzailearentzat.
Svisual
Zalantzak eta gorabeherak
Galderaren bat baldin baduzu, edo arazoren bat suertatzen bazaizu, idatzi helbide honetara: bizikidetza.convivencia@vitoria-gasteiz.org
Konfidentzialtasuna
Zerbitzuak konfidentzialtasuna eta deien pribatutasun osoa bermatzen ditu. Bideo-interpretaziorako postuak erabiltzaileen intimitatea eta haien elkarrizketen edukia gordetzeko diseinatuta daude.
SVIsuali ematen zaizkion datuak babestuta egongo dira datu pertsonalen babesaren arloan indarrean dagoen legedian, apirilaren 27ko 2016/679 (EB) DBEOn eta abenduaren 5eko 3/2018 DBLOn xedatutakoaren arabera, eta datu horiek erabiltzean gertatzen diren elkarrizketak ez dira grabatuko. SVIsualek konpromisoa hartzen du erabiltzaileen pribatutasuna zaintzeko. Konfidentzialtasun-politikari buruzko informazio gehiago.
Tratu-berdintasunaren printzipioa
Bideo-interpretazioko zerbitzu horrek Komunika Itzulpen eta Interpretazio Zerbitzua zabaltzea dakar, eta Administrazioak herritarrekin duen harremanean zeinu-hizkuntza txertatzeko beharra aitortzen du.
Zerbitzuaren helburua da pertsona gorren eskubideak errespetatzea eta haien bizi-kalitatea hobetzea, funtsezko arreta-zerbitzuak eskuratzeko autonomia erraztuz.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.