Harreman programa

Gurasoen aurkako indarkeria egoeretan garaiz esku hartzeko

Harreman programaren bitartez harremanak hobetzen eta arazoa bideratzen laguntzen zaie familiei. Taldeko saioak egiten dira nerabeekin eta gurasoekin, bai eta familia bakoitzarekin ere.

Programak hiru helburu nagusi ditu:

  • Nerabeei begira: etxeko portaera arazoak gutxitu edo desagerraraztea, etorkizunean gurasoekiko indarkeria fisiko edo psiko-emozional larria eragozteko; horretarako, trebetasun eta baliabide psikologikoak sustatuko dira, nerabeak eguneroko egoeretara hobeto egokitu daitezen.
  • Gurasoei begira: seme-alaba nerabeekin autoritatea berreskuratzen eta haien portaera agresiboak gobernatzen lagunduko dieten trebetasunak eskuratzea.
  • Familiari begira: harreman positiboak sustatzea, eta errespetuan eta maitasunean oinarritutako familia-giroa sortzea, familia barruko kohesioa handiagoa izan dadin.

Norentzat da?

12 eta 17 urteko seme-alabak izanik egoera hori pairatzen ari diren familientzat. Esku-hartzeak 6 hilabete inguru irauten du.

Ekin! Zuen harremanak hobera egin dezake

Harreman Programak gune bat eskaintzen du hazteko erabiltzen diren baliabideak berrikusteko, baieta seme-alabengandik gurasoenganakoindarkeria egoerak eragin ditzaketen alderdiak antzemateko ere:

Tailerrak ikusi

Argibideak non?

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.