Liburutegi digitala: katalogoa eta eLiburutegia
Udalaren Liburutegi Sareak, Euskadiko Irakurketa Publikoko Sarearekin batera, hainbat zerbitzu digital eskaintzen ditu Interneten bidez urte osoan zehar eta 24 orduz. Katalogoa | eLiburutegia | Liburubila
Liburutegi Sareko katalogoa
Liburutegi Sareko katalogoak eskura jartzen dizu bere funts fisikoari buruzko informazioa (paperezko liburuak, musika eta filmak).Hainbat kudeaketa egin ditzakezu: dokumentuak bilatu, eskuragarritasuna kontsultatu, maileguan eskatu, itzultzeko epea berritu, dokumentuak erreserbatu, dokumentuak erosteko proposatu...
Katalogoa erabiltzeko Liburutegi Sareko bazkide izatea beharrezkoa da, eta pasahitza liburutegian eskatzea.
eLiburutegia: liburu digitalak eta filmak mailegatzeko zerbitzua
Euskadiko Liburutegi Digitala, dokumentu digitalak mailegatzeko doako zerbitzua da. Plataformak milaka liburu eskaintzen ditu; bilduma osatua dago bai Euskadiko zein Espainiako argitaletxe garrantzitsuenen dokumentuekin. Zure gailuan (e-reader, tableta, sakelako telefonoa edo ordenagailua) irakurtzeko kalitatezko eskaintza izango duzu. Liburuak Interneten irakurtzeko, zure gailuan deskargatzeko edo erreserba eskatzeko aukera duzu.
Liburuez gain, filmak, dokumentalak eta audioliburuak ere izango dituzu eskura. Horiek guztiak, mailegua irauten duen bitartean, nahi adina aldiz ikusi ahalko dituzu inolako eragozpenik gabe.
Eskatu zure pasahitza udal liburutegi batean eta edozein zalantza argitzea behar baduzu, kontsultatu liburuzainei.
Liburubila: katalogoan bilatzeko beste modu bat
Bilatzaile honek liburuak, diskoak eta dokumentu digitalak kontsultatu eta bilatzeko aukera eskaintzen du, aldi berean hainbat datu basetan: Euskadiko Irakurketa Publikoko Sarearen katalogo orokorrean, liburu digitalak eta filmak eLiburutegian, eta beste artxibo eta liburutegi batzuetako bildumak LiburuKliken.
Bilatzaile erabilerraza da, ikuserrazagoa eta Interneteko ohiko bilatzaileak gogorarazten duena.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.