Ostalaritzako eta ikuskizunetarako lokalen ordutegiak
Azken eguneratzea: 2024-06-04
Bi ordu gehiago jaiegun berezietan
Jendaurreko Ikuskizunen eta Jolas Jardueren abenduaren 23ko 10/2015 Legearen 18. artikuluak udalei esleitzen die jaietako eta bestelako ekitaldietako establezimenduen ordutegi orokorra luzatzeko ahalmena, erregelamenduz aurreikusten diren kasu eta moduetan.
Bestetik, abenduaren 16ko 296/1997 Dekretuaren 12. artikuluak ahalmena ematen die udal agintariei egun berezi batzuetan (zaindariaren jaiak, Aste Santua, Inauteriak, Gabonak eta beste jai edo interes turistikoa duten beste gertakari batzuk) aurreikusitako ordutegia gehienez bi orduz luzatu ahal izateko, betiere udal organoek erabakitakoaren arabera.
Gauzak horrela, Gasteizko Udalak onetsi egin du ordutegia bi orduz luzatu ahal izateko dekretua, 2024ko eta 2025eko hasierako egun hauetan:
- Inauterietan: otsailaren 9an eta otsailaren 10ean.
- Aste Santuan: martxoaren 28tik apirilaren 1era (biak barne).
- Zaindariaren jaietan: apirilaren 27an, uztailaren 24an, eta abuztuaren 4tik 9ra (biak barne)
- Eguberrietan: abenduaren 15etik 2025eko urtarrilaren 6ra (biak barne)
Ekainaren 4an, bi orduko luzapena onartzen duen dekretua argitaratu zen, data hauetan:
- KaldeArte: ekainaren 7an eta 8an (7tik 8ra eta 8tik 9ra arteko gauetan)
- Azkena Rock Jaialdia: ekainaren 21ean eta 22an (21etik 22ra eta 22tik 23ra arteko gauetan)
- Jazzaldia: uztailaren 19an eta 20an (19tik 20ra eta 20tik 21era arteko gauetan).
- Festval: irailaren 6an eta 7an (6tik 7ra eta 7tik 8ra arteko gauetan)
- Erdi Aroko Azoka: irailaren 27an eta 28an (27tik 28ra eta 28tik 29ra arteko gauetan).
- Halloween: urriaren 31n ( urriaren 31tik azaroaren 1era)
- Ardoaraba azoka: abenduaren 6an eta 7an (6tik 7ra eta 7tik 8ra arteko gauetan).
Ordutegiaren luzapen hau ezin zaie joko-establezimenduei aplikatu
Auzoetako jaiak
2024an ikuskizun publikoak eta jolas-jarduerak ixteko ordutegia zabaldu egin da auzoko jaiak direla eta. Kontsultatu dekretua.
Ostalaritzako establezimenduak irekitzeko eta ixteko ordutegiak, establezimendu- edo jarduera-lizentziaren arabera
Jendaurreko Ikuskizunei eta Jolas Jarduerei buruzko abenduaren 23ko 10/2015 Legeak ahalmena ematen dio Eusko Jaurlaritzari establezimendu publikoen ordutegi orokorra zehazteko, oreka zainduz dibertsiorako eta aisialdirako jarduera legitimoen eta enpresariek bere jarduera egiteko duten eskubidearen eta herritarren atsedenerako eta lasaitasunerako eskubidearen artean. Bestalde, abenduaren 16ko 296/1997 Dekretuak (210/1998 eta 36/2012 Dekretuek aldatuta) ostalaritzako establezimenduen ireki eta ixteko ordutegiak ezartzen ditu. Ordutegi horiek, beroriei dagokien taldearen araberakoak izango dira, establezimendu edo jarduera-lizentziak ikusita. Horretaz gain, ordutegiak alda daitezke urtaroaren arabera (negua ala uda, ekainaren 1etik irailaren 30era) bai eta egunak nolakoak direnaren arabera ere (hau da, astegunak edo ostiral eta jaiegun bezperak).
Ezarritako taldeak honako hauek dira:
- 1. taldea: adingabeentzat berariaz baimendutako lokal eta instalazioak, baita sukaldaritza-jarduerarik eragiten ez duten edari alkoholgabeak edo janariak saltzeko baimena dutenak ere.
- 2. taldea: edari alkoholdunak saltzeko edo sukaldaritza-jarduerak egiteko baimena duten lokalak edo instalazioak.
- 3. taldea: jarduera berezi gisa, musika jartzeko baimena duten dantza-pistarik gabeko lokalak eta instalazioak.
- 4. taldea: musika jartzeko edo ikuskizunak egiteko baimena duten lokal edo instalazio dantza-pistadunak.
| 1 Taldea | 2 Taldeaº | 3 Taldea | 4 Taldea | |
|---|---|---|---|---|
| Negua | ||||
| Astegunak | 06:00 - 23:00 | 06:00 - 01:00 | * - 02:30 | * - 04:30 |
| Ostiral eta jaiegun bezperak | 06:00 - 00:30 | 06:00 - 02:30 | * - 04:00 | * - 06:00 |
| Uda | ||||
| Astegunak | 06:00 - 23:30 | 06:00 - 01:30 | * - 03:00 | * - 05:00 |
| Ostiral eta jaiegun bezperak | 06:00 - 01:00 | 06:00 - 03:00 | * - 04:30 | * - 06:30 |
* Gutxienez sei ordu igaro beharko dira ixteko eta berriro irekitzeko ezarrita dauden orduen artean, lehenago itxiko balitz ere.
Lokal bakoitzaren kanpoaldean identifikatzeko bereizgarri bat jarri beharko da, bereizgarri hori lokalaren taldeari dagokio. Honez gain, establezimenduek informazio-kartel bat jarri behar dute barruan eta leku ikusgarri batean, eta bertan zehaztu behar da lokala ixteko eta irekitzeko ordutegia. Horren helburua lokal horien erabiltzaileei informazioa argitzea eta kontrola eta zaintza erraztea dira
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.