Udaltzaingoko Bide Heziketarako Parkearen XXII. marrazki lehiaketa

Udaltzaingoko Bide Heziketarako Parkeak “Seguru bizi” marrazki lehiaketarako deialdia egiten du berriro, 2023/2024 ikasturterako, lehen hezkuntzako hirugarren zikloko ikasleei zuzenduta.

Gaia

Gai hauek izango dira aukeran: Bide-segurtasuna, oinezkoen zirkulazioa, bizikletaz ibiltzea edo ibilgailuko bidaidea.

Parte-hartzaileak

Gasteizko udalerriko Lehen Hezkuntzako 5. eta 6. mailetako ikasleak.

Lanak

Marrazkia: DIN A3 edo DIN A4 tamainako kartoi mehe batean edo bestelako euskarriren batean egin behar dira lanak. Edozein teknika baliatu ahal da margotzeko: akuarelak, collagea, errotuladoreak, baliabide informatikoak, bideografikoak eta abar.

Leloa: Bide-heziketa eta -segurtasunarekin zerikusia duen esaldi edo goiburu bat erantsi ahal zaio marrazkiari.

Lanek jatorrizkoak eta argitaratu gabeak izan behar dute, eta lehendik beste inongo lehiaketatan saritu gabeak.

Parte hartzeko modua

Gutun-azal baten barruan aurkeztu behar dira lanak, kanpoaldean lehiaketaren izena jarrita. Nahi izanez gero, gutun-azal bakarrean aurkeztu ahal dituzte ikastetxeek beren ikasle guztien lanak.

Marrazkiari erantsitako gutun-azal itxi batean parte-hartzailearen datuak sartu beharko dira: izen-deiturak, ikastetxea, ikasturtea eta telefonoa (ikastetxearena izan daiteke), baita gurasoek edo legezko tutoreek sinaturiko baimena ere.

Hezkuntza premia bereziak dituzten ikasleak badira, nahi izanez gero “E” bat jar daiteke marrazkien goialdeko eskuineko ertzean, lanen berariazko balioespena egin ahal izateko.

Oinarriak eta datu pertsonalen tratamenduari buruzko informazioa: Udaltzaingoko Bide Heziketarako Parkearen marrazki lehiaketaren oinarriak pdf

Aurkezteko lekuak eta epea

Ikastetxeak arduratuko dira lanak jasotzeaz eta hobeto datorkien gizarte etxera eramango dituzte. Udaltzaingoko Bide Heziketaren Atalekoak joango dira gizarte etxe guztietara lanak jasotzera.

Otsailaren 1etik martxoaren 22ra bitartean aurkeztu behar dira lanak (bi egun horiek barne). Bide Heziketaren Atalak martxoaren 25etik aurrera jasoko ditu lanak, gizarteetxez-gizartetxe.

Sariak

Honako hauek izango dira sariak:

  1. Lehen saria: Bizikleta, bizikleta-kita (kaskoa, argiak eta tinbrea), eskularruak eta diploma.
  2. Bigarren saria: Bizikleta, bizikleta-kita (argiak, kaskoa eta tinbrea), eskularruak eta diploma.
  3. Hirugarren saria: Bizikleta, bizikleta-kita (argiak, kaskoa eta tinbrea), eskularruak eta diploma.

Gainera, beste 25 sari izango dira, honakoez osatuta: bizikleta-kita (argiak, tinbrea eta kaskoa), eskularruak eta diploma.

Lehiaketaren irabazleek Gasteizko Udalari emango diote marrazkiaren jabetzaren eskubidea, sariaren truke.

Aldi berean, saritutako lanaren gaineko jabego intelektualari dagozkion eskubideak oro hartuko ditu Gasteizko Udalak, eta libreki erreproduzitu, banatu, jendaurrean zabaldu nahiz itxuraldatu ahal izango du, Jabego Intelektualaren Legearen Testu Bateratuko 26. artikuluan adierazitako epean, orain ezagutzen den edo gerora asmatzen den edozein medio baliatuz.

Epaimahaia

Hauek izango dira epaimahaikideak:

  • Gasteizko Herritarren Segurtasunaren Arloko zinegotzi ordezkaria
  • Herritarren Segurtasunaren Saileko zuzendaria
  • Gasteizko Udaltzaingoaren komisario burua
  • Gasteizko Udaleko Hezkuntza Zerbitzuko arduradun bat
  • Bide Heziketarako Parkeko teknikari bat

edo horiek ordezko izendatzen dituztenak.

Sarien berri ematea eta banatzea

Sari-banaketaren eguna eta tokia aldez aurretik jakinaraziko dira, egungo egoerak ematen dizkigun aukerak kontuan hartuta. Irabazleen izenak udalaren web-orrian argitaratuko dira sari-banaketa baino astebete lehenago.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.