Urban Commerce 2024 - Hiri Merkataritzari buruzko XVIII. Foroa
"Urban Commerce: Hiriko tokiko merkataritzari beste esanahi bat ematen"
Aurkezpena
Urban Commerce ekimena 2006an sortu zen. Urte hartan, Vitoria-Gasteizko Udalak Hiri Merkataritzari buruzko Nazioarteko Biltzar bat antolatzea hartu zuen erronkatzat, helburu baitzuen hiria erreferentzia bihurtzea merkataritza-berpizteko politiketan eta hiri-merkataritzako modernizatze eta berritzeari buruzko esperientzien trukean.
Urban Commerce markaren barruan sartutako jardueren artean, 2006. urteaz geroztik nazioarteko bost kongresu eta hamaika jardunaldi tekniko antolatu dira. Foru horiek guztiak prestigio handiko profesionalen topalekuak izan dira, eta bertan, era askotako gaien inguruan aritu dira, hala nola hirigintza komertziala eta irisgarritasun konponbideak, jasangarritasuna, marketina, kontsumoaren joera berriak, formatu komertzial berriak, immigrazioaren fenomenoa merkataritzan, berrikuntza, aldaketak teknologian, eta nolako eragina duten ekonomia eta gizarte erronka berriek, oro har, xehekako merkataritzaren garapenean.
2024 edizioa
Kolokan dago tokiko merkataritzak dakarren balio-proposamena. Pertsonek, eskaintzaren ommikanalitateak bultzatuta, aldatu egin dute merkataritza-kanalak eta merkataritza-formatuak hautatzeko sistema, eta aldatu egin da, halaber, tokiko merkataritzari buruz duten pertzepzioa. Hurbileko merkataritzaren indarguneei loturiko betiko argudioak, hala nola hurbiltasuna, arreta pertsonala eta bezeroarentzako zerbitzua, merkataritza horrek dituen berezko abantailak dira, baina ez dirudi sendotasun nahikorik dutenik zenbat negozio ixten ari diren ikusita.
Tokiko merkataritzari beste esanahi bat emateak esan nahi du eduki eta balio berriak eman behar zaizkiola, pertsonen oraingo eta etorkizuneko beharretara egokitzeko. Alde batera utzi behar dira hurbileko tokiko merkataritzan zergatik erosi azaltzeko argudio higatu horiek, eta beste batzuk erabili behar dira, errealitate berrietan oinarrituak. Pertsonalizazioa, hiperespezializazioa, esperientziak, dendako teknologia eta berrikuntza, horiexek dira hurbileko merkataritza lehiakorra eraikitzeko oinarriak, erosketa-bidaian txerta dadin, hiriko bizitzan erabat integratuta.
Aurten ere eztabaida interesgarri honetan parte hartzera gonbidatzen zaituztegu, esperientzia inspiratzaileak partekatzeko.
Nori zuzendua
Xehekako banaketa sektorearen profesionalak, administrazio publikoetako teknikariak eta zuzendariak, merkataritza elkarteetako kudeatzaileak eta arduradunak, garapen agentzietako teknikariak, Merkataritza Ganberen barne merkataritzako teknikariak, xehekako merkataritzari lotutako arloetan diharduten irakasleak eta ikertzaileak, merkataritzaren eta ekonomia sustapenaren arloetan eskumenak dituzten ordezkari politikoak, eta merkaritzari eta marketinari lotutako graduetako ikasleak.
Egunak eta lekua
2024ko urriaren 17an. Europa Biltzar Jauregia. Vitoria-Gasteiz. Nola heldu?
Egitaraua
Izen-ematea
- Izen ematea doan.
- Kontaktua (idazkaritza teknikoa):
- Telefonoa: 945232548
- E-mail: urbancommerce@vitoria-gasteiz.city
- Telefonoa: 945232548
Antolatzailea
Vitoria-Gasteizko Udala. Ekonomia Sustapen, Enplegu, Merkataritza eta Turismoaren Saila.
Babeslea eta y Finantzaketa
Eusko Jaurlaritza. Turismo, Merkataritza eta Kontsumo Saila.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.