Plaza mugatuak. Nahitaezko inskripzioa.
Lekurik gabe
Gasteiz hiria dastatzeko esperientzia berri gisa eskaintzen da bisita gidatu hau. Hiriaren Erdi Aroko kaleetan barrena, Euskadiko hiriburuaren sekretuak ezagutuko ditugu, eta bertako pintxo edo mokadu txiki goxoak dastatuko ditugu, bertan eskaintzen dituzten produktu tipiko eta sasoiko produktuengatik oso bereziak eta balio gastronomiko handikoak diren lokaletan.
Hiriak iraultza bizi izan zuen XIX. mendean trena iritsi zenean. Hiriak, hasiera batean, trenarenak ziren guneak modu nagian urbanizatu bazituen ere, laster bete ziren gune horietako kaleak hainbat antzokirekin, kafetegirekin eta enpresa oso enblematikoekin. Haien artean ditugu Naipes Heraclio Fournier lantegia eta kandelak eta txokolatea egiten zituen Quintín Ruiz de Gaunaren fabrika.
Ehun urtetik gora dituzten zenbait establezimenduk irauten dute eremu horretan, hala nola Confitería Goya gozo-denda ospetsuak, Circulo Vitorianok edo Eguía kafeak (enpresak ehun urte baino gehiago ditu eta geroago aldatu zen Gasteizera).
Bizimodu jori horrekin, ez gara harrituko jatorri indianoko zein industria-jatorriko familia dirudunenek beren bizilekua auzo dotore horretan finkatu nahi izanaz, Zulueta familiaren eta Ajuria familiaren kasuan bezala, hurrenez hurren.
Ibilbideak hainbat datu bitxi ere biltzen ditu zenbait pintoreri (hala nola Diaz de Olano eta Amárica) edo izen handiko mezena batzuei buruz (Felicia Olave, adibidez).
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
