Hartu hiriko bidegorrietako bat Eraztun Berdera iristeko eta bertako txoko eta ibilbide berde guztiak arakatu. Beste aukera bat Eraztun Berdea osatzen duten Parkeak ezagutzea da (Zadorra, Zabalgana, Armentia eta Salburua), zure seme-alabekin paseatuz. Bide batez, ezagutzen al duzue Olarizuko Lorategi Botanikoa? Ibilbide batzuk daude planteatuta haiek ezagutzeko, paseatzen edo bizikletan.
Goiz edo arratsalde bateko barre-algara ziurtatua izango duzu seme-alabekin batera BAKHeko Izotz Pistan. Eta jakin ezazue bidegorria dagoela hara iristeko. Bi plan batean!
Hondartzan palatan jokatzen duzun horietakoa bazara, zergatik ez duzu egiten hirian ere? Erabilera libreko edozein parke, frontoi edo kanpoko pistatan padel, tenis, squash, frontenis, pilota edo badmintonean jokatzeko aukera izateaz gain, Gasteizko Udalak gaitu dituen bizikidetza-erreserbak erabil ditzakezu, edo zure erreferentziazko kirol-zentrora joan. Eta zer iruditzen ping-pong partidatxo bat?
Gamarrako Parkera bizikletaz iritsi eta itzuli batzuk eman belodromoan, bota tiro batzuk basketera edo futbolera, gozatu haurrentzako guneez, eraman pala edo erraketa batzuk eta ekiozue tenisera, padelera, mahai-tenisera edo frontoira eta, amaitzeko, mini-golf bat. Makilarik ez baduzu, Udalak utziko dizkizu Eskalmendiko sarreran, edo nahiago baduzu, ekiozue palekin edo erraketekin ea zer moduz!
Kirol anitzeko jardunaldi hori Mendizorrotzako Kirol Esparruan ere izan dezakezu.
Bidegorrietako batetik joan zaitezke, buelta batzuk eman Ariznabarrako Patinodromoan edo, ausartuz gero, Lakuako BMX pistatik ere.
Joan zaitez zure auzoko kanpoko pistetako batera, edo, nahiago baduzu, eguraldi txarreko egunetan batez ere, egin ezazu erreserba bat (bizikidetzako kirol-jarduera anitza) gizarte-etxe bateko kantxaren heren batean edo udal-kiroldegi batean, tiro batzuk, penalti batzuk edo familia-partida bat egiteko. Gogoratu Gamarrako erabilera libreko zelaiak edo gure hiriko beste edozein kirol-zentrotako zelaiak ere erabil ditzakezula.
Jaitsi Geocaching(Beste leiho batean irekiko da) aplikazioa eta ekin zuen abenturari. Beste pertsona batzuek altxor batzuk ezkutatu dituzte Gasteizen zehar eta zuei dagokizue aurkitzea, GPS koordenatuak eta app-aren bidez utzitako arrastoak jarraituz.
Zaldizko irteerak, parapentea, nordic walkinga, eskalada, mendira irteerak eta bizikleta gidatuko ibilaldiak, espeleologia, etab. Kontsultatu horrelako jarduerak bideratzen dituzten turismo aktiboko enpresen(Beste leiho batean irekiko da) zerrenda. Bide batez, ezagutzen al duzue Gorbeia Central Park(Beste leiho batean irekiko da)? Hamaika abentura Gasteiztik pauso batera.
Une egokia da gure txikiei mendi irteeretan(Beste leiho batean irekiko da) hasteko. Zer hoberik naturan ibilaldi bat eta hamaiketako on bat baino! Eta mendiak igo beharrik ere ez dago. Arabako Ibilbide Berdeen Sareaz(Beste leiho batean irekiko da) ere goza dezakezue.
Ziur harritzen zaituela zuri jarraitzeko edo zu gainditzeko gaitasunak! Ehunka korrika egiteko aukera dago Gasteizen. Eta oraindik ezin badizu korrikan jarraitu, ziur bizikletaz egin dezakeela!
Sei arrazoi, aita edo ama zaren aldetik, horrelako planak egitera anima zaitezen:
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
